7
عَلَ شَ لَامَتُنيِ سِنفٍ عَننَبِ عَمٌسِ بّ
1 مَرِفِ عَلَتَلَ نَشَ يِ لَامَتُنيِ مَسٍن ﭑ بّ؛
شّ تٌ شَبَ، مَنفّ شَ سَنسِ نّينّ قَن نُ نَ مِنِقٍ،
عَلَتَلَ نَشَ كَتٌي رَ مِنِ.
2 عٍ تٌ فّ سَنسِ بِرِن دٌندٍ بْشِ مَ،
ﭑ نَشَ عَ قَلَ،
«مَرِفِ عَلَتَلَ، ﭑ بَرَ عِ مَيَندِ،
عِ شَ عٍ شَ يُنُبِ شَقَرِ،
شَ نَ مُ عَ رَ يَشُبَ بْنسْي قَ بَلٌمَ دِ؟
عَ سّنبّ مُ فبٌ.»
3 عَلَتَلَ نَشَ كِنِكِنِ عٍ مَ، عَ قَ عَ مَسٍن،
«عَوَ، يِ مُ رَبَمَ كْرّ.»
عَلَتَلَ شَ مَسٍنيِ نَن نَ كِ.
عَلَ شَ لَامَتُنيِ قِرِن ندٍ عَننَبِ عَمٌسِ بّ
4 مَرِفِ عَلَتَلَ نَشَ يِ لَامَتُنيِ مَسٍن ﭑ بّ؛
مَرِفِ عَلَتَلَ نَشَ عَ حَنِفٍ تّ شَ دّشّ.
تّ نَشَ بْشِ بِرِن فَن، بْشِ يٍ بِرِن نَشَ شَرَ.
5 ﭑ نَشَ عَ قَلَ،
«مَرِفِ عَلَتَلَ، ﭑ بَرَ عِ مَيَندِ، دَن مّننِ،
شَ نَ مُ عَ رَ يَشُبَ بْنسْي قَ بَلٌمَ دِ؟
عَ سّنبّ مُ فبٌ.»
6 عَلَتَلَ نَشَ كِنِكِنِ عٍ مَ، عَ قَ عَ قَلَ،
«عَوَ، يِ مُ رَبَمَ كْرّ.»
مَرِفِ عَلَتَلَ شَ مَسٍنيِ نَن نَ كِ.
عَلَ شَ لَامَتُنيِ سَشَن ندٍ عَننَبِ عَمٌسِ بّ
7 مَرِفِ عَلَتَلَ نَشَ يِ لَامَتُنيِ مَسٍن ﭑ بّ؛
مَرِفِ نُ تِشِ بِلِشِ تِنشِنشِ قَرِ،
بِرِكِ مَتِنشِن سٍ نُ سُشُشِ عَ يِ رَ.
8 عَلَتَلَ نَشَ ﭑ مَشْرِن،
«عَمٌسِ، عِ مُنسٍ تٌشِ؟»
ﭑ نَشَ عَ يَابِ، «بِرِكِ مَتِنشِن سٍ.»
مَرِفِ نَشَ عَ مَسٍن،
«ﭑ وَ مَ ﭑ مَ حَمَ شَ مَتِنشِن.
ﭑ مُ دِحّمَ سْنْن.
9 كُيٍ بَتُدٍيٍ كَنَمَ نّ عِسِيَفَ شَ بْشِ مَ.
عِسِرَيِلَ شَ سَلِدٍيٍ رَبِرَ مَ نّ.
ﭑ كٍلِمَ نّ يٍرٌبٌوَ مِ بْنسْي شِلِ مَ سَنتِدّفّمَ رَ.»
عَمٌسِ نُن عَمَسِيَ
10 بٍتٍلِ سّرّشّدُبّ عَمَسِيَ، نَشَ عَ مَسٍن عِسِرَيِلَ مَنفّ يٍرٌبٌوَ مِ بّ، «عَمٌسِ نَ عِ يَنقَقٍ عِسِرَيِلَ بْنسْي يَ مَ. عَ نَشَن قَلَمَ عَ مُ قَن بْشِ بّ. 11 عَمٌسِ نَشّ، ‹يٍرٌبٌوَ مِ قَمَ نّ قَشَدٍ سَنتِدّفّمَ رَ. عِسِرَيِلَ سِفَمَ نّ كٌنيِيَ كُي حَمَنّ مَ.›»
12 عَمَسِيَ نَشَ عَ قَلَ عَمٌسِ بّ، «عِ تَن نَشَن لَامَتُنيِ تٌمَ، كٍلِ بٍ عِ سِفَ يُدَيَ. عِ شَ سَ عِ بَلٌي قٍن مّننِ نَمِحْنمّ وَلِ كُي، 13 كْنْ عِ نَشَ نَمِحْنمّ مَسٍنيِ تِ بٍتٍلِ دٍ، بَرِ مَ مَنفّ شَ سَلِدٍ نَ مّننِ نّ، عَ شَ مَنفَتَا نَن نَا رَ.»
14 عَمٌسِ نَشَ عَمَسِيَ يَابِ، «نَمِحْنمّ مُ نَ ﭑ نَ. ﭑ بَبَ قَن نَمِحْنمّ مُ عَ رَ. شُرُ سٍ كَنيِ نَن ﭑ نَ. ﭑ سِكٌمٌرٌ سَنسِ قَن نَوَلِمَ. 15 عَلَتَلَ نَشَ ﭑ شِلِ شُرُ سٍيٍ تَفِ، عَ قَ عَ مَسٍن ﭑ بّ، ‹سِفَ، عِ سَ نَمِحْنمّ مَسٍنيِ تِ ﭑ مَ حَمَ عِسِرَيِلَ بّ.› 16 يَكْسِ، عِ تُلِ مَتِ عَلَتَلَ شَ مَسٍنيِ رَ، عِ تَن نَشَن عَ قَلَمَ ﭑ بّ، ‹عِ نَشَ نَمِحْنمّ مَسٍنيِ تِ عِسِرَيِلَ بّ، عِ نَشَ وْيّن عِسِيَفَ بْنسْي بّ.› 17 نَ وْيّنيِ مَ، عَلَتَلَ نَشّ، ‹عِ شَ فِنّ قِندِ مَ نّ لَنفٌي رَ تَا كُي. عِ شَ دِيٍ قَشَمَ نّ سَنتِدّفّمَ رَ. عِ شَ بْشِ بَمَ نّ عِ يِ رَ، عَ عِتَشُن مِشِ فبّتّيٍ مَ. عِ تَن، عِ قَشَمَ نّ بْشِ سّنِيّنتَرٍ مَ. عِسِرَيِلَ قَن شَنِنمَ نّ يِرٍ، نَشَن مَكُيَ عَ شَ بْشِ رَ.›»