113
113-küy •••• Huda xǝpⱪitini kɵrsitix üqün Ɵzini tɵwǝn tutidu
1 Ⱨǝmdusana!
Mǝdⱨiyilǝnglar, i Pǝrwǝrdigarning ⱪulliri,
Pǝrwǝrdigarning namini mǝdⱨiyilǝnglar!
2 Ⱨazirdin baxlap, ǝbǝdil’ǝbǝdgiqǝ,
Pǝrwǝrdigarning namiƣa tǝxǝkkür-mǝdⱨiyǝ ⱪayturulsun!■ Dan. 2:20
3 Kün qiⱪardin kün patarƣa,
Pǝrwǝrdigarning nami mǝdⱨiyilinixkǝ layiⱪtur!■ Mal. 1:11
4 Pǝrwǝrdigar ǝllǝrdin yuⱪiri kɵtürüldi;
Xan-xǝripi ǝrxlǝrdin yuⱪiridur.
5 Kimmu Pǝrwǝrdigar Hudayimizƣa tǝng bolalisun —
Ɵz makani yuⱪirida bolsimu,
6 Asmanlarƣa ⱨǝm yǝrgǝ ⱪarax üqün,
Ɵzini tɵwǝn ⱪilƣuqiƣa?
7 Namrat kixini U topa-qangdin kɵtüridu;
Ⱪiƣliⱪtin yoⱪsulni yuⱪirilitidu;■ 1Sam. 2:8; Zǝb. 107:41
8 Uni esilzadilǝr ⱪatariƣa,
Yǝni Ɵz hǝlⱪining esilzadiliri arisiƣa olturƣuzidu;
9 U tuƣmas ayalni ɵygǝ orunlaxturup,
Uni oƣullarning huxal anisi ⱪilidu.
Ⱨǝmdusana!