1 ፆኦሲ ዓሶ ሃይሶ ኬኤዛ ማፃኣፖ
ዓይፆ ካሮ
ሃይ ፆኦሲ ዓሶ ሃይሶ ኬኤዛ ማፃኣፓ ሳሙዔኤሌ ማፃኣፖና ካኣቶ ማፃኣፖናይዳ ኬኤዚንቴ ሃይሶ ዱማ ዱማ ጎይሢና ጊንሣ ላሚ ኬኤዛኔ፤ ፆኦሲ ዓሶ ሃይሶ ኬኤዛ ማፃኣፖይዳ ዒስራዔኤሌ ዓጮ ካኣታ ዎይሤ ሃይሶ ዛሎኮ ላምዖ ዼኤፒ ዼኤፒ ማሊሢ ዓኣሢ ኬኤዚንቴኔ።
1. ዒስራዔኤሌንታ ዪሁዳንታኮ ካኣታ ባይሲንታይዳ ኬዴያ ማዔያታቴያ ፆኦሲ ዴሮም ዒንጌ ሃጊ ማዓንዳ ዎዞ ቃኣሎ ቢያ ሃሺባኣዖ ካፔያ ማዔሢና ዪሁዳይዳ ናንጋ ዓሶ ዛሎና ዒዚ ፔ ዴሮም ማላ ማሊፆ ማዾይዳ ፔኤሼያ ማዔሢ ዔርዛኔ፤ ሃኖ ማፃኣፖ ፃኣፔ ዓሢ ዬይ ሃይሳ ጎኔ ማዒፆኮ ዓይሢ ካራ ዒዛም ማዓንዳጉዲ ዳውቴንታ ሴሎሞኔንታ ማዼ ዼኤፖ ዼኤፖ ማዾ፤ ሃሣ ጊንሣ ዒዮሳፒፄንታ ሂዚቂያሴንታ ዒዮሲያሴንታ ዔኪ ሙኬ፥ ፆኦሲና ዎላ ዓኣ ጫኣቁሞ ዓካሲፆንታ ፆኦሲም ጉሙርቂንታያ ማዒፆ ዶዲሺ ዓርቄ ዴሮ ሃይሶ ባንሢ ማሊፆ ዔኪ ዳካኔ።
2. ዬሩሳላሜይዳ ዓኣ ጌኤዦ ማኣሮይዳ ፆኦሲ ካኣሽኪሢ ዎይቲ ዓርቂንቴቴያ ዔርዛኒኬ፤ ባሼ ሃሣ ካኣዦ ዎጎ ማዺ ኩንሣ፥ ቄኤሶንታ ሌዊ ዓሶንታኮ ዎላ ፔቴ ማዒ ማዾ ማዻ ዎይቲ ዓርቂንቴቴያ ዔርዛኒኬ፤ ጌኤዦ ማኣሮ ማዤሢ ሴሎሞኔ ማዔቴያ ጌኤዦ ማኣሮንታ ካኣዦ ዎጎንታ ማዺንታንዳ ጎይፆ ጊኢጊሼሢ ዳውቴ ማዒፆ ዔርዛኒኬ።
ማፃኣፔላ ዱማ ዱማ ዓርቄ ባኮ
ዓዳኣሜ ዜርፆኮ ዴንዲ ካኣቲ ሳኣዖኦሌ ሄላንዳኣና (1፡1—9፡44)
ሳኣዖኦሌና ናኣቶናኮ ሃይቦ (10፡1-14)
ዳውቴኮ ካኣታዺፆ፤ ሃሣ ዬሩሳላሜ ዒዚ ዓርቄሢ (11፡1-9)
ዳውቴኮ ዔርቴ ፖኦሊሶ (11፡10—12፡40)
ጫኣቁሞ ሳኣፂኖኮ ዬሩሳላሜ ዔውቲፆ (13፡1—16፡43)
ጌኤዦ ማኣሮ ሴሎሞኔ ማዣንዳያ ማዔሢ (17፡1-27)
ዳውቴ ዖሎና ባሼ ባሺፆ (18፡1—20፡8)
ዳውቴ ዴሮ ፓይዴሢሮ ፆኦሲ ዻጋዼሢ (21፡1-30)
