5
Apaꞌ dumbili dombol mopoma Dembinai nogafiꞌi
Ipaꞌ amam nematawa afaꞌipai alipipai, afaꞌ ina ondaꞌ anif basef laufi ma ugaꞌipipa nemaf afamba hiahawes isimba sogataga, owaꞌatin.* Mt 24:42-44; 2 Pi 3:10; Re 3:3; Mt 24:36 Ipaꞌ pegawa eaꞌ nemaf afamba Dembinai nigafiꞌafii. Anen nogafiꞌi nifiꞌi siꞌi epen nandaꞌ wali nagafiꞌi owamba paꞌoh pegelelamana.* Esi 13:10; Mt 24:39; Lu 21:34-35; Jo 16:21-22 Atiasi anis amam nematawa siꞌias siꞌi, “Eaꞌ deiꞌ aꞌ nemaf buꞌwafi ma tol mogape andeandeꞌ.”
Esis owaꞌ siꞌias naꞌamba owaꞌ, nogota atamba atota hiahaom mogahambombaga alop asasipii motagamas kwafalis atis, siꞌi nemataꞌw kwagameꞌ akepa kogola batawin. Eaꞌ esis ina atiasi sindihiꞌama hiahaom amamba, owaꞌatin. Apaꞌ ipaꞌ alipipai, ina ataꞌ pagape owamb akuti siꞌi isimba sogololama Dembinaii, owaꞌ. Ipaꞌ ina bombolalasipa ma nemaf afamba fegataga siꞌi bombolagalasipa ma aman nandaꞌ wali nagafiꞌi, owaꞌatin.* Ro 13:12; Ef 5:9 Ipaꞌ epes hipai pagape lagala alipi. Ina siꞌi epes sagape owamb akuti, owaꞌatin. Eaꞌ ipaꞌ ina pendaꞌas siꞌi isimba anis ukup pasoꞌas saꞌoh sogololai, owaꞌatin. Andeandeꞌma apaꞌ ukup talambi mope naep pegetawa. Apaꞌ mogawa esis isimba sagaꞌihi esis saꞌoh owamb atomb. Eaꞌ isimba saꞌ embela sahaga sagagauli sandaꞌam owamb atona.* Ef 6:14,17 Apaꞌ mape siꞌi epes sagape alipi, nomonas sondapaepa mumafi alop andeandeꞌ. Apaꞌ mofaꞌ waf afamba mogahapifana banagepa ma mogasoꞌas opalef anis, siꞌi sandaꞌ wandafi sofaꞌ walitah sandaꞌ wandafa magahagasa wambawa. Apaꞌ mogawa basef amamba owagama God nofaꞌapa mogotanimai. Ukup pendandaꞌ ma basef amamba siꞌi mogowaloꞌ anota hat banagitai tigiliꞌama balagah.* 1 Te 1:10; 2 Te 2:14 Dembinai God ina nosahoꞌapa ma mogofaꞌ okom wandafunai ananinai nogahambombagapa, owaꞌatin. Anen nosahoꞌapa ma Jisas Krais Dembinai apeꞌinai nowambelapa mogotanimai.* Ro 14:8-9; 1 Te 4:14 10 Fowaꞌ anen nagaꞌ ma nogatopalopapa, iꞌi nemaf afamba anen nogotanimai mope ambagof fopaepa aꞌa mogaꞌ, mofeꞌ mope namepa molomana.* Ju 20 11 Deiꞌ ipaꞌ hipai pewaꞌ banaga nelelemb ipeꞌilimbi pendatopalopa atin siꞌi deiꞌ pape pandaꞌas.* 1 Ko 16:18; 1 Ti 5:17
Anif basef figawalipipai
12 Ipaꞌ Kristen alipipai afaꞌipai, afaꞌ waꞌipipa naꞌamba, waꞌi amom agufumi mugumafi esis Kristeni, anom mandaꞌ maol numaꞌwini malomepa matopalopepa. Ipaꞌ pendafeꞌ lafela amom. Dembinai nandaꞌam mape agufumi ipeꞌimi ma mogawa mondaꞌ nomonas ipeꞌisi usiꞌis. 13 Ipaꞌ ukup pepoma maol amamini, eaꞌ ukup pipilam beꞌep pepomam endilisi. Eaꞌ ukup atifip pindaima atin peloma esis sahin owan.* 2 Te 3:6,11,15 14 Ipaꞌ Kristen alipipai afaꞌipai, afaꞌ waꞌipipago dindinip wasaꞌma ukup ipeꞌipi ma pegatopalopago isimba alaꞌuta nagahasi banagambel piꞌipasa sokwahago waf alaꞌuta nagahasanai. Eaꞌ anis ambagof fondolaꞌasi ma owaꞌ sigaꞌi anif basefia, ipaꞌ pewaꞌ banagasa sigaꞌi anif basef. Eaꞌ pewaꞌ banaga anis owaꞌ sogahapifana banagesia. Pendaꞌ waf saꞌumbilifi ma esis hiasi.* Pro 20:22; Ro 12:17; 1 Pi 3:9
15 Naꞌamba ipaꞌ pegwamasa waf awafi anis epes sandaꞌmepaf ipeꞌi, owaꞌi. Dondol pilutu banagepa ma waf buꞌwafi atef, pendandaꞌmaf atin. Eaꞌ pendaꞌmasaf isimba anis hiasi wapani.* Fl 4:4
16 Ipaꞌ pendagala lifilafi.* Lu 18:1 17 Pendabeten pihaliꞌ God dondol owamb alip.* Ef 5:20 18 Ipaꞌ pinifelona hiahawes hiasi. Ipaꞌ pagape sisihipama Krais Jisasi, God naꞌi ipaꞌ pendaꞌ waf fasifi pinifelonama hiahawes hiasi.* Ef 4:30 19 Ipaꞌ ina pipihiꞌ nif ifimba ma maol Ambal buꞌunai Godi nandaꞌani, owaꞌi.* 1 Ko 14:1,39 20 Ipaꞌ ina pewaꞌ alafugaha basef Godi Ambal buꞌunai nasaꞌmas sagaꞌipipafi, owaꞌi.* 1 Jo 4:1; Jop 1:1,8, 2:3 21 Pewaloga basef hiafi, ma pihapila basef fasifi atif tatalaꞌif. 22 Eaꞌ pindihiꞌama hiahaom awami mamimami hiami.* 1 Ko 1:9; 2 Te 3:3
23 God anen kofagonama nomonas awanisi. Aeꞌ aꞌi anen atona nondaꞌepa pepe beꞌepa hililiꞌ ananipai atipa. Aꞌi anen numafi ambagof foloma alop nomonas ipeꞌisi andeandeꞌma waf awafi akepa, pegape hililiꞌ ma nemaf afamba Dembinai apeꞌinai Jisas Krais nogotanimafii. 24 God nogofalipai, andeandeꞌ aꞌowaꞌ. Basef feloma maol main naꞌias eaꞌ ma nondaꞌasi, atiasi anen nondaꞌas endilisi andeandeꞌ datimai.* Kl 4:3, 2 Te 3:1
25 Ipaꞌ Kristen alipipai, pendandaꞌ betena God nogatopalopafa.* Ro 16:16 26 Ipaꞌ pendasoꞌama lagof pendandaꞌma nemaf buꞌwafi peloma esis Kristen alipisi hiasi.
27 Aeꞌ aꞌipipa dindinipa agol Dembinaii, ipaꞌ piꞌi basef ifimba ma esis Kristen alipisi hiasi.
28 Afaꞌ wagaꞌias naꞌamba waꞌi, Jisas Krais notopalopepa dowaf nowaꞌ banagaipago. Eaꞌ maꞌuf.

*5:1: Mt 24:42-44; 2 Pi 3:10; Re 3:3; Mt 24:36

*5:2: Esi 13:10; Mt 24:39; Lu 21:34-35; Jo 16:21-22

*5:4: Ro 13:12; Ef 5:9

*5:7: Ef 6:14,17

*5:8: 1 Te 1:10; 2 Te 2:14

*5:9: Ro 14:8-9; 1 Te 4:14

*5:10: Ju 20

*5:11: 1 Ko 16:18; 1 Ti 5:17

*5:13: 2 Te 3:6,11,15

*5:14: Pro 20:22; Ro 12:17; 1 Pi 3:9

*5:15: Fl 4:4

*5:16: Lu 18:1

*5:17: Ef 5:20

*5:18: Ef 4:30

*5:19: 1 Ko 14:1,39

*5:20: 1 Jo 4:1; Jop 1:1,8, 2:3

*5:22: 1 Ko 1:9; 2 Te 3:3

*5:24: Kl 4:3, 2 Te 3:1

*5:25: Ro 16:16