1 Yin Juan, ri uc'uey quichin ri kach'alal, nintek c'a el re carta re' chave rat vach'alal Gaio.* Hch. 19:29; 20:4; Ro. 16:23; 1 Co. 1:14. Roma avetaman chi kitzij yin can yatinvajo-vi.

2 Vach'alal ri janíla yatinvajo', ri nurayibel yin ja ta chi rat utz ta at benek riq'uin ronojel, y manek ta ayabil. C'o ta jun ac'aslen ri can utz vi. Can ta achi'el ri at benek riq'uin ri ac'aslen ac'uan chuvech ri Dios. 3 Y jari' banayon chuve chi janíla quicoten c'o pa vánima,† 2 Jn. 4. roma ec'o kach'alal ri xetzijon can chuve chi can kitzij avojkan ri ruch'abel ri Dios y can utz ri c'aslen ac'uan. 4 Y ronojel bey tok ninvac'axaj chi ri kach'alal ri e achi'el valc'ual,‡ 1 Co. 4:15; Flm. 10. can kitzij cojkan ri ruch'abel ri Dios, yalan quicoten nuya' pa vánima. Roma can man jun chic c'a ri niyo'on ta más quicoten pa vánima.

5 Vach'alal Gaio, riq'uin c'a ri utzil ri yatajin chubanic, can nac'ut c'a chi can acukuban ac'u'x riq'uin ri Dios. Rat can achapon c'a quito'ic ri kach'alal ri ec'o pan atinamit y que chuka' ri' naben quiq'uin ri kach'alal§ Ga. 6:10. ri yepe nej. 6 Y rije' can xquitzijoj chique ri kach'alal tok quimolon-qui'. Xquitzijoj ri ajovabel ri c'o pan avánima. Romari' yin ninc'utuj c'a utzil chave chi ronojel bey tok yek'ax aviq'uin, taya-el ri nic'atzin chique. Roma can niquiben ri rusamaj ri Dios. 7 Rije' quichapon bey richin niquitzijoj ri rubi' ri Jesucristo chique ri vinek ri man jani quiniman ta, y man quic'utun* 1 Co. 9:14, 15. ta c'a quito'ic chique ri vinek ri'. 8 Roma c'a ri' nic'atzin chi ja roj ri yojto'on quichin. Y riq'uin ri', roj chuka' nikaben ri rusamaj ri Dios, roma yekato-el tok e benek chutzijoxic ri kitzij.

9 Xintek yan el jun carta chique ri kach'alal ri niquimol-qui' pa rubi' ri Dios chiri' pan atinamit. Pero ri Diótrefes man xunimaj ta ri xinbij, roma can runimirisan-ri' y nika' chuvech chi ruyon rija' ri uc'uayon quichin ri kach'alal. 10 Roma c'a ri' vi xquinapon iviq'uin, xtinbij chiquivech ri kach'alal ri nuben rija', ri yerubila' chikij y xa man e kitzij ta.† 1 Ti. 5:13. Y man xe ta ri' ri yeruben. Chuka' man yeruc'ul ta ri kach'alal ri yek'ax riq'uin. Y man nuya' ta chuka' k'ij chique ri ch'aka' chic kach'alal chi yequic'ul ta ri ye'apon quiq'uin. Y vi man niquinimaj ta rutzij, yerelesaj-el chiquicojol ri kach'alal.

11 Vach'alal, ri yalan yatinvajo', ninbij c'a chave: Man tavojkaj ri itzel.‡ Sal. 37:27; Is. 1:16, 17. Xa tavojkaj ri utz.§ 1 Co. 4:16; 11:1; 1 Jn. 2:29. Roma ri nibanon ri utz, can c'o chic c'a apo riq'uin ri Dios.* 1 Jn. 3:6. Jac'a ri nibanon ri itzel, man retaman ta ni ruvech ri Dios.

12 Conojel c'a yebin chi ri ruc'aslen ri kach'alal Demetrio, can utz.† 1 Ti. 3:7. Ja chuka' nikabij roj. Y rix ivetaman chi roj man nikatz'uc ta tzij.‡ Jn. 21:24. Rija' can kitzij rojkan ri ruch'abel ri Dios.

13 C'o q'uiy ri ninvajo' ninbij chave. Pero man ninvajo' ta nintz'ibaj más chupan re carta re'.§ 2 Jn. 12. 14 Roma xa ninrayibej chi yinapon yan aviq'uin* 2 Jn. 12. y c'ari' c'a xkojch'on c'a chirij ri'.

15 Xtic'oje' ta c'a uxlanen pan avánima. Ri kach'alal ri ec'o vave' niquitek-el rutzil-avech. Y rat tabana' c'a utzil taya' rutzil-quivech chiquijujunal ri kach'alal ri ec'o chiri'.