1 Vačarda lenđe i paramiz sa jekh kaj san trubul te molitu e Devlese, thaj ma te ačha, 2 Vačarda: Ane jekh foro sasa jekh sudija savo ni darajlo e Devlestar thaj tare manuša ni darajlo. 3 Ane gova foro sasa jekh romni kaso rom mulo thaj avili leste thaj vačarda: “Arakma tare mo protivniko.” 4 Thaj ni nakhlo but vreme. Thaj empalal vačarda pese: “I te ni darav taro Dol, thaj ni lađav tare manuša, 5 Al sar voj avo but droma mande a voj si romni kaso rom mulo, ka akharavla, te ma avol po but thaj ma te dosadil man. 6 Tegani vačarda o Rajo: “Šunen so vačarda o bičačutno sudija. 7 A so ka čerol o Dol ni ka branil piren birimen piren save molin le rat em đive? 8 Vačarav tumenđe kaj ka aračhol tumen sigate. Al o Čhavo e Manušeso kana ka avol ka aračhol li pačape ki phuv. 9 A avera save dije gođi pese kaj si čačutne thaj averen peravena pire barimasa, vačarda kaja paramiz: 10 “Duj manuša đele ano Hram te molinpe e Devlese, Jekh fariseji a dujto cariniko. 11 O farisejo ačhilo thaj molisada pe ane peste gija: “Devla! hvaliv tut kaj najsem sar kala avera manuša: “Čora, bičačutne, anglečumidime (preljubnici) il sar kava o cariniko. 12 Postiv duj droma ko kurko, dav dešto kotor tare sa so isima. 13 A o cariniko odural ačhilo, ni manglja ni pe jakha te vazdol ano ćeri, čaladape ano kolin thaj vačarda: “Devla av kovlo pe mande bezehaleste. 14 Vačarav tumenđe kaj kava đelo čhere opravdimo, a na kava. Golese kaj savo pes vazdol ka perol, a ko pes peravol ka avol vazdimo. 15 Ande angla leste čhavoren te astarol len, a kana diklje gova e sikade, čhinade gova. 16 A o Isus dija akharda len thaj vačarda lenđe: “Mučhen e čhavoren mande, ma ačhaven len, gasavenđe perol o thagaripe e Devleso. 17 Vačarav tumenđe čače: savo ni primil o thagaripe e Devleso sar čhavoro, ni ka đal ane leste. 18 Thaj pučlja le jekh šerutno vačarindoj: “Učitelj šukareja! so te čerav te avol ma đuvdipe bizo meripe? 19 A o Isus phenda lese: “Sose akharema šukareja? khoni naj šukar samo o Dol. 20 E zapovestura đane: ma Čer averčumidipe, ma mudar, ma čor, ma hohav, mang će dade thaj će da. 21 A vov vačarda: “sa kava čerdem thaj arakhljem taro mo ternipe. 22 A kana šunda kava o Isus vačarda lese: vađi jekh trubul tut: “Bičin sa so isi tut thaj de e čororen, thaj ka avol tu bahtardipe ko ćeri. 23 A kana gova šunda sasa bibahtalo, golese kaj sasa but barvalo. 24 A kana dikhljale o Isus kaj sasa bibahtalo, vačarda: “So si pharo te đal pe ano Carstvo e Devleso kolenđe so si barvale! 25 Poločhe e kamilače te načhol maškare kana e suvače na o barvalo te dol ano thagaripe e Devleso. 26 A kola save šundele pučhlje le: “Ko šaj te spasil pe? 27 A vov vačarda: “So e manušese si našti e Devlese si šaj” 28 A o Petar phenda: “Ak amen sa ačhadam thaj pale tut đa. 29 A vov vačarda: “Čače vačarav tumenđe: “Naj ni jekh savo bi ačhavola o čher, e dade e deja, e phralen, il e phejen, il e romnja, il e čhaven pašo thagaripe e Devleso, 30 Te ni avo lese but droma po butane kava vreme, thaj ke kova sveto đuvdipe bizo meripe. 31 Lija e dešudujen thaj vačarda lenđe: “Ake đa upre ano Jerusalim, thaj sa ka načhol sar so vačarde e prorokura so pisisade pašo Čhavo e Manušese. 32 Golese kaj ka denle ke manuša save ni đanen e Devlese, thaj ka maren muj lesa, ka maren le thaj ka čhungaren le. 33 Thaj ka mudaren le a o trito đive ka uštol. 34 Thaj von khanči ni haljarde, o vačaripe sasa lendar garadi, thaj ni haljarde so sasa lenđe vačardo. 35 A kana sesa pašo Jerihon, jekh koro bešola ko drom manglja. 36 A kana šunda kaj načhol pučlja: “So si gova?” 37 Thaj vačarde lese kaj načhol o Isus o Nazarećanino. 38 Thaj dija vika: “Isuse, čhaveja e Davideso! dik pe mande. 39 Thaj nesave vačarde lese ma khančhi te vačarol, thaj vov pozurale dija vika: “Čhaveja e Davideso! dik pe mande 40 O Isus ačhilo thaj vačarda te anen le paše leste, thaj kana ande le pučlja le: 41 “So manđe te čerav tuče? A vov vačarda: “Rajo! te dikhav.” 42 A o Isus phenda: “Dik, čo pačajipe sastarda tut. Thaj sigate dikhlja, thaj đelo pale leste hvalisada e Devle. 43 Thaj savore save dikhlje hvalisade e Devle.