Sam Kranzpnu-rpwxmz-nrade-tq (93)
King Kc Tqmyatxlz-esz'ngr
1 Yawe, nim King kc tqmyatxlz-esz'ngr, x rngiscm zmatq.
Wz-ngrn nrlc x tu-amqngio me yc-ngrde x trycngrlru.
2 Nzmnc-krm tqyc tqyc.
X nzngini-krm King yc pnz kai, x sc tqwz-ate-ngrn dalr nrlc ka.
3 Yawe, srkau ngr prla, nzalxlvrti-ebir-ngrdr da.
X natq nrc ngrde aycngrlrle nrlc, mz zmatq kx xplr.
4 A' nzmyalz-krm myaszpxle srkau.
X zmatq ngrm myaszpxle nzmatqkr natq nrc, murde nim kc tqmnctxlz tqmatq-esz'ngrn.
5 Yawe, Loukxtr scmqng tqvzpe, tqvzpe.
X Mangr-nzangiongr nim nztr-zlwz-krde tqyc, tqyc.