ጌኤዦ ማኣሮ ማዣኒ ጊኢጊንቶና ጊኢጊንቲ (22፡1—28፡21)
ጌኤዦ ማኣሮ ማዣኒ ዴራ ዒንጌ ባኮ (29፡1-20)
ሴሎሞኔ ካኣታዼሢ (29፡21-25)
ዳውቴኮ ሃይቦ (29፡26-30)
1
ዓዳኣሜይዳፓ ዴንዲ ዓብራሃሜ ሄላንዳኣና ሾይንቴ ዓሶ ዜርፆ
(ማዢ. ማፃ 5፡1-3210፡1-3211፡10-26)
ዓዳኣሜ፦ ሴቴ፥ ሴቴ ሄኖሴ፥ ሄኖሴ ቃይናኔ ሾዔኔ፤ ቃይናኔ ሜላሊዔኤሌ፥ ሜላሊዔኤሌ ያሬዴ ሾዔኔ፤ ዬያታ ፔ ሱንሢና ሱንሢና ዔኤሊንታ ዴሮኮ ቤርታሳ ማዖንሢኬ። ያሬዴ፦ ሄኖኬ፥ ሄኖኬ ማቶሳላ፥ ማቶሳላ ላሜሄ ሾዔኔ፤ ላሜሄ ኖሄ፤ ኖሄ ሴኤሜንታ ካኣሜንታ ያኣፔቴንታ ሾዔኔ።
ያኣፔቴያ ጎሜሬ፥ ማጎጌ፥ ማዳያ፥ ያዋኔ፥ ቱባሌ፥ ሜሼኬንታ ቴራሴ ጌይንታ ዓቲንቄ ናይ ሾዔኔ፤ ዬያታ ፔኤኮ ሱንፆና ሱንፆና ዔኤሊንታ ዴሮኮ ቤርታሳ ማዖንሢኬ። ጎሜሬ ናኣታ ዓሽኬናዜ፥ ሪፖቴንታ ቶጋርማንታኬ። ያዋኔ ናኣታ፦ ዔሊሻ፥ ዒስፔኔ፥ ቆጵሮሴንታ ሮዴ ዴሮንታኬ።
ካኣሜኮ ዓቲንቆ ናኣታ ኩሼ፥ ሚፂራይሜ፥ ፑኡፄንታ ካኣናኔንታ ማዓዛ ዬያታ ፔኤኮ ሱንፆና ሱንፆና ዔኤሊንታ ዴሮኮ ቤርታሳ ማዖንሢኬ፤ ኩሼ ዜርፃ፦ ሳባ፥ ሃዊላ፥ ሳቢታ፥ ራዒማንታ ሳቢቴካ ጌይንታ ዴሮኬ፤ ራዒማኮ ዓቲንቆ ናኣታ፦ ሳባና ዴዳኔናኬ። 10 ኩሼ ናምሩዴ ሾዔኔ፤ ዬይ ናምሩዴ ዓጪዳ ቤርታዺ ዖልዚና ዔርቴ ዓሲ ማዒ ኬስኬኔ። 11 ጊብፄ ዜርፃ፦ ሉዲሜ፥ ዓናሚሜ፥ ሌሃቢሜ፥ ናፕቱሄሜ፥ 12 ፔትሩሲሜ፥ ካስሉሂሜና ፒሊስፄኤሜ ዓሶኮ ቤርታሳ ዓዶንሢ ማዔ ቄርፄሴ ዴሮኬ። 13 ካኣናኔ ናኣቶኮ ቶይዳሢ፦ ፂዶኔ፤ ጌኤዛሢ ሄቴ ማዓዛ ዬያታ ፔኤኮ ሱንፆና ሱንፆና ዔኤሊንታ ዴሮኮ ቤርታሳ ዓዶንሢኬ። 14 ዬያጉዲ ሃሣ ዒዚ፥ ዬይ፥ ካኣናኔ፦ ዒያቡሳ ዓሶ፥ ዓሞራ ዓሶ፥ ጌርጌሳ ዓሶ፥ 15 ሂዋዌ ዓሶ፥ ዓርቃ ዓሶ፥ ሲናዌ ዓሶ፥ 16 ዓርዋዳ ዓሶ፥ ፄማራ ዓሶንታ ሃማታዌ ዓሶኮ ቤርታሳ ዓዳሢኬ።
