Ri ruca'n carta ri xutz'ibaj ri apóstol San Pablo chique ri kach'alal ri ec'o pa Tesalónica
1
Ri Pablo nuchop tzij
Yin Pablo e vachibilan ri kach'alal Silvano y ri Timoteo,* 2 Co. 1:19. nikaben c'a el re carta re' chive rix kach'alal ri ix aj pa Tesalónica, ri nimol-ivi' pa rubi' ri Katata' Dios. Rix jun ibanon riq'uin ri Katata' Dios y ri Ajaf Jesucristo. 1 Ts. 1:1. Y ja ta c'a ri utzil y ri uxlanen ri petenek riq'uin ri Katata' Dios y ri Ajaf Jesucristo xtic'oje' pa tak ivánima chi'ivonojel.
Xtik'at tzij pa quivi' ri vinek ri yebanon chique ri kach'alal chi niquitej pokonal
Kach'alal, benek-ruvech c'o chi nikamatioxij chire ri Dios ivoma rix. Y can ruc'amon c'a chi nikamatioxij, roma k'ij-k'ij icukuban-pe más ic'u'x riq'uin ri Dios, Job 17:9; Sal. 84:7. y roma k'ij-k'ij más nivajovala-ivi'. Y tok roj yojapon quiq'uin ri ch'aka' chic kach'alal ri niquimol-qui' pa rubi' ri Dios, nikatzijoj§ 2 Co. 7:14. chique chi yalan yojquicot iviq'uin rix, roma icoch'on ri tijoj-pokonal. Y stape' ic'ovisan* 1 Ts. 1:3; 2:14. chic q'uiy k'axomal, c'a icukuban na ic'u'x riq'uin ri Dios. Ri Dios can choj vi nuk'et tzij. Job 8:3. Y romari' ruyo'on ivuchuk'a' richin chi ix tiquirinek icoch'on Fil. 1:28. ri tijoj-pokonal, richin queri' ruc'amon§ Lc. 20:35; Ap. 3:4. chi yixoc pa rajavaren o pa ruk'a' ri Dios. Xa roma c'a ri' tok rix nic'ovisaj pokonal re vacami.
Y yalan choj ri nuben ri Dios. Roma can xtuya' chuka' tijoj-pokonal pa quivi' ri vinek ri yebanon chive chi nitej pokonal. Can xtuben c'a chique chi niquitej pokon chuka' rije'.* Ap. 6:10. Y xtuya' uxlanen Ap. 14:13. chive rix ri itijon pokonal. Y chuka' chike roj xtuya' ri uxlanen ri', chupan ri k'ij tok xtoc'ulun chila' chicaj ri Ajaf Jesús. Tok xtoc'ulun e rachibilan ri ángeles yo'on chic pe uchuk'a' chique. Y pa jun ruxak-k'ak' Sal. 79:6; He. 10:27; Ap. 21:8. xtuya' rutojbalil chique ri man xquetamaj ta el ruvech ri Dios y man xquinimaj ta el ri utzilej ruch'abel ri Kajaf Jesucristo, ri nic'amon-pe colotajic. Ri rutojbalil ri xtiya' chique yalan ruc'ayeval y richin jantape'. Y man c'a xquec'oje' ta apo riq'uin§ Dt. 33:2; Is. 2:19. ri Ajaf ri c'o ruk'ij-ruc'ojlen y janíla ruchuk'a'. Y xque'elesex c'a el. 10 Ronojel ri' xtibanatej chupan ri k'ij tok xtipe ri Ajaf. Rija' xtipe roma nrajo' chi konojel ri oj richin chic rija' xtikaya' ruk'ij-ruc'ojlen,* Sal. 89:7. y roma chuka' nrajo' chi ri oj nimayon richin can jebel xtikatz'et, y ivoma rix chuka' roma can xinimaj ri ruch'abel ri Dios ri xkabij chive.
11 Romari' benek-ruvech nikaben orar ivoma, chi ri ka-Dios xtuben ta chive chi yixtiquir ta nic'uaj jun c'aslen utz. Roma jari' ri ruc'amon chike konojel ri xojoyox roma ri Dios richin xojoc richin rija'. Chuka' nikac'utuj chire ri Dios chi riq'uin ri ruchuk'a' xtuben chive chi yixtiquir ta xtiben ronojel ri utz ri nirayij, y chi xquixtiquir ta xtiq'uis ronojel ri samaj ri ichapon roma icukuban ic'u'x 1 Ts. 1:3. riq'uin ri Jesucristo. 12 Queri' nikac'utuj chire ri Dios, roma nikajo' chi riq'uin ta ri utzilej c'aslen ri nic'uaj rix, ri Kajaf Jesucristo xtuc'ul ta ruk'ij-ruc'ojlen, 1 P. 1:7; 4:14. y rija' xtuya' chuka' ik'ij rix, roma riq'uin ri ka-Dios y ri Ajaf Jesucristo, can c'o-vi janíla utzil.

*1:1 2 Co. 1:19.

1:1 1 Ts. 1:1.

1:3 Job 17:9; Sal. 84:7.

§1:4 2 Co. 7:14.

*1:4 1 Ts. 1:3; 2:14.

1:5 Job 8:3.

1:5 Fil. 1:28.

§1:5 Lc. 20:35; Ap. 3:4.

*1:6 Ap. 6:10.

1:7 Ap. 14:13.

1:8 Sal. 79:6; He. 10:27; Ap. 21:8.

§1:9 Dt. 33:2; Is. 2:19.

*1:10 Sal. 89:7.

1:11 1 Ts. 1:3.

1:12 1 P. 1:7; 4:14.