1 Kamongona kingi lakando palena.

Anatu banya tembole anda dokona piso baa lakandamana.

Yake dorena banya porai renge palamo dokona lakandamana.

2 Banya yulu porai ingyuo piyamo dupwana lakando dokopa

baa kamame andake wakasa dokona lao lakandamana.

3 Bikuli poo lao

rambyalu lao gita pyao baa lakandamanale.

4 Baa laikuli pyao mali lyuo

rambyalu kurulupi lao banya kingi lakandamanale.

5 Bange jaa lenge dupwame minyuo kele kalo lao baa lakandamana.

6 Yuu muu dupwana wasiyamo piso pelyaminyi dupwa peparaeme Kamongo lakandalapape.

Kamongo baa lakandamana.