Sasuri Paulus hia
Pilmon
1
Lii mahoꞌo
Sasuri ne nèti jaꞌa, Paulus. Angalai jaꞌa, Timotius, hia lii mahoꞌo kahèi. Sèna ka èu meꞌa, ra taha jaꞌa ètu dꞌara èmu bèdho ne, lula jaꞌa peka-padhai dènge dhèu lula-nèti Yesus Kristus.
Jaꞌa suri sasuri ne
hia èu, Pilmon, dhu jiꞌi sue, aa dhu jꞌajꞌi angalai ètu dꞌara sasabꞌa;
hia ina Apfia,* Abhu dhèu dꞌèlu-mèu nèti Sasuri Mola-Mèci, dhu peka na, Apfia na, dhèu èmu Pilmon. Nèti èèna ka nèngu dènge hak ho ator ènu kahèi. dhu jiꞌi tadhe nuka sèmi ana hèni jiꞌi;
hia Arkipus, dhu sabꞌa sama-sama dènge jiꞌi ètu dꞌara sasabꞌa neꞌe;
dènge hia jumaꞌat dhu tema sabajꞌa sama-sama ètu dꞌara èmu èu. Kolose 4:17
Jaꞌa manèngi sèna ka Ama Lamatua, dènge Kètu èdhi, Yesus Kristus, padꞌelo dꞌara hua iia Ra mi dedha miu, sèna ka miu bisa mamuri padame èci dènge èci.
Dꞌara Paulus karejꞌe lula mamuri Pilmon
Pilmon! Lodꞌo-lodꞌo dhu jaꞌa sabajꞌa hia èu, jaꞌa manèngi makasi mi Lamatua, lula mamuri èu. Te jaꞌa tadèngi ae le nèti parcaya èu mi Lamatua Yesus, dènge sasue èu mi dhèu-dhèu parcaya. Lula lalèka èu, èu bisa mamuri dꞌara èci dènge dhèu parcaya dhu leo sèra. Jaꞌa manèngi-mangajꞌi ho ladhe miu padꞌelo dꞌara beꞌa miu èci dènge èci, miu bisa meꞌa mèu madha jꞌara aaꞌi-aaꞌi dhu beꞌa, dhu èdhi bisa tao hia Lamatua Yesus. Sasue èu èèna ka pakarejꞌe dꞌara jaꞌa, aa paꞌèra dꞌara jaꞌa kahèi. Aa sasue èu èèna ka, paꞌèra kahèi dꞌara dhèu parcaya sèra.
Paulus manèngi sèna ka Pilmon padꞌelo dꞌara sasue na mi Onesimus kahèi
8-9 Aꞌa, ee! Jaꞌa parluu ciki, sèmi neꞌe: jaꞌa jꞌajꞌi dhèu pajuu-paleha Kristus. Nèti èèna ka, jaꞌa dènge hak kahèi ho paredha èu, sèna ka tao jꞌara neꞌe. Te ngaa jaꞌa koꞌo boe tao paredha di, dhoka neo manèngi èu bantu di, nuka sèmi dhèu heka dhu toꞌa mi dedha èu. Jaꞌa jꞌajꞌi ana bèdho lula madhutu Yesus Kristus. Nèti èèna ka jaꞌa bani manèngi èu soru-bara jaꞌa, lula jaꞌa keꞌa sasue èu mi dhèu aaꞌi-aaꞌi ra. 10 Jaꞌa manèngi sèna ka èu padꞌelo sasue èu mi ana jaꞌa, Onesimus. Nèngu èèna, nuka sèmi ana dꞌèlu jaꞌa, te nèngu parcaya Yesus nèti sasabꞌa jaꞌa, ropa jaꞌa ètu dꞌara bui ne. Kolose 4:9
11 Jaꞌa keꞌa, Onesimus ne, ènu èu dhu rai nèti èu. Jaꞌa keꞌa, na, uru èèna nèngu dhu laku boe ètu katanga madha èu. Te ngaa limuri ne, jaꞌa parcaya nèngu nèti gaguna ae-ae hia èdhi dua ti. Ngara Onesimus, sasoa na ‘dènge gaguna’. De Paulus pabꞌunge lii padhai ètu neꞌe. 12 Jaꞌa sue ne titu kèna. Te ngaa hudꞌi laa, jaꞌa pua na lèpa hari asa èu.
13 Madhutu ngangee jaꞌa, na, jaꞌa taha Onesimus sèna ka gati èu, ho nèngu ladhe-leru jaꞌa ètu neꞌe. Te jaꞌa bisa boe tao ngaa-ngaa ètu dꞌara bèdho ne. Jaꞌa jꞌajꞌi ana bèdho, lula peka-padhai dènge dhèu Lii Lolo Beꞌa Lamatua Yesus. 14 Jaꞌa koꞌo boe sèna ka èu sadꞌi madhutu di, ladhe èu rasa dhèu laka-seti èu. Dadꞌèi jaꞌa, na, èu tao dhu beꞌa madhutu dadꞌèi èu unu mu. De ladhe èu moꞌo mèka sèmi dènge beꞌa lii manèngi jaꞌa, na, jaꞌa koꞌo boe tao ngaa ciki sa mi Onesimus ne, lula dhu hak dhoka èu di.
