26
Job
1-2 Dakriy u bang feni ga’ angimed ngog —
i gag ney ni ku gu gafgow ma ku gu me’waer
3 Dakriy bfel’ ko fanow ni ka mu pi’ed
ni ka mu pi’ed boch e llowan’ romed ngak bbalyang ni bod gag!
4 Mini’ e gimed be leamnag nra rung’ag urngin e thin romed?
Mini’ e ke tay e thin nga langmed ka mu nonad ni arrogon?
[Bildad]
5 Fapi ya’al rok e pi’in karm’ad e yad be t’on
u fithik’ e ran u tan e fayleng.
6 Fayleng ko yam’ e bmab ngak Got;
dariy ba upong nra rungrunguy u owchen.
7 Got e filath lanelang ko lel’och
me the’ e fayleng ko dari’.
8 Got e ir e suguy e manileng ko ran
me tay ndabi po’ u malngin.
9 I mithag e pul ni ngo’on nga fon bang i manileng.
10 I ki’eg e tamilang ko lumor
ngab lulbuy ni yoloy nga daken e day.
11 Nap’an nra puwan’ ko pi duga’ nibe chibiy lanelang,
miyad rur miyad t’on ko morus.
12 Gelngin e ir e kol e day ngay;
ma feni cheag me thang e fan rok Rahab ni fare kan ne maday.
13 Athon l’ugun e tamilangnag lanelang,
fare kan nu maday ni mil e thang e fan rok nga rifrifen pa’.
14 Machane pin’ey e kemus ni be yip’ fan gelngin,
kemus ni kathkath e kad rung’aged.
Mini’ e rayag rok ni nge nang rogon feni gel gelngin Got?
DRAFT VERSION — Proofreading in progress