41
Ba meybil ko m’ar
1 Nge falan’ e pi’in ma magfan’rad ko pi’in gafgow;
ya SOMOL e ra aywegrad ko ngiyal’ nike yib e oloboch ngorad.
2 I SOMOL e ra yororiyrad me ayuweg e pogofan rorad;
ra tayrad ni yad ba felfelan’ u daken fare but’;
ma dabi n’agrad nga pa’ e pi to’ogor rorad.
3 I SOMOL e ra aywegrad ko ngiyal’ ni yad ba m’ar
nge gol nagrad.
4 I gag e lungug, “SOMOL, kug denen nib togopluw ngom;
mu runguyeg ngam gol nigeg.”
5 Pi to’ogor rog e yad be yogneg nga kireb.
Yad ba’adag ni nggum ngan pagtalig.
6 Pi’in yad ma yib ni ngar guyed gag e bochan e nge chuw e thin riy;
yad ma kunuy thibngig
ngar weliyed i yan.
7 Urngin e pi’in kar fanenikayed gag e yad be gun’gun’ nigeg nga but’;
tin th’abi kireb e yad ma leamnag ngog.
8 Me lungurad, “Dabki gol e cha’nir;
dakriy bangiyal’ nra chuw u chob rok.”
9 Mus ko en nri gamow bpach, ni en nri ma pagan’ug ngak,
ni be’ ni gamow ma abich u ta’bang,
nike cheal ke togopluw ngog. Jhn 13:18
10 SOMOL, mu runguyeg ngam gol nigeg,
ya nggu fulweg taban e kireb ko pi to’ogor rog.
11 Ra dabiyag ni gel e pi to’ogor rog ngog,
ma aram e bay gu nang ni kug fel’ u wun’um.
12 Bay mu ayuwegneg, ni bochan e gu be rin’ e n’en ni bfel’;
bay um teg u p’eowchem ni dariy n’umngin nap’an.
13 Ngan pining e sorok ngak SOMOL, ni fare Got rok yu Israel!
Ngan pining e sorok ngak e chiney i yan ngaram ndariy n’umngin nap’an!
Amen! Amen!
DRAFT VERSION — Proofreading in progress