1 KOMAIL tenedi on limpok en jaulan! 2 Komail der monokela, en apwali men kairu kan. Pwe i me akai kajamoki tounlan kai, ap jaja. 3 Komail tamanda me jalidi kan, due pein komail jalidier, o irail me kaankamekam, due pein komail, me memaureki pali war. 4 Karoj en wauneki inau en papaud o loj en jojamin, a me nenek o kamal akan Kot me pan kotin kadeik on irada. 5 Komail der norok moni, a komail injenemauki me mi re omail. Pwe a kotin majanier: I jota pan muei jan uk de kaje uk ala. 6 Ari, kitail ap aima on indinda: Kaun o jauaj pa i, i jota pan majak, pwe da me aramaj amen pan kak wiai on ia? 7 Tamatamanda omail jaunpadak kan, me kawewe on komail er majan en Kot, alale jan arail pojon, o madamadaua imwin arail wiawia. 8 Iejuj Krijtuj me duedueta, aio, ran wet, o kokolata. 9 Komail ender wukiwukki jili padak likam akai; pwe pai kajampwal eu, monion atail en tenetenela, me kin wiauiki mak, a kaidin ni kijin mana, me jo kadepa on, me kin apapwali. 10 Atail pei jaraui mia, me jota mau on, irail en tunole jan, me kin papa nan im likau. 11 Pwe war en man akan, me ntar wijikilon on nan pera jaraui ren jamero lapalap aki dip, ijijer likin kanim. 12 Iduen Iejuj, pwen kajarauiala aramaj akan ki nta, kamekamela likin kanim. 13 Kitail ari en koie lan re a likin kanim o ian i kankaururla. 14 Pwe jota atail kanim potopot met, a kitail raparapaki eu, me mi mo ’tail. 15 Kitail ari poden maironki kapin on Kot ren (Iejuj); iei wan kilin aua, me kadededa mar a. 16 Wiawia mau o kijakij, komail der monokela, pwe i mairon me Kot kotin kupura. 17 Peiki on omail kaun akan o duki on irail! Pwe re kin tauli kin nen omail, duen me pan pakajaui ren Kot, pwe ren wiawia mepukat ni peren, a jo ni injenjued, pwe i me japai on komail. 18 Kapakapa kin kit. Je kin peren kida atail injen mau, o je kin nantion wiawia mau ren aramaj karoj. 19 I panaui komail en porijok wia met, pwe i en kak pitipit pwaralan komail. 20 A Kot en popol, me kotin kaiajadar Jilepan jip lapalap, iei atail Kaun Iejuj jan ren me melar akan, ki ntan inau joutuk, 21 I en kotin kamaui komail en kapwaiada kupur a o jon en wiawia mau ren Iejuj Krijtuj. I me udan linan kokolata! Amen. 22 Ri ai kan, i panaui komail, peiki on ai panau wet. Pwