119
Bada ana tarawatu boruborumana
9 Rava vouna menanare lawana aiaina ina maeni?
Tauna riwamei ina paina-melei.
10 Lamna aubaina a baibaiem orau taputapunei;
eḡa ma votereu da riwam ana geduaiei.
11 Riwam a iaiavi ma au nuanuau a tereterei,
da eḡa ḡoʼapoapoei awarim ana kauei.
12 Bada, a voepaepaim!
Am tarawatu ma viararamaniu.
13 Ipiriuei ana bababani ma
am tarawatu anatapui u verevereiu ana jimei.
14 Am tarawatu votelatelana a vinuaiainana-kauei,
eḡa me vipurapura bo vimane.
15 Riwam ana iavi
ma ana vinuanotenotei.
16 Am tarawatu a vinuaiaina-kauei,
eḡa riwam ana voteretawanei.