15 Ele boe èu pangee sèmi neꞌe: Lamatua soro tèke Onesimus ele nèti èu dꞌara ciki ooꞌe ne, sèna ka na mai hari ho pea taruu dènge èu. 16 Lodꞌo na rai èèna, nèngu dhoka jꞌajꞌi dhèu ènu èu di. Te ngaa ladhe nèngu lèpa hari dhiu, nèngu jꞌajꞌi mi ari pasue èu. Jaꞌa sue ne titu kèna kahèi. De neꞌe ne, gaguna na hia mi èu asa tabha. Te nèngu ne mesa boe jꞌajꞌi ènu èu di, te ngaa nèngu jꞌajꞌi kahèi ari dhu sama-sama parcaya Kristus.
17 De sèmi neꞌe ka. Ladhe èu tadhe jaꞌa ne angalai èu ètu dꞌara sasabꞌa èci, na, jaꞌa manèngi ho èu sèmi more nèngu, nuka sèmi jaꞌa ka dhu dhiu èèna. 18 Te ngaa ladhe Onesimus tao nèdhi sala mi dedha èu, do, na pakèlu era, hudꞌi laa pe jaꞌa ka tago kore. 19 Ladhe laa! Sasuri pakèlu ne, jaꞌa suri unu ku. Jaꞌa, Paulus, èèna na bꞌae pamaꞌète kèlu Onesimus mi Pilmon. Dꞌai le, sina ma? De jaꞌa parluu heka pasanèdꞌe, na, èu pakèlu jaꞌa ae risi. Te èu jꞌajꞌi dhèu unu Lamatua, lula jaꞌa.
20 Lèke kèna! Hudꞌi laa sèna ka èu bantu jaꞌa ètu jꞌara neꞌe, lula èdhi paꞌaꞌari ètu dꞌara Lamatua. Pakarejꞌe dꞌara jaꞌa sèmi èèna, lula èdhi aaꞌi-aaꞌi ti sama-sama dhèu unu Kristus.
Paulus suri paꞌèle sasuri na
21 Pilmon! Jaꞌa suri sasuri ne hia èu, lula jaꞌa parcaya èu bisa taru kira mi jaꞌa dènge beꞌa. Jaꞌa rasa, èèna na èu tao risi nèti ngaa dhu jaꞌa sanao.
22 Jꞌara èci era. Sadia ku kama èci hia jaꞌa. Te jaꞌa parcaya Lamatua tadèngi lii sabajꞌa miu, aa pe Na bhoke jꞌara ho kalua eele jaꞌa nèti dꞌara bui, sèna ka dhiu hari paꞌasu-pareo dènge miu ètu nèi.
23 Epapras ètu neꞌe. Nèngu jꞌajꞌi dhèu bui kahèi, lula nèngu lole jꞌara-jꞌara lula-nèti Yesus Kristus sèmi jaꞌa kahèi. Na paꞌadhu lii mahoꞌo kahèi hia èu. Kolose 1:7, 4:12 24 Markus, Aristarkus, Demas, dènge Lukas ètu neꞌe kahèi. Sasabꞌa rèngu èci èèna ka dènge jaꞌa. Rèngu hia lii mahoꞌo kahèi. Lii Lolo nèti Dhèu Pajuu-paleha 12:12, 25, 13:13, 15:37-39, 19:29, 27:2, Kolose 4:10, 4:14, 2 Timotius 4:10,11
25 Jaꞌa manèngi Kètu èdhi, Yesus Kristus, sèna ka padꞌelo dꞌara hua iia Na mi miu aaꞌi-aaꞌi mi.
Dꞌai sange neꞌe ka!
Saloom,
Paulus

*1:2 Abhu dhèu dꞌèlu-mèu nèti Sasuri Mola-Mèci, dhu peka na, Apfia na, dhèu èmu Pilmon. Nèti èèna ka nèngu dènge hak ho ator ènu kahèi.

1:2 Kolose 4:17

1:10 Kolose 4:9

1:11 Ngara Onesimus, sasoa na ‘dènge gaguna’. De Paulus pabꞌunge lii padhai ètu neꞌe.

1:23 Kolose 1:7, 4:12

1:24 Lii Lolo nèti Dhèu Pajuu-paleha 12:12, 25, 13:13, 15:37-39, 19:29, 27:2, Kolose 4:10, 4:14, 2 Timotius 4:10,11