17 ሴኤሜ ናኣታ፦ ዔላኣሜ፥ ዓሶኦሬ፥ ዓርፓክሳዴ፥ ሉዴ፥ ዓራሜ፥ ዑፄ፥ ሁሌ፥ ጌቴሬንታ ሜሼኬንታ ማዓዛ ዬያታ ፔኤኮ ሱንፆና ሱንፆና ዔኤሊንታ ፃጶኮ ማዖንሢኬ። 18 ዓርፓክሳዴ ሼላሄ ሾዔኔ፤ ሼላሄ ዔቦሬ፥ 19 ዔቦሬ ሃሣ ላምዖ ዓቲንቄ ናይ ሾዔኔ፤ ዒዛ ዎዶና ዓጮ ዴራ ፓቂንቴሢሮ ዒዛኮ ቶይዶ ናዓሢኮ ሱንፃ ፔሌጌ ጌይንቲ ጌሢንቴኔ፤ ጌኤዛሢ ሱንፃ ዮቅፃኔ ጌይንቴኔ። 20 ዮቅፃኔ ዜርፃ፦ ዓልሞዳዴ፥ ሼሌፔ፥ ሃፃርማዌቴ፥ ዬራሄ፥ 21 ሃዶራሜ፥ ዑዛሌ፥ ዲቅላ፥ 22 ዔባሌ፥ ዓቢማዔሌ፥ ሳባ፥ 23 ዖፕሬ፥ ሃዊላንታ ዮባቤ ጌይንታ ዴሮንታኬ።
24 ሴኤሜፓ ዴንዲ ዓብራሃሜ ሄላንዳኣና ዓኣ ሾይንቶ ዜርፃ፦ ሴኤሜ፥ ዓርፓክሳዴ፥ ሼላሄ፥ 25 ዔቦሬ፥ ፔሌጌ፥ ሬዑኔ፥ 26 ሴሩጌ፥ ናኮሬ፥ ታራንታ 27 ጊንፃፓ ሱንፃ ዓብራሃሜ ጌይንቲ ላኣሚንቴ ዓብራሜንታ ቢያሢኬ።
ዒስማዔኤሌ ዜርፆ
(ማዢ. ማፃ 25፡12-16)
28 ዓብራሃሜ፦ ዪሳኣቄና ዒስማዔኤሌና ሾዔኔ፤ 29 ዒስማዔኤሌ ናኣታ ታጶ ላምዖ ፃጲኮ ሱኡጌ ማዔኔ፤ ዬያታ ፃጳ ዒስማዔኤሌኮ ቶይዶ ናዓሢ ሱንፆና ዔኤሊንታ ኔባዮቴ፥ ቄፃሬ፥ ዓድቤዔሌ፥ ሚብሳሜ፥ 30 ሚሽማዔ፥ ዱማ፥ ማሳ፥ ሃዳዴ፥ ቴማ፥ 31 ዪፁሬ፥ ናፕሼንታ ቄድማ ጌይንታ ፃጶኬ።
32 ዓብራሃሜም ኬፁራ ጌይንታ ዒዛኮ ጊንፃ ማቾስኬና ዚምራኔ፥ ዮቅሻኔ፥ ሜዳኔ፥ ሚዲያሜ፥ ዮሽባቄና ሹሃ ጌይንታ ላሆ ዓቲንቄ ናይ ሾዔኔ። ዮቅሻኔያ ሳባና ዴዳኔ ጌይንታ ላምዖ ዓቲንቄ ናይ ሾዔኔ፤ 33 ሚዲያሜ ሃሣ ዔፓ፥ ዔፔሬ፥ ሃኖኬ፥ ዓቢዳዔና ዔልዳዔ ጌይንታ ዶንጎ ዓቲንቄ ናይ ሾዔኔ።
ዔኤሳዎ ዜርፆ
(ማዢ. ማፃ 36፡1-19)
34 ዓብራሃሜ ናኣዚ ዪሳኣቄ ዔኤሳዎና ያይቆኦቤና ሾዔኔ፤ 35 ዔኤሳዎ፦ ዔሊፓዜ፥ ሬዑዔኤሌ፥ ዪዑሼ፥ ያዕላሜንታ ቆራሄንታ ሾዔኔ፤ 36 ዔሊፓዜ፦ ቴማኔ፥ ዖማሬ፥ ፄፔ፥ ጋዕታሜ፥ ቄናዜ፥ ቲምናዔንታ ዓማሌቄ ጌይንታ ላምዖ ፃጶኮ ቤርታሳ ዓዶ ማዔኔ። 37 ሬዑዔኤሌያ፦ ናሃቴ፥ ዛራሄ፥ ሻማናንታ ሚዛ ጌይንታ ፃጶኮ ቤርታሳ ማዓሢ ማዔኔ።
