1 وٌ عَلَتَلَ مَتْشْ.

عَ لَنمَ عَلَتَلَ شَ مَتْشْ بّيتِ رَ.

قٍ قَنيِ نَ عَ رَ.

2 عَلَتَلَ نَ فبِلٍنقٍ دَرِ سَلَمُ تِ رَ،

عَ عِسِرَيِلَ شَ مِشِ رَقَمَ نّ كٍلِقٍ كٌنيِيَ كُي،

3 عَ تْورْ مِشِيٍ رَلِمَنِيَمَ،

عَ عٍ رَيَلَنمَ عٍ شَ قُرٍ كُي.

4 عَلَتَلَ تُنبُييٍ كْنتِ كٌلٌن،

عَ عٍ بِرِن شِلِمَ عٍ شِلِ رَ.

5 وٌن مَرِفِ عَلَتَلَ سّنبّ فبٌ،

دَن مُ نَ عَ شَ قَهَامُي مَ.

6 عَلَتَلَ مِشِ مَفٌرٌشِ بُن تِمَ،

كْنْ عَ يّتّ عِفبٌي شَ قٍ كَنَمَ.

7 وٌ شَ بّيتِ بَ عَلَتَلَ بّ تَنتُي رَ،

وٌ شَ بّيتِ بَ عَلَ بّ كْرَيٍ شُي رَ.

8 عَ تَن نَن نُشُي رَ مِنِمَ كٌورٍ مَ،

عَ تُنّ رَقَ بْشِ مَ،

عَ سَنسِيٍ رَ سٌلِ فٍيَيٍ قَرِ.

9 عَ شُرُ سٍيٍ رَبَلٌمَ،

عَ دٌنسٍ قِمَ شَشَ يْرّيٍ مَ، عٍ نَ عٍ شُي رَ مِنِ تّمُي نَشّ.

10 سٌي سّنبّ مُ قِندِشِ قٍقٍ رَ عَلَ بّ.

شّمّ شَ سّنبّ مُ قِندِشِ قٍقٍ رَ عَلَ بّ.

11 عَلَ يَرَفَاشُييَ نَن نَقَنمَ عَ مَ.

عَلَ وَ مَ مِشِ شْن نَشَن شَشِلِ تِشِ عَ شَ شَنُنتٍيَ رَ.

12 دَرِ سَلَمُ، عِ شَ عَلَتَلَ مَتْشْ.

سِيٌنِ، عِ شَ عَلَ تَنتُ،

13 بَرِ مَ عَ تَن نَن عِ شَ نَادّ مَكَنتَمَ،

عَ تَن نَن بَرَكّ سَمَ عِ شَ حَمَ مَ.

14 عَ بْحّسَ قِمَ عِ شَ بْشِ مَ،

عَ دٌنسٍ قَنيِ قِمَ عِ مَ.

15 عَلَتَلَ دُنِحَ يَمَرِ مَ،

عَ عَ وَشْنقٍ رَيٍنسٍنمَ مَقُرٍن مَقُرٍن.

16 عَ بَلَبَلَنيِ رَفٌرٌ مَ نّ عَلْ فّسّ قُتٍ،

عَ نَ رَيٍنسٍن عَلْ تّ شُبٍ.

17 عَ رَفٌرٌ بْشِ مَ، ندٍ نْمَ تِدٍ نَ شِنبٍلِ يَ رَ؟

18 عَ نَ عَ شُي رَ مِنِ عٍ مَ، عٍ شُنُمَ نّ،

عَ نَ قٌيٍ رَقَ، بَلَبَلَنيِ مَن قِندِ مَ نّ يٍ رَ.

19 عَلَتَلَ بَرَ عَننَبِ يَشُبَ رَكٌلٌن عَ شَ مَسٍنيِ رَ،

عَ بَرَ عَ شَ سّرِيّ نُن عَ شَ يَامَرِيٍ مَسٍن عِسِرَيِلَ بّ.

20 عَ مُ نَ مْولِ رَفِرِشِ سِ فبّتّ يٌ بّ.

نٍيٍ لُمَ عَلَ شَ سّرِيّيٍ كٌلٌنتَرٍيَ نَن كُي.

وٌ شَ عَلَتَلَ مَتْشْ!