1 येसुए नो माहोल्‍यारालाई रँःद तोबो दाँदात बाद उच़ुसिक उछींत हुज़्‍याव भरी ब ओल्‍योक ज़ हुकेर। 2 हाःत ज़ येसुए अइ लिद यासथैक्‍यो,

11 “ङा ङामिनत जेलाई अऩाकलाव पाँर ससैद, जेखिरी पसिद, उल्‍ली गिल्‍ली दाद जेमिन बले·द यायाचिक धन्‍याकावर ज़ जेताज़्या। 12 जेयुँर मासतेद रेंच्‍यो, काराव ल्‍यो ताकिन स्‍वर्गताव घ्‍योःव इनाम दैन्‍या जेले। अगमबक्ता भरिरालाई मनी जेकिन ङ़ादा निताव दुखर याव ज़ यारानैज़्याव।” 5:12 २ इति ३६:१६

13 “जे आव मानुवात सापी मितावर जेलिज़्‍या। सापीए ओदार ओमालिकिन नोलाई कै जैद ची ओदार ल्‍यो जैन्‍या? है जैद नो काम मालागिउ ओतावए नोलाई ख्‍याद मिँराए छिल्‍सी ऩिन्‍या वाज़ ताज़्‍या।

14 “जे आव मानुवाताव ज़गै स्‍यासो ब जेलिज़्‍या। झेंःवताव जैसिउ सहर ब माम़ोंसिए। 15 स़ोनो मिँराए ल़ोसै तैंःद जाए माकपर, दिउ बाल्‍न्‍यात ची झाःर। हुनी वाज़ झ़िमल लिज़्‍यावरालाई पलाँ ताज़्‍या। 16 हिताव ज़ जे मनी मिँराए याङ़ाक जेज़गै ओरैंःक। हो ताकिन ची चाव जेय़ेन रँःद स्‍वर्गताव जेबाबुए उमिन ब सघ्‍योःद्यान्‍या लेर।”

17 “जे ङालाई ‘मोसाए ओकानुन स़ोनो अगमबक्ताराए याय़ेन सम़ैना उहुव’ है तालिच्‍यो। सम़ैना माःक, सयो·ना ङाहुव ची। 18 ङा साचो है ङादाचिज़्‍या, आव नाम नम ओमाखेमा पै, धर्मसास्‍त्रलाव सर्सिउ पाँ ओमायो·वा पै, तोबो ब खेर बान्‍या माले। 19 है जैद जोए धर्मसास्‍त्रलाव पाँ तकेज़ा तादी ब ओबले·किन स़ोनो छुतलाई तँनी ओपैकिन नोए उमिन स्‍वर्गताव राज्‍याल प़ाइँरानी ज़िम्‍ज़ा तान्‍या ले। फरी नो भरी ओल माबिरैद ओदोकिन छुतलाई ब दान्‍या ओपैकिन नोए उमिन स्‍वर्गताव राज्‍याल घ्‍योःव ज़ तान्‍या ले। 20 है जैद ज़ ङा साचो है ङादाचिज़्‍या, सास्‍त्रीर स़ोनो फरिसीराए यादोज़्‍याव धर्मकिन जे कोसै जेमादोकिन, स्‍वर्गताव राज्‍याल पसिउ दैन्‍या जेमाले।”

21 “जे ब थैद जेनैज़्‍याखेहो, भाःकाव जेसाखा पुर्खारालाई ‘मिँ मासैःन्‍या,’ स़ोनो, ‘जोए मिँ सैःज़्‍याव, होए सजा ब दैव ज़ परिके’ है लिद सथैव ज़ यारानैज़्‍याव। 5:21 प्रस २०:१३; ब्य ५:१७ 22 ङा ते झन जेलाई इतावनी है ङादाचिज़्‍या, जोए ओभाइलाई रसिद वाज़ ओएकिन नोलाई ब सजा दैन्‍या ओछ्यास लिज़्‍या, स़ोनो जोए छुतलाई, ‘नँ कान्‍ल ज़ काम मालागिउ भोकोता,’ है दोज़्‍याव, नोलाई झन घ्‍योःव कचरील लाँन्‍या ओछ्यास लिज़्‍या। फरी जोए छुतलाई, ‘मुर्ख नफ्या·हुव,’ है दोज़्‍याव, नोलाई नर्गलाव मेंःए ओज़्‍यास तान्‍या ओछ्यास लिज़्‍या। 23 है जैद नँ ध्‍यान झ़िमल परमेस्‍वरए उमिनत कातार चरैःना नबाक ननैंए उयुँल नउपर्त कातार उलिज़्याव नसैंकिन, 24 नो चरैःना नरैवलाई होक ज़ ख्‍यानैद ङ़ादा नो ननैंस सखैसिद वाज़ चरैःयो।

25 “नजगर्‍याए अदालतदा मुद्दा झाःनाद उईंकिन होङ ओमाकेस्‍द येमक ज़ खैनानी, म़ानी नोए न्‍याधिसए उकुइत सूँपिद, न्‍याधिसए फरी पुलिसए उकुइत सूँपिद झ्यालखानाल झाःनिरिज़्याव। 26 साचो ज़, नल नपरिकिन तपैसा तादी ब ओपो·स ज़ नमाफो·वा पै पुलुसो दैन्‍या नमाले।”

