1 Cronica
1
Ebpuun ki Adan Pehendiyà te menge Anak ni Noe
(Genesis 5:1-32; 10:1-32; 11:10-26)
Iyan heini menge kevuwazan ni Adan: si Set, Enosh, Kenan, Mahalalel, Jared, Enoc, Metusela, Lamec, wey si Noe. Iyan heini menge anak ni Noe he menge maama: si Shem, Ham, wey Jafet.
Is menge Kevuwazan ni Jafet
Iyan heini menge anak ni Jafet he menge maama: si Gomer, Magog, Madai, Javan, Tubal, Meshec, wey si Tiras. Is menge kevuwazan ni Gomer ne iyan si Ashkenaz, Rifat, wey Togarma. Is menge anak ni Javan ne iyan si Elisha, Tarshish, Kitim, wey si Rodanim.
Is menge Kevuwazan ni Ham
Is menge anak ni Ham he menge maama: si Cush, Mizraim, Put, wey si Canaan. Si Cush ne zuen din menge anak he iyan heini si Sheba, Havila, Sabta, Raama, wey si Sabteca. Ne iyan heini menge anak ni Raama, si Sheba wey si Dedan. 10 Duen pa sevaha he anak ni Cush he iyan ngazan din si Nimrod. Si Nimrod nehimu he gemhanan he etew kayi te kelibutan. 11 Si Mizraim, ne iyan kepuun te menge Ludhanen, menge Anamnen, menge Lihabnen, menge Naftanen, 12 menge Patrusnen, menge Caslunen, wey is menge Caftornen he iyan menge kepuun te menge Filistihanen.
13 Si Canaan iyan amey ni Sidon wey ni Het. Ne iyan kakey si Sidon. 14 Kepuun daan si Canaan te menge Jebusihanen, menge Amorihanen, menge Girgasihanen, 15 menge Hivihanen, menge Erekihanen, menge Sinihanen, 16 menge Arbedihanen, menge Simarihanen, wey menge Hamatihanen.
Is menge Kevuwazan ni Shem
17 Is menge anak ni Shem he menge maama iyan si Elam, si Ashur, si Arfaxad, si Lud, wey si Aram. Is menge anak ni Aram iyan si Uz, si Hul, si Geter, wey si Meshec. 18 Ne si Arfaxad ne iyan amey ni Shela, ne si Shela ne iyan amey ni Eber. 19 Dezuwa is menge anak ni Eber. Is sevaha, ne migngezanan ki Peleg, he ke và dà egkeǥiya, “kebpekedsusuwey”, su zutun he timpu nekedsusuwey is menge etew zini te lumpad. Is hazi zin ne migngezanan ki Joktan. 20 Si Joktan ne iyan amey ni Almodad, Shelef, Hazarmavet, Jera, 21 Hadoram, Uzal, Dikla, 22 Obal, Abimael, Sheba, 23 Ofir, Havila, wey Jobab. Heini is langun, ne menge anak ni Joktan.
24 Iyan heini menge kevuwazan he ebpuun ki Shem: si Arfaxad, Shela, 25 Eber, Peleg, Reu, 26 Serug, Nahor, Tera, 27 wey si Abram (he iyan si Abraham).
Is menge Kevuwazan ni Abraham
(Genesis 25:1-4, 12-16)
28 Is menge anak ni Abraham ne si Isaac wey si Ishmael. 29 Is menge anak ni Ishmael ne iyan ensi Nebayot (is kinekekayan), Kedar, Adbeel, Mibsam, 30 Mishma, Duma, Masa, Hadad, Tema, 31 Jetur, Nafish, wey Kedema. Iyan heini menge anak ni Ishmael. 32 Is menge anak ni Ketura he menge maama te sevaha he esawa ni Abraham ne iyan si Zimran, Jokshan, Medan, Midian, Ishbak, wey Shua. Is menge anak ni Jokshan he menge maama si Sheba wey si Dedan. 33 Is menge anak ni Midian ne iyan si Efa, si Efer, si Hanoc, si Abida, wey si Eldaa. Iyan heini sikandan menge kevuwazan ni Ketura.
Is menge Kevuwazan ni Esau
(Genesis 36:1-19)
34 Si Abraham ne amey ni Isaac. Is menge anak ni Isaac ne si Esau wey si Israel. 35 Is menge anak ni Esau ne iyan si Elifas, Reuel, Jeush, Jalam, wey Kora. 36 Is menge anak ni Elifaz iyan si Teman, Omar, Zefo, Gatam, Kenaz, wey si Amalek. Heini si Amalek ne anak din diyà te ki Timna. 37 Is menge anak ni Reuel he menge maama ne iyan ensi Nahat, Zera, Shama, wey Miza.
Is menge Edomanhen
(Genesis 36:20-30)
38 Is menge anak he maama ni Seir ne iyan si Lotan, Shobal, Zibeon, Ana, Dishon, Ezer, wey Dishan. 39 Is menge anak ni Lotan iyan si Hori, wey si Homam. Telesuled si Lotan wey si Timna he sevaha zuen te menge asawa ni Elifaz. 40 Is menge anak ni Shobal iyan si Alvan, Manahat, Ebal, Shefo, wey si Onam. Is menge anak ni Zibeon iyan si Aya wey si Ana. 41 Is menge anak ni Ana iyan si Dishon. Is maama he menge anak ni Dishon iyan si Hemdan, Eshban, Itran, wey si Keran. 42 Is menge anak ni Ezer iyan si Bilhan, Zaavan, wey si Akan. Is menge anak ni Dishan iyan si Uz wey si Aran.
Is menge Hadì diyà te Edom
(Genesis 36:31-43)
43 Iyan heini sikandan menge hadì diyà te Edom dutun te timpu he wazè pa menge hadì te menge Israilihanen:
Si Bela he tig-Dinhaba he anak ni Beor. 44 Hein minatey sikandin, iyan mid-ilis kandin si Jobab he anak ni Zera te tig-Bozra. 45 Hein minatey si Jobab, iyan mid-ilis kandin si Husham he tig-Teman. 46 Ne hein minatey si Husham, iyan mid-ilis kandin si Hadad he tig-Avet he anak ni Bedad. Si Hadad iyan kes nekezaag te menge Midianhen diyà te Moab. 47 Hein minatey si Hadad, iyan mid-ilis kandin si Samla he tig-Masreka. 48 Hein minatey si Samla, iyan mid-ilis kandin si Shaul he tig-Rehobot he uvey te Wahig he Eufrates. 49 Hein minatey si Shaul, iyan mid-ilis kandin si Baal Hanan he anak ni Acbor. 50 Hein minatey si Baal Hanan, iyan mid-ilis kandin si Hadad he tig-Pai. Iyan esawa zin si Mehetabel he anak ni Matred wey apù ni Mezahab. 51 Ne hein neuǥet ne minatey si Hadad.
Iyan heini sikandan menge pengulu te tribu te Edom: Timna, Alva, Jetet, 52 Oholibama, Ela, Pinon, 53 Kenaz, Teman, Mibzar 54 Magdiel, wey Iram.