Yook 150
1 Yariman ye aningko kankoonime!
God kuu ye karadmo dobirimbon aombed doreen kuye aningko kankoonime.
Ye kuu mindong yi dangimbon aromkonoyiib arimbed doreen kuye aningko kankoonime.
2 Ye kamenabi aromkonoyiib ye dowad ye aningko kankoonime.
Ye kuu korem burudande darewoob arimbed kowe ye aningko kankoonime.
3 Kibi baandenib ye aningko kankoonime.
Haawiib laiyayiib wangkenib ye aningko kankoonime.
4 Tamborin wangke andenib ye aningko kankoonime.
Nongbed wangki yeman wangkanabe yurin wurumenib ye aningko kankoonime.
5 Kuweng darewoob ye simbal wangkanabenib ye aningko kankoonime.
Kuweng wenebi ye simbal wangkanabenib ye aningko kankoonime.
6 Inum nimaib ye dingkaniib nimakaruwiib kuu Yariman ye aningko kankoonime.
Yariman ye aningko kankoonime!