1“Kure mase,” kahtoko Ritonõpo Kuesẽkomo a,

2Ah typynanohse aexityã moro nekarõ toto Ritonõpo eahmaryme! Typynanohse toh nexiase eya epetõkara wino,

3tonehpose ropa toto eya imeimehnõ nonory

poe, inikahpoino te, ikurenaino roropa, xixi

tũtatoh winoino te, xixi omõtoh winoino roropa.

4Toitoine toytose toh nexiase tytahse ona tonorẽ poro, pata onenepyra tokurehse toto tosarykõme.

5Omise toh nexiase, tutunazehnase roropa,

tapotũkehse toto toorikyrykõ eraximãko

6Mame toetuarimarykohtao tykohtase toto

mame typynanohse ropa toh nexiase eya aetuarimatohkõ winoino.

7Tarose toto eya osema zae exikety ae pata pona,

8Ah “Kure mase,” nykã toto Ritonõpo a

9Tutunazehnase exiketomo a tuna ekarõko mana

10Toitoine ikohmamyry ao toh nexiase,

11Ritonõpo Imehxo Exikety omiry

12Toerohtohkõ tupime ehtoh ke tapotũkehse

mame toto anakorehmara imehnõ nexiase.

13Mame toetuarimarykohtao tykohtase toto

mame aetuarimatohkõ poe typynanohse toh nexiase

14Touse toto eya moro kohmamyry poe,

tymyhpokase ropa eya, keti tõ tamohse eya.

15Ah “Kure mase,” nykã toto Ritonõpo a

16Omõtoh apuru tõ tahkãko mana metau risemy,

ikyryry kurimene risẽ kararahnõko roropa mana.

17Toitoine putupyra exiketõme sã toh nexiase,

toetuarimase toh nexiase tyyrypyrykõ pokoino,

18tõtukurukõ se pyra toehse, takuruhtase toh nexiase,

ameke pyra toehse toorikyrykõ poko.

19Mame toetuarimarykohtao tykohtase toto

mame Ritonõpo Kuesẽkomo a typynanohse ropa toto

20Tõmiry ke tukurãkase toto eya,

typynanohse toto aorikyrykõino.

21Ah “Kure mase,” nykã toto Ritonõpo a

22Ah tynekarorykõ enehno toto, “Kure mase,”

23Toitoine toytose toto wapu tõ ae tuna konõto poro,

toerohtamitukõme tineru apoitohme tuna konõto tõ po;

24Ritonõpo Kuesẽkõ nyriry tonese eya xine,

25Aomiry omi poe tyryry tykapitose jamihme exikety,

pohkane tõ poh tykapitose.

26Wapu tõ tanỹse kaehxo mã kehko,

mame tyhtose ropa zue aka. Morara toehse ahtao tõserehse toto, tyneryrykõ kurũke.

27Tõsetapase toto, aetỹtyã sã toytose toto

wapu kywyh karyke; emese kure aehtopõpyrykõ toto anakorehmara nexiase.

28Mame toetuarimarykohtao tykohtase toto

mame Ritonõpo Kuesẽkomo a typynanohse toto

29Tyryrykane konõto tymynyhpãkapose eya,

pohkane tõ mynyhme toehse.

30Tãkye toehse toh nexiase tuna konõto

tymynyhpãse exiryke; kure rokẽ toto tarose

Ritonõpo a otyryhkatoh pona, ise aehtohkõ pona.

31Ah “Kure mase,” nykã toto Ritonõpo a

32Ah imehxo Ritonõpo ehtoh nekarõ toto

Ritonõpo eahmatoko tamuximãkõ ẽpataka

33Tuna tõ tyripose Ritonõpo a tonore rahkene,

tuna enatyry tõ tonore tyripose eya,

34nono kurã tyrise eya patãpome,

sautu ke tyõtose moro põkõ popyra ehtoh pokoino.

35Ona tonorẽ tyripose eya ikuhpo tõme,

nono tonore tymyakãmase eya tuna enatyry tõme.

36Omise exiketõ tonehpose eya

Typatarykõ tyrise eya xine, moroto toehtohkõme;

37tupito tõ tarykase eya xine,

uwa zoko tõ tarykase roropa eya xine,

tykyrysã itamurume tapoise eya xine.

38Kure rokẽ typoetory tõ tyrise Ritonõpo a;

toemũkuase toh nexiase tuhke.

Eky tõ roropa tomãkapose eya,

39Ritonõpo poetory tõ typoremãkase ahtao,

toehxirose roropa toto ahtao, sam tykase toto ahtao tyrohmanohpose toto ahtao,

40tãkye pyra toehtoh tonepose Ritonõpo a

Toytoytorykõ poko taropose toto eya ona tonorẽ poro, osema pyra ehtoh poro.

41Yrome tymõkomokãkara typynanohse eya

ipoenõ tomãkapose eya, eky tõ kaneru tõ samo.

42Moro eneryke tyya xine atãkyemãko

yrome popyra exiketõ tymynyhpãkapose

43Ah tuaro exiketõ nosenetupuhno toto