2
1 ܩܵܡܘܿܕܝܼ ܫܵܓ݂ܫܝܼ ܐܸܡܘܵܬܹ̈ܐ،
ܘܥܲܡܡܹ̈ܐ ܗܲܓܝܼ ܒܣܪܝܼܩܘܼܬܵܐ؟
2 ܫܩܝܼܠܔ ܠܗܘܿܢ ܫܵܘܦܵܝܗܝ ܡܲܠܟܹ̈ܐ ܕܐܲܪܥܵܐ،
ܘܫܲܠܝܼ̈ܛܹܐ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ،
ܥܲܠܔ ܡܵܪܝܵܐ ܘܥܲܠܔ ܡܫܝܼܚܹܗ، ܒܹܐܡܵܪܵܐ:
3 ”ܩܵܛܥܲܚ ܐܸܣܘܼܪ̈ܵܝܗܝ،
ܘܪܲܦܲܚ ܡܥܲܠܲܢ ܚܲܒ݂ܠܵܝ̈ܗܝ.“
4 ܝܵܬܒ݂ܵܢܵܐ ܒܫܡܲܝܵܐ ܒܸܓܚܵܟܵܐ ܝܠܹܗ،
ܡܵܪܝܵܐ ܡܲܣܚܘܼܪܹܐ ܒܝܼܵܝܗܝ.
5 ܗ̇ܝܓܵܗ ܒܸܬ ܗܲܡܙܸܡ ܐܸܠܵܝܗܝ ܒܟܲܪܒܹܗ،
ܘܒܚܸܡܬܹܗ ܒܸܬ ܡܲܪܓܸܕ ܠܗܘܿܢ، ܒܹܐܡܵܪܵܐ:
6 ”ܐܝܼܢܵܐ ܐܵܢܵܐ ܡܘܼܩܸܡ ܠܝܼ ܡܲܠܟܝܼ
ܥܲܠܔ ܨܸܗܝܘܿܢ، ܛܘܼܪܵܐ ܕܩܘܼܕܫܝܼ.“
7 ܒܸܬ ܗܲܩܹܝܢ ܒܘܼܬ ܩܵܢܘܿܢܵܐ ܕܡܵܪܝܵܐ.
ܐܡܝܼܪܹܗ ܐܸܠܝܼ: ”ܒܪܘܿܢܝܼ ܝܘܸܬ ܐܲܢ݇ܬ، ܐܵܢܵܐ ܐܸܕܝܘܿܡ ܩܵܡ ܡܲܠܸܕܸܢܘܼܟ݂.
8 ”ܛܠܘܿܒ ܡܸܢܝܼ ܘܒܸܬ ܝܵܗܒܹܢ ܐܸܡܘܵܬܹ̈ܐ ܠܝܵܪܬܘܼܬܘܼܟ݂،
ܘܡܘܼܠܟܘܼܟ݂ ܗܲܠܔ ܡܲܪ̈ܙܵܢܹܐ ܕܐܲܪܥܵܐ.
9 ”ܒܸܬ ܬܵܒ݂ܪܹܬ ܠܗܘܿܢ ܒܩܵܛܝܼܵܐ ܕܦܪܸܙܠܵܐ،
ܐܲܝܟ݂ ܡܵܐܢܵܐ ܕܦܲܚܵܪܵܐ ܒܸܬ ܛܵܒ݂ܚܹܬ ܠܗܘܿܢ.“
10 ܒܘܼܬ ܐܵܗܵܐ، ܝܵܐ ܡܲܠܟܹ̈ܐ، ܗܘܹܝܡܘܼܢ ܗܵܘܢܵܢܹ̈ܐ،
ܩܲܒܠܘܼܢ ܡܲܪܕܘܼܬܵܐ، ܝܵܐ ܕܲܝܵܢܹ̈ܐ ܕܐܲܪܥܵܐ.
11 ܦܠܘܿܚܘܼܢ ܠܡܵܪܝܵܐ ܒܙܕܘܼܥܬܵܐ،
ܘܦܨܘܿܚܘܼܢ ܒܪܲܬܪܲܬܬܵܐ.
12 ܢܫܘܿܩܘܼܢ ܠܒܪܘܿܢܵܐ ܕܠܵܐ ܟܵܪܹܒ ܘܐܵܙܠ݇ܝܼܬܘܿܢ ܠܐܲܒ݂ܕܵܢܵܐ ܓܵܘ ܐܘܼܪܚܵܐ،
ܣܵܒܵܒ ܒܸܬ ܠܵܒ݂ܟ݂ܵܐ ܒܓ̰ܲܠܕܘܼܬܵܐ ܚܸܡܬܹܗ.
ܛܘܼܒ݂ܵܐ ܠܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ.