142
142-küy •••• Yar-yöleksizliktiki dua
1 Dawut gharda yoshurunup turghan waqitta yazghan «Masqil»: —
Men Perwerdigargha awazimni anglitip nale-peryad kötürimen;
Perwerdigargha awazim bilen yélinimen;□ «Dawut gharda yoshurunup turghan waqitta yazghan «Masqil»: —....» — Dawut peyghember Saul padishahtin qéchip, ikki qétim gharda yoshurun’ghan waqtidiki weqeler «Tewrat, «1Sam.» -22- hem 24-babta yézlighan.
2 Uning aldida dad-zarlirimni tökimen;
Uninggha awarichilikimni éytimen.
3 Rohim ichimde tügishey dep qalghanda,
Shu chaghda basqan yolumni bilgensen;
Men mangghan yolda ular manga qiltaq saldi.■ Zeb. 77:3
4 Ong yénimgha qarap baqqaysen;
Etrapimda méni tonuydighan adem yoqtur;
Panahgah yoqap ketti;
Héch adem jénimgha köyünmeydu.
5 Men Sanga peryad kötürdüm, i Perwerdigar;
Sanga: «Sen méning Bashpanahimsen,
Tiriklerning zéminida bolghan Nésiwemdursen» — dédim.■ Zeb. 16:5
6 Méning peryadimgha qulaq salghaysen;
Chünki men intayin xarab ehwalgha chüshürüldum;
Méni qoghlighuchilirimdin qutuldurghaysen;
Chünki ular mendin küchlüktur.■ Zeb. 41:2; 79:8; 116:6
7 Séning namingni tebriklishim üchün,
Jénimni türmidin chiqarghaysen;
Heqqaniylar etrapimda olishidu;
Chünki Sen manga zor méhribanliq körsitisen.
□142:1 «Dawut gharda yoshurunup turghan waqitta yazghan «Masqil»: —....» — Dawut peyghember Saul padishahtin qéchip, ikki qétim gharda yoshurun’ghan waqtidiki weqeler «Tewrat, «1Sam.» -22- hem 24-babta yézlighan.