41
1 Rayag rom ni ngam l’eg e Leviathan nga ba lam
ara mfek ba gaf ngam m’ag bolowthen?
2 Rayag ni ngam kuruf p’ethungun nga mon’ e gaf ngay
ara mu the’ e lam nga yododan?
3 Gur ra i wenig ngom ni ngam pag nge yan?
Gur ra i wenig ngom ni ngam runguy?
4 Gur ra ngongliy ba tha’ u thilmew
nge micheg ni bayi pigpig ngom ndariy n’umngin nap’an?
5 Gur rayag ni ngam m’ag ni bod ba arche’ ni fakay,
ni nge paleg owchen e pi’in ni ppin ni tapigpig rom?
6 Gur ra i lu’ag girdi’en e fita’ rogon puluwon ni nge pi’ be’ nge yag ngak?
Gur rayag ni nge yib e girdi’ nma chuway’ ngar th’eth’abed ngar pi’ed nchuway’?
7 Mog, rayag ni ngam pag e piska ngak nge fach u downgin,
ara mu kuruf lolugen nga ba piska ni ba ga’?
8 Ta’ab yay ni ga ra math ngak ma dabki ga’aran’um ni ngam math ngak bayay;
ya dabki m’ay u wun’um rogon nma cham!
9 En nra guy e Leviathan
e ra m’ath e liyab ngak nge aw nga but’ ko marus.
10 Ra ni ginaeng, mra damumuw nib gel;
dariy be’ nra m’ath magren rok ni nge sak’iy u p’eowchen.
11 Mini’ e en nrayag rok ni nge cham ngak me par ni ni bfel’ rogon nde buch ban’en rok?
Dariy be’ u fayleng ni polo’ nrayag rok.
12 Mu son, nggu weliy ngom rogon tungun ay e Leviathan,
nga feni famsow nge feni gel.
13 Dabiyag rok be’ ni nge fathiy keru’,
ara kuruf dugren ni rib el.
14 I mini’ e rayag rok ni nge bing l’ugun,
nib fach e nguwol riy ni yira rus ngay?
15 Ma olyen keru’ e rib gel,
nib peth ma ba el ni bod feni el e malang.
16 Ra reb ma ke gabal nga reb nrib nemow,
ni buchu’uw i nifeng ma dabiyag ni nge rich u thilin.
17 Gubin nrib fel’ rogon nike ayal nga ta’bang
nike gabal reb nga reb ni dabiyag i pithig.
18 Ra wa’angis me mat e uluch,
ma lanmit e bod mit e yal’ ni ka feni m’ug.
19 Ma be wear e daramram u lan l’ugun,
ni be madardar e nifiy riy.
20 Ma be wagey e ath u p’ethungun
ni bod e ath ni be yib ko pan ni yibe urfiy u tan e th’ib.
21 Pogofan rok e rayag ni nge afweg e nifiy;
ma be thay e daramram u lan l’ugun.
22 Ba gel belel’ugun
ni gubin e girdi’ ni yad ra mada’nag e ri yad ra rus.
23 Dariy bochiyang u downgin nib waer;
ba el ni bod rogon e wasey.
24 Ba gel laniyan’ ni der marus,
nder m’ing ni bod ba malang ni yima gelgiy e ggan u daken.
25 Ra suwon, ma mus ngak e pi’in nth’abi gel ni yad ma rus;
miyad par nike li’rad e marus.
26 Dariy ba saydon nrayag ni nge maad’ad ngak;
ara ba piska, ara ba gan e gat’ing, ara sarey nrayag ni nge maad’ad ngak.
27 Ya wasey e bod feni waer kenggin e wheat u puluwon,
ma bronze e bod feni munguy e l’ud nike wod u puluwon.
28 Dariy ba gan e gat’ing nra k’aring nge mil;
malang ni yira pag ngak e bod chobngen e uchel ni be aw ngak.
29 Ma gul e bod bochiyang i kenggin e uchel u puluwon,
ma ra pag e pumo’on e piska ngak me minmin.
30 Ma oloyen yin e bod yungi th’ib ni but’ nike pil nib m’uth;
ra yan ma be ker e bar.
31 Ma mithmitheg e day ni bod e ran u lan ba th’ib ni be ligil,
ma ligilnag ni bod ba th’ib i gapgep.
32 Ra yan u maday ma ba gagiyel e gin nike yan riy ko wuth,
me pingeg e day nge par ni wuth nib wechwech.
33 Dariy ban’en u fayleng nrayag ni ngan ta’rebnag ngak;
ir ba gamanman ndariy buchu’uw i marus rok.
34 U daken e fayleng e dariy e puluw rok riy,
ir e pilung u fithik’ gubin mit e gamanman ni malboch.
DRAFT VERSION — Proofreading in progress