27
عِسِرَيِلَ شَ كِسِ
1 نَ لْشْي، عَلَتَلَ نِنفِنَنفّ مَفَاشُشِ حَشَنكَتَمَ نّ عَ شَ سَنتِدّفّمَ شُنفبٍ رَ.
نَ شِلِ لٍوِتَن، عَ سَبَتِشِ بَا نَن مَ.
عَ سُشُقٍ شْرْشْ، بَرِ مَ عَ سَلَشُن عَ فبٍ رَ،
كْنْ عَلَتَلَ عَ سْنتْمَ نّ.
2 نَ لْشْي، وٌ شَ بّيتِ بَ ﭑ مَ وّنِ بِلِ قَنيِيٍ شَ قٍ رَ.
3 ﭑ تَن عَلَتَلَ نَن نَ عَ كَنتَمَ رَ.
ﭑ يٍ سَمَ نّ عَ مَ تّمُي بِرِن.
ﭑ عَ كَنتَمَ نّ كْي نُن يَنيِ رَ عَلَكٌ مِشِ يٌ نَشَ عَ تْورْ.
4 ﭑ شْنْ شْنْ، كْنْ شَ ﭑ سَ تُنبٍيٍ لِ نَا،
ﭑ عٍ فٍرٍ مَ نّ، ﭑ تّ دِن عٍ رَ.
5 شَ عَ سَ لِ عٍ نَشَ قَ ﭑ يِرٍ لَنيِ شِرِدٍ،
ﭑ تِنمَ نّ عَ رَ عَ قَنيِ رَ.
6 لْشْي نَ قَقٍ، يَشُبَ بْنسْي عَ سَنكٍ سْرْنمَ نّ،
عِسِرَيِلَ بْنسْي عَ سَلٌنيِيٍ نُن عَ قُفٍيٍ رَ مِنِ،
عَ دُنِحَ رَقٍ عَ بٌفِيٍ رَ.
7 عَلَتَلَ يَشُبَ بْنسْي بْنبْ نّ،
عَلْ عَ عٍ يَشُييٍ بْنبْ كِ نَشّ؟
عَ عٍ قَشَ نّ، عَلْ عَ عٍ قَشَ كِ نَشّ؟
8 عَ شَ شْنّ نَشَ دِن عٍ رَ،
عَ عٍ شَنِن عَلْ قٌيٍ شُنفبٍ.
9 يَشُبَ بْنسْي شَ يُنُبِيٍ شَقَرِ نَ كِ نّ.
نَ كُي، عٍ نَشَ كُيٍ سّرّشّبَدٍيٍ كَنَ،
عٍ نَشَ عَسٍرَ وُرِ مَسٌلِشِيٍ بَ عٍ شَ بْشِ مَ،
عٍ نَشَ كُيٍ شَ سُرَيِ فَنسٍيٍ كَنَ.
10 تَا سّنبّمَيٍ بَرَ كِرٌ،
عٍ قِندِ نّ يِرٍ رَبّحِنشِ رَ عَلْ فبٍنفبٍرٍنيِ.
نِنفٍيٍ نُ لُمَ نَا عٍ دّ مَدٌندٍ،
عٍ عٍ سَ، عٍ مّننِ وُرِ بُرّشّ بِرِن دٌن.
11 وُرِ سَلٌنيِيٍ نَ شَرَ، فِنّيٍ نُ عٍ فَن تّ رَ.
حَمَ شَشِلِتَرٍ نَن نُ عَ رَ.
عٍ دَالِ مَنفّ مُ كِنِكِنِشِ عٍ مَ نَ نَن مَ.
نَشَن عٍ دَاشِ، نَ مُ هِننّشِ عٍ رَ.
12 نَ لْشْي، عَلَتَلَ وُرِ بِلِيٍ عِمَشَمَ نّ، كٍلِ عٍقِرَتِ شُرٍ دّ رَ هَن مِسِرَ شُرٍ دّ رَ. عَ وٌ تَن عِسِرَيِلَ شَ دِيٍ بِرِن مَتٌنفٌمَ نّ كٍرٍن كٍرٍن.
13 نَ لْشْي، قٍرِ شُنفبٍ قٍمَ نّ، عَلَكٌ مِشِ نَشٍيٍ نُ لْيشِ عَسِرِيَ بْشِ مَ، عَ نُن نَشٍيٍ نُ يٍنسٍنشِ مِسِرَ بْشِ مَ، عٍ بِرِن فبِلٍنمَ نّ، عٍ قَ سُيِدِ عَلَتَلَ بّ فٍيَ سّنِيّنشِ قَرِ دَرِ سَلَمُ.