1 سَرَ تٌ حّ كّمّ حّ مْشْحّن عَ نُن سٌلٌقٍرٍ نَن سْتْ سِمَيَ رَ، 2 عَ نَشَ لَاشِرَ كِرِيَتِ عَرَبَ، هٍبِرٌن مَبِرِ، كَنَان بْشِ مَ. عِبُرَهِمَ نَشَ عَ شَ فِنّ حْن قٍ رَبَ. 3 عِبُرَهِمَ تٌ فّ وَدٍ عَ شَ فِنّ بّ، عَ نَشَ سِفَ شِتِكَيٍ شْن مَ، عَ عَ قَلَ عٍ بّ، 4 «شْحّ نَن لَنشِ ﭑ مَ وٌ يَ مَ بٍ. ﭑ بَرَ وٌ مَشَندِ، وٌ فَبُرِ يِرٍ قِ ﭑ مَ، ﭑ نْمَ ﭑ مَ فِنّ رَفَتَدٍ دّننَشّ.»

5 شِتِكَيٍ نَشَ عَ يَابِ، 6 «عِ تُلِ مَتِ مُشُ رَ عَ قَنيِ رَ. عَلَ شَ مِشِ نَن عِ رَ مُشُ يَ مَ. عِ نَ وَ عِ شَ فِنّ رَفَتَقٍ مُشُ شَ فَبُرِ يِرٍ يٌي، عِ سَفٌ نَ عَ رَ. مُشُ تَن يَ مَ بٍ، مِشِ يٌ مُ نَ نَشَن نْمَ تٌندِدٍ عِ بّ عِ شَ فِنّ رَفَتَدٍ عَ شَ فَبُرِ يِرٍ.»

7 عِبُرَهِمَ نَشَ كٍلِ، عَ عِفٌرٌ بْشِ مَ شِتِ بْنسْي يَ عِ، نَشٍيٍ نُ سَبَتِشِ نَ بْشِ مَ. 8 عَ نَشَ عَ قَلَ عٍ بّ، «شَ وٌ بَرَ تِن، ﭑ شَ ﭑ مَ فِنّ رَفَتَ وٌ شَ بْشِ مَ، وٌ شَ ﭑ مَ مَشَندِ رَدَنفِ سٌشَرَ شَ دِ عٍقٍرٌن مَ، 9 عَلَكٌ عَ شَ مَكِثٍلَ قْنمّ سٌ ﭑ يِ رَ فَبُرِ رَ نَشَن نَ عَ شَ شّ قّ مَ. ﭑ عَ كٌلٌن عَ تَن نَن فبٍ لَنشِ مّننِ مَ. عَ شَ نَ سَرَ ﭑ مَ وٌ يَ شْرِ، عَلَكٌ بِرِن شَ عَ كٌلٌن نَ بْشِ بَرَ قِندِ ﭑ مَ مِشِ رَفَتَدٍ رَ.»

10 عٍقٍرٌن شِتِكَ نُ تِشِ نَا حَمَ تَفِ. عَ نَشَ عِبُرَهِمَ يَابِ عَ شُي عِتٍشِ رَ، عَلَكٌ شِتِكَ نَشٍيٍ بِرِن نُ مَلَنشِ تَا سٌدٍ دّ رَ، عٍ شَ نْ عَ شَ وْيّنيِ رَ مّدٍ. 11 عَ نَشّ، «ﭑ بَبَ، ﭑ بَرَ عِ مَشَندِ، عِ تُلِ مَتِ ﭑ نَ. ﭑ بَرَ نَ شّ نُن نَ قْنمّ قِ عِ مَ ﭑ بْنسْي يَ شْرِ. عِ شَ عِ شَ فِنّ رَفَتَ مّننِ.»

12 عِبُرَهِمَ مَن نَشَ عَ عِفٌرٌ بْشِ مَ حَمَ بِرِن يَ شْرِ، 13 عَ عَ قَلَ عٍقٍرٌن بّ، «عِ شَ عِ هَاكّ تٌ ﭑ بّ. عِ شَ شّ مَسُندِ نَن يَ. يَندِ، عَ رَ سُشُ، عَلَكٌ ﭑ شَ نْ ﭑ مَ فِنّ رَفَتَدٍ مّننِ.»

14 عٍقٍرٌن نَشَ عَ يَابِ، 15 «ﭑ بَبَ، عِ تُلِ مَتِ ﭑ نَ عَ قَنيِ رَ. بْشِ نَشَن سَرٍ لَنمَ فبٍتِ كِلٌ نَانِ نُن عَ تَفِ، سٍسٍ مُ نَ كِ عِ تَن نُن ﭑ تَن تَفِ. عِ شَ فِنّ رَفَتَ نَا تُن!»

16 عِبُرَهِمَ نَشَ تِن نَ سَرٍ رَ شِتِكَيٍ يَ شْرِ. عَ نَشَ فبٍتِ كِلٌ نَانِ نُن عَ تَفِ مَنِيَ عَ بّ. 17 نَ شّ نَشَن نَ مَكِثٍلَ قّ مَ، مَمِرٍ سٌفٍتٍدٍ بِرِ، قْنمّ نَشَن نَ عَ نُن وُرِ بِلِ نَشَن بِرِن سِشِ نَ نَانِنيِ رَ، 18 نَ بِرِن نَشَ قِندِ عِبُرَهِمَ فبٍ رَ. نَ شِتِكَ نَشٍيٍ بِرِن نُ مَلَنشِ تَا سٌدٍ دّ رَ، عٍ بِرِن قِندِشِ نَ قٍ سٍيدٍ رَ.

19 نَ بِرِن دَنفِ شَنبِ، عِبُرَهِمَ نَشَ عَ شَ فِنّ سَرَ رَفَتَ نَ قْنمّ كُي مَكِثٍلَ شّ قّ مَ، نَشَن نَ مَمِرٍ يَتَفِ هٍبِرٌن مَبِرِ كَنَان بْشِ مَ. 20 نَ شّ نُن نَ قْنمّ نَشَ بَ شِتِكَيٍ فبٍحَ، عَ قِندِ عِبُرَهِمَ فبٍ رَ، عَلَكٌ عَ شَ نْ عَ شَ مِشِيٍ رَفَتَدٍ مّننِ.