60
Ba meybil ni nge pagan’uy ngak Got 2 Sa 8:13; 1 Kro 18:12
1 Got, kam n’agmad, ma kam waer nagmad;
Ku’um damumuw ngomad; ma wenig ngom mu sul ngomad.
2 Ka mu durru’nag e but’; ke say ke mab,
mu golnag e maad’ad riy, ya be puth.
3 Ka mu pag e girdi’ rom yad be gafgow nib gel;
gamad be thigthig i yan ni gowa gamad ba ching.
4 Ka mu ginaeng e pi’in bay madgum u wan’rad,
ya nge yag nra thaygad ko riya’.
5 Mu aywegmad nga gelngim; mu fulweg taban e meybil romad,
ya nge dabi buch ban’en rok e pi’in yad ba t’uf rom.
6 Par Got u tagil’ nib thothup me ga’ar,
“Kug gel, ere fare binaw nu Shekem e bay gu pag e f’oth ngay,
mug pi’ fare loway nu Sukkoth ngak e girdi’ rog.
7 Gilead e bmilfan ngog, ma ku errogon yu Manasseh;
Efraim e urwach rog,
mu Judah e fare sog rog ko pilung.
8 Machane bay gu tay yu Moab ni barba’ i dabiy ni nggu luknag rifrifan eg riy,
ma bay gon’ e sus rog nga daken yu Edom,
ni pow riy nib milfan ngog.
Gur, i finey yu Filistia ni yad ra tolul nga dakenag ni bochan e kar gelgad?”
9 A Got, mini’ e ra fekeg ngalan fare binaw ni kan yororiy ni fan ko mael?
Mini’ e bayi pow’iyeg i yan nga Edom?
10 Got rriyul ni karim n’agmad?
Mog, dab kum un ngak e pi salthaw romad ko mael?
11 Mu ayuwegmad nggu gelgad rok e pi to’ogor romad;
ya ayuw ko girdi’ e ba m’ayfan!
12 Ra bay Got u ba’ rodad ma gadad ra gel;
ir e bayi gel ngak e pi to’ogor rodad.
DRAFT VERSION — Proofreading in progress