112
112-küy •••• Xudadin eyminidighan kishi •••• 1-ayettiki izahatni körüng
1 Hemdusana!
Perwerdigardin eyminidighan,
Uning emrlirini zor xursenlik dep bilidighan adem bextliktur!□ «Hemdusana! Perwerdigardin eyminidighan, Uning emrlirini zor xursenlik dep bilidighan adem bextliktur!...» — bu küy «élipbe tertipilik» küy. Biraq ibraniy tilini terjime qilish jeryanida jümle tertiplirini özgertish kérekliki tüpeylidin, «élipbe tertipilik» nusxini körsitelmiduq. ■ Zeb. 1:1, 2
2 Uning nesli zéminda turup küch-qudretlik bolidu;
Duruslarning dewri bextlik bolidu.
3 Uning öyide dölet hem bayliqlar bolidu;
Heqqaniyliqi menggüge turidu.
4 Qarangghuluqta turghan durus ademge nur peyda bolidu;
U shepqetlik, rehimdil hem heqqaniydur.
5 Xeyrxah, ötne bérip turidighan ademning bexti bolidu;
U öz ishlirini adilliq bilen yürgüzidu.□ «U öz ishlirini adilliq bilen yürgüzidu» — bashqa ikki xil terjimisi bar: — «U öz adilliqi bilen öz ishlirini yürüshtüridu» yaki «Dewada bolsa höküm uning teripide bolidu». Mumkinchiliki barki, yazghuchi bu üch menining hemmisini közde tutqan.
6 Berheq, u ebediy tewritilmeydu;
Heqqaniy adem menggüge eslinidu.
7 U shum xewerdin qorqmaydu;
Uning köngli toq halda, Perwerdigargha tayan’ghan.
8 Dili mehkem qilin’ghan, u qorqmaydu;
Axirida u reqiblirining meghlubiyitini köridu.
9 U öziningkini merdlerche tarqatqan,
Yoqsullargha béridu;
Uning heqqaniyliqi menggüge turidu;
Uning münggüzi izzet-shöhret bilen kötürülidu.
10 Rezil adem buni körüp chidimaydu,
Chishlirini ghujurlitidu, u érip kétidu;
Rezillerning arzu-hewisi yoqitilidu.
□112:1 «Hemdusana! Perwerdigardin eyminidighan, Uning emrlirini zor xursenlik dep bilidighan adem bextliktur!...» — bu küy «élipbe tertipilik» küy. Biraq ibraniy tilini terjime qilish jeryanida jümle tertiplirini özgertish kérekliki tüpeylidin, «élipbe tertipilik» nusxini körsitelmiduq.
□112:5 «U öz ishlirini adilliq bilen yürgüzidu» — bashqa ikki xil terjimisi bar: — «U öz adilliqi bilen öz ishlirini yürüshtüridu» yaki «Dewada bolsa höküm uning teripide bolidu». Mumkinchiliki barki, yazghuchi bu üch menining hemmisini közde tutqan.