Yook 128
Daane kawini ye yook.
1 Yariman yaa unimaibdan korem kuu amun kerundoon,
ye kiwaan ari weniibdan kui.
2 Yiib kuu deme awiniwen ye id kuu yiibka ananiib,
kwane yiib kuu amun kerundaneene yiminmo dobaraniib.
3 Eb wonong kuu wain nong areb id yemoon irimaun,
eb ambiwoom kuu.
Kwane eb dana meed kuu olif maad areb yemoonmo kainaniib,
eb arakbon kebed yaa kuu.
4 Kedi, Yariman yaa unimaan ye karub kuu
kwamunemo amun kerunaneen.
5 Yariman kuu Saiyon angkambed amun kerubdok.
Eb wad dobaraneeb ye aronki korem kuu
wedmebko Yerusalemdan yiminmo dobiriyiib kerok.
6 Anamaa, eb dana meed yi dana meed wedmaneeb kuu anam id kerok.
Israel aom kuu iwari yewenuwiib kerok.