1 عَلَتَلَ، عِ شَ مِشِ تْورْ نَشَن وَ مَ ﭑ تْورْقٍ.

نَشَن وَ مَ ﭑ فٍرٍقٍ، نَ كَنيِ فٍرٍ.

2 كٍلِ، عِ شَ ﭑ مَلِ عِ شَ فٍرٍ سٌسٍ رَ.

3 عِ شَ شَلِ نُن تَنبّ شَ عِتٍ ﭑ يَشُييٍ شِلِ مَ.

عَ قَلَ ﭑ بّ، عَ عِ تَن نَن ﭑ مَ مَرَكِسِمَ رَ.

4 عَلَ شَ ﭑ يَشُييٍ رَيَافِ، عَ شَ عٍ شَشِلِ عِقُ،

نَشٍيٍ وَ مَ ﭑ قَشَقٍ.

نَشٍيٍ قٍ حَاشِيٍ مَشِرِ مَ ﭑ شُن مَ،

عَلَ شَ عٍ رَيَافِ، عَ شَ عٍ كٍرِ.

5 عٍ شَ لُ عَلْ مَالٍ لَفِ قٌيٍ نَشَن نَيٍنسٍنمَ.

عَلَتَلَ شَ مَلٍكّ شَ عٍ كٍرِ.

6 عَلَ شَ عٍ لُ دِ مِ كُي،

عَلَ شَ عٍ شَ كِرَ مَسَلَشُن.

عَلَتَلَ شَ مَلٍكّ شَ عٍ كٍرِ.

7 عٍ بَرَ يّلّ عِتَلَ ﭑ يَ رَ،

عٍ بَرَ يِلِ فٍ ﭑ بِرَ مَ دّننَشّ،

عَلَكٌ عٍ شَ ﭑ قَشَ هَلِ ﭑ مُ قٍ حَاشِ يٌ رَبَشِ عٍ رَ.

8 عَلَ شَ نَ سَرٍ رَفبِلٍن عٍ مَ.

عَلَ شَ عٍ سُشُ يّلّ كُي، عَلَ شَ عٍ رَبِرَ يِلِ كُي.

9 نَ تّمُي ﭑ بْحّ حّلّشِنمَ نّ عَلَتَلَ رَ.

ﭑ سّيوَ مَ نّ عَ شَ مَرَكِسِ شَ قٍ رَ.

10 ﭑ بْحّ عَ قَلَمَ نّ،

«عَلَتَلَ، عِ مَنِيّ مُ نَ.

ندٍ نْمَ تْورْ مِشِ رَتَنفَدٍ سّنبّمَ مَ؟

ندٍ نْمَ سٍتَرٍ رَتَنفَدٍ مُحّتِيٍ مَ؟»

11 وُلٍ قَلّيٍ ﭑ تْوحّفّمَ،

عٍ نُ قٍ قَلَ عٍ مُ نَشَن كٌلٌن.

12 عٍ ﭑ مَ قٍ قَنيِ سَرٍ رَفبِلٍنمَ قٍ حَاشِيٍ رَ.

مِشِ بِرِن بَرَ ﭑ نَبٌلٌ.

13 كْنْ عٍ تَن نُ قُرَشِ تّمُي نَشّ،

ﭑ نُ لُمَ سُننُن نَ عٍ بّ،

ﭑ نُ قَ سُنيِ سُشُ، ﭑ عَلَ مَشَندِ عٍ بّ تّمُي بِرِن.

14 ﭑ سُننُنشِ عٍ بّ عَلْ ﭑ سُننُنمَ ﭑ بٌورٍ بّ كِ نَشّ،

شَ نَ مُ عَ رَ ﭑ نفَشَكٍرٍنيِ بّ.

ﭑ كِنِكِنِشِ عٍ بّ عَلْ ﭑ كِنِكِنِمَ ﭑ نفَ بّ كِ نَشّ.

15 كْنْ تْورّ تٌ ﭑ تَن لِ، عٍ بِرِن نَشَ حّلّشِن.

عٍ نَشَ كَقُ عٍ بٌرٍ مَ ﭑ شِلِ مَ،

عٍ شَ ﭑ حَشَنكَتَ، عٍ شَ ﭑ نَهَلَكِ.

16 مِشِ حَاشِيٍ نُن كٌنبِتِيٍ،

عٍ بِرِن ﭑ مَ قٍ شْنشِ، عٍ نُ يٍلٍ.

17 ﭑ مَرِفِ، مُنقٍ رَ عِ تِنمَ نَ مْولِ شَ رَبَ؟

ﭑ نِي رَتَنفَ عٍ شَ فٍرٍ مَ، ﭑ نِي رَكِسِ يِ يّتّيٍ مَ.

18 نَ كُي ﭑ عِ تَنتُمَ نّ مَلَنيِ شُنفبٍ كُي،

ﭑ عِ مَتْشْمَ حَمَ فبٍفبٍ تَفِ.

19 عَلَ شَ ﭑ نَتَنفَ ﭑ يَشُييٍ مَ،

نَشٍيٍ وَ مَ يٌقٍ ﭑ مَ.

عَلَ شَ ﭑ نَتَنفَ ﭑ شْنمِشِيٍ

نَشٍيٍ وَ مَ ﭑ كٌنبِقٍ هَلِ ﭑ مُ قٍ يٌ رَبَشِ عٍ رَ.

20 عٍ مُ وْيّن قَنيِ يٌ قَلَمَ،

عٍ مِشِ قَنيِ مَدَشُمَ تُن.

21 عٍ ﭑ تْوحّفّمَ عَ قَلَقٍ رَ، «مُشُ بَرَ عَ تٌ.»

22 عَلَتَلَ، عِ بَرَ نَ بِرِن تٌ. عِ نَشَ دُندُ دٍ.

ﭑ مَرِفِ، عِ نَشَ عِ مَكُيَ ﭑ نَ.

23 ﭑ مَرِفِ عَلَ، كٍلِ،

عِ شَ ﭑ شُن مَفٍرٍ سٌ،

عِ شَ ﭑ شُن مَقَلَ.

24 ﭑ مَرِفِ عَلَتَلَ، عِ شَ ﭑ مَ كِيتِ سَ عِ شَ تِنشِنيِ رَ،

عَلَكٌ ﭑ يَشُييٍ نَشَ ﭑ مَيٍلٍ.

25 عِ نَشَ تِن عٍ شَ عَ قَلَ،

«مُشُ بَرَ نْ عَ رَ، مُشُ بَرَ عَ مَسْتْ.»

26 عَلَ شَ ﭑ شْنمِشِيٍ رَيَافِ،

ﭑ يَشُييٍ شَشِلِ شَ عِقُ.

27 عَلَ شَ ﭑ شَنُنتٍنيِيٍ رَ سّيوَ،

نَشٍيٍ عَ قَلَمَ عٍ شُي عِتٍشِ رَ،

«تَنتُي نَ عَلَتَلَ بّ

نَشَن عَ شَ كٌنيِ لُمَ بْحّسَ كُي.»

28 ﭑ عِ شَ تِنشِنيِ مَسٍنمَ نّ،

ﭑ عِ تَنتُمَ نّ تّمُي بِرِن.