1 Na nipajqui quema nechilhuijque:

“Ma tiyacajya ichaj TOTECO.”

2 Pero ama ya tiitztoque nica ipan altepetl Jerusalén.

Quena, ya ticalactoque campa ipuertas ipan itepa.

3 Jerusalén quisencajtoque para nopona nochi ma mosentilica.

4 Nochi imasehualhua TOTECO tlen catli hueli hueyi familia tlen israelitame hualahuij nica sesen xihuitl,

para quitlascamatise huan quipaquilismacase Toteco senquistoc quen quiijtohua itlajtol.

5 Pampa nopona mosehuía para tetlajtolsencahuas nopa tlanahuatijquetl catli iixhui David.

6 Ximotlatlajtica ica TOTECO para ma onca tlasehuilistli ipan altepetl Jerusalén.

Xijtiochihua Jerusalén ica ni camanali:

7 “Ma itztoca cuali nochi catli quiicnelíaj ni altepetl Jerusalén.

Ma onca tlasehuilistli ica calijtic nopa tepamitl catli quiyahualohua.

Ma itztoca ica paquilistli ipan nochi tequicalme.”

8 Pampa niquinicnelía noicnihua huan nohuampoyohua catli itztoque nica, niquijtohua:

“Ma quipiya tlasehuilistli ni altepetl.

9 Pampa niquicnelía ichaj TOTECO catli mocahua nica,

ma onca tlasehuilistli ipan ni altepetl.”