27 “जे आव ब थैद जेनैज़्‍याखेहो, ‘अर्काए ओज्‍याए ल्‍योदा माबान्‍या।’ 5:27 प्रस २०:१४; ब्य ५:१८ 28 ङा ते झन है ङादाचिज़्‍या, जोए तोबो मेंमालाई चाव रँःद उयुँल बले·व ओपैंकिन होए पाखात ब ओबले·धुव मिताव ज़ लिज़्‍या। 29 है जैद तँनिकाव नमीए माचावल ओपारैनिकिन नोलाई कोला·द ख्‍याके। नक्‍याँ भरी नर्गल ओबाज़्‍याव देखा बुरू तोबो ओमाल्‍यो पाथ लिज़्‍या। 30 हिताव ज़ तँनिकाव नकुइए माचावल ओपारैनिकिन नोलाई च़म्‍द ख्‍याके। नक्‍याँ भरी नर्गल ओबाज़्‍याव देखा बुरू तोबो च़म्‍द ख्‍यान्‍या पाथ लिज़्‍या।

31 “फरी कानुनलाव आव मनी जेसैंज़्‍याखेहो, ‘जोए ओज्‍यालाई ऱासो ओपैंकिन होए ऱास्‍न्‍या कागत सर्द ओऱासोक।’ 5:31 ब्य २४:१-४ 32 ङा ते झन है ङादाचिज़्‍या, जोए ओज्‍या ओरेए ओसतत उलिज़्‍यावत ब ओरेए ओऱास्‍किन, फरी नो मेंमाए छुत रे ओदोकिन, नो ऱास्‍ज़्‍याव ओरेए नो मेंमालाई जारी य़ेन ज़ दाव परींक्‍यो। फरी जोए नो ऱास्‍सिउ मेंमालाई रैज़्‍याव, होए मनी जारी य़ेन ज़ दोक्यो।”

33 “आव ब थैद जेनैज़्याखेहो, भाःकाव जेसाखा पुर्खारालाई, ‘धुत किर्‍या झाःन्‍या माताए,’ स़ोनो, ‘परमेस्‍वरए उमिनत काताराल किर्‍या जेझाःकिन नोलाई जुनी ब सयो·व ज़ परिए’ है लिद सथैव ज़ यारानैज़्‍याव। 5:33 लेबी १९:१२; गन्‍ती ३०:२; ब्य २३:२१ 34 ङा ते झन है ङादाचिज़्‍या, किर्‍या झाः ज़ ताझाःच्‍यो। नम छुद तादी ब ताझाःच्‍यो, नत परमेस्‍वरए उसिंहासन लिज़्‍या। 5:34 यसै ६६:१ 35 नाम छुद ब ताझाःच्‍यो, नाम परमेस्‍वरए उखँ नैन्‍या पो ची। यरूसलेमए उमिननी ब ताझाःच्‍यो, नो राजाराए याराजाए ओसहर ची। 5:35 यसै ६६:१; भज ४८:२ 36 जेङ़ै छुद ब ताझाःच्‍यो, जेङ़ैताव चेमलाई पालो ब जेमाजैधुइ, मोलो ब जेमाजैधुइ। 37 है जैद जे हैज़लाई हैज़, माःकलाई माःक ज़ है लिच्‍यो। नोकिन आगल्‍या भरी ओचाहित माल्‍यो ज़ लिज़्‍या।”

38 “आव ब थैद जेनैज़्‍याखेहो, ‘छुतलाई ओहा केःद ओएकिन, उमी पा·द ओएकिन, हाए ओपोल हा, मीए ओपोल मी ताव ज़ उपरिज़्‍याव।’ 5:38 प्रस २१:२४; लेबी २४:२०; ब्य १९:२१ 39 ङा ते झन जेलाई है ङादाचिज़्‍या, माचाव य़ेनत खिस ताफेरैच्‍यो। काताकावए तँनिकाव नगालात लप्‍तैद उईंकिन, तँनिकाव नगाला ब थाँदियो। 40 स़ोनो काताकावए नचूबन्‍दी नैंन्‍याए जूँनी मुद्दा झाःद उईंकिन नफुतु ब हाइद एयो। 41 फरी काताकावए करस ज़ तकिलोमितर लाँव ओपैंकिन नोस अझ ऩेकिलोमितर पै बानी। 42 नँस ऩिज़्‍यावलाई एयो, नँस कातार लोसो ओपैंकिन ‘माले’ है मादाद लोइयो।”

43 “आव ब थैद जेनैज़्‍याखेहो, ‘नैं मेंलाई समारिन्‍या, सुतुरलाई सोन्‍या।’ 44 ङा ते झन जेलाई है ङादाचिज़्‍या, जेसुतुररालाई मनी यारासमारिच्यो, जेखिरी पसिज़्‍यावराए याजूँनी पोंखारिच्‍यो। 45 हो ताकिन ची स्‍वर्गताव जेबाबुए ओज़ार तान्‍या जेले। होए चाव माचाव प़ाइँलाई निमी ब पले·द याएज़्‍याव, धर्मीर स़ोनो अधर्मीरालाई नम ब सवाद याएज़्‍याव। 46 जेलाई समारिज़्यावरालाई वाज़ जेरासमारिकिन स्‍वर्गताव जेजुँ कातानी जेदैरिज़्‍याव? नाःवाकाव य़ेन ते पापी है यारादोज़्‍याव सिर्मा स्‍यो·ज़्‍यावराए मनी दोज़्‍यार। 47 जेक्‍याँदाङावरालाई वाज़ मानस जेरासुम्‍किन नो काता ज़ माःक। नाःवाकाव ते परमेस्‍वरलाई मासरेस्‍ज़्‍यावराए ब दोज़्‍यार। 48 है जैद स्‍वर्गताव जेबाबु किताव ओखत माल्‍यो छैंव लिज़्‍या, जे ब हिताव ज़ ताव परिके।” 5:48 लेबी १९:२; ब्य १८:१३