ቤርታዺ ዔዶኦሜ ዓጮይዳ ናንጋ ዓሶ
(ማዢ. ማፃ 36፡20-30)
38-42 ቤርታዺ ዔዶኦሜይዳ ናንጋ ዓሳ ሴዒሬ ናኣቶ ዜርፆ ማዓዛ ዔያታ፦ ሎፃኔ፥ ሼባል ፄባዖኔ፥ ዓና፥ ዲሾኔ፥ ዔፄሬና ዲሻኔናኬ።
ሎፃኔ ናኣታ፦ ሆሪና ሆማሜና ማዓዛ ቲሚና ሎፃኔኮ ጌሮኬ።
ሾባሌ ናኣታ፦ ዓልዋኔ፥ ማናሃቴ፥ ዔባል ሼፒና ዖናሜናኬ።
ፄባዖኔ ናኣታ፦ ዓያና ዓናናኬ።
ዓና ናኣዚ ዲሾኔኬ።
ዲሾኔ ናኣታ፦ ሄሚዳኔ፥ ዔሽባኔ፥ ዒትራኔና ኪራኔናኬ።
ዔፅሬ ናኣታ፦ ቢልሃኔ፥ ዛዕዋኔና ዓቃኔናኬ።
ዲሾኔ ናኣታ፦ ዑፄና ዓራኔናኬ።
ዔዶኦሜ ዓጮ ካኣቶ
(ማዢ. ማፃ 36፡31-43)
43 ዒስራዔኤሌ ዓጮይዳ ካኣታ ካኣታዹዋንቴ ዔዶኦሜ ዓጫ ሃይካፓ ዴማ ፓይዲንታ ካኣቶንሢ ዎሊ ሄሊ ሄሊ ካኣታዼኔ፤ ዬንሢያ፦ ዲንሃባ ጌይንታ ካታማ ሾይንቴ ቤዖሬ ናኣዚ ቤላዔ ካኣታዼኔ፤ 44 ቤላዔ ሃይቃዛ ዒዛ ቤዛ ባሶሬ ዓጮ ዓሢ ዛራ ናኣዚ ዮባቤ ካኣታዼኔ። 45 ዮባቤ ሃይቃዛ ቴማኔ ዓጮ ዓሢ ሁሻሜ ካኣታዼኔ፤ 46 ሁሻሜ ሃይቄስካፓ ሞዓኣቤ ዓጮይዳ ሚዲያሜ ዓሶ ዖሎና ባሼ ቤዳዴ ናኣዚ፥ ሃዳዴ ካኣታዼኔ፤ ዒዚ ካኣታዺ ዴዔ ካታሜላ ዓዊ ጌይንታኔ፤ 47 ሄሊሳዖ ሃዳዴ ሃይቃዛ ማስሬቃ ዓጮ ዓሢ ሳሚላ ካኣታዼኔ። 48 ሳሚላ ሃይቄስካፓ ዔፕራፂሴ ዎሮ ዓጫ ዓኣ ሬሃቦቴይዳ ሾይንቴ ሻዑሌ ካኣታዼኔ። 49 ሻዑሌ ሃይቃዛ ዓክቦሬ ናኣዚ፥ ቤዓልሃናኔ ካኣታዼኔ፤ 50 ቤዓልሃናኔ ሃይቄስካፓ ፓዑ ካታሞ ዓሢ፥ ሃዳዴ ካኣታዼኔ፤ ሃዳዴኮ ማቻ፥ ሜሄፃቤሎ ጌይንታያ ዛሃቤኮ ናኣዚ ናዖ ማዔሢ ማናሬንዴ ናይኬ።
51 ሃዳዴያኣ ሃይቄኔ፤ ዬካፓ ሃሣ ዔዶኦሜ ዓሶኮ ሱኡጎ ማዔዞንሢ፦ ቲምናዒ፥ ዓልዋ፥ ዬቴቴ፥ 52 ዖሆሊባማ፥ ዔላ፥ ፒኖኔ፥ 53 ቄናዜ፥ ቴማኔ፥ ሚብሳሬ፥ 54 ሜግድዔሌና ዒራሜ ጌይንታዞንሢኬ።