ዎይኮ

ኦናስ ጊዴ? 6 ቃሴካ ፆሲ ባ ባይራ ናዛ ዱጌ ሃ ቢታ ቦላ ዬዲሼ “ፆሳ ኪታንቻቲ ዉሪካ ኢዛስ ጎይኔቶ” ጊዴስ። * ዛሬ 32፡43 7 ኪታንቻታ ጊሽ ሃሳዪሼ ቃሴ “ኪታንቻታ ኣያናታ፤ ባ ኦሳንቻታካ ታማ ላጮ ኬሴስ” ጊዴስ። * ማዛ 104፡4 8 ናዛ ጊሽ ቃሴ “ጎዶ! ኔ ዙፋኔይ ሜርናፔ ሜርና ጋካናስ ሚኒ ዳና። ኔኒ ኔ ካዎቴꬃ ሊኬ ካሌꬃሳ። 9 ኔኒ ፂሎቴꬅ ዶሳዳሳ፤ ማካላካ ኢፃሳ፤ ሄሳ ጊሽ ፆሲ ኔ ጎዳይ ኔና ኔ ላጌታፔ ቦላ ኬሲዴስ። ኔና ኡፋይሳ ዛይቴ ቲዪዴስ” ጌስ። 10 ቃሴ “ጎዶ ኔኒ ኮይሮ ቢታ ሜꬋዳሳ። ሳሎቲካ ኔ ኩሼን ኦሴቲዳ። 11 ኢስቲ ꬋያና፥ ኔኒ ጊዲኮ ሚና ዳና። ኢስቲ ዉሪካ ማይዖ ማላ ጋልዓና። 12 ኔኒ ኢስታ ማይዖ ማላ ቃላምዓና። ኢስቲካ ማይዖ ማላ ላሜታና። ኔ ጊዲኮ ኣይዴካ ኔኒ ኔና። ኔ ዱሳስ ዉርሴꬂ ዴና” ጌስ። 13 ፆሲ ኪታንቻታፔ “ታኒ ኔ ሞርኬታ ኔ ቶሆ ጋርሳን ዬꬊሳና ጋካናስ ኔ ታ ኡሻቻን ኡታ” ኦና ጊዴ? * ማዛ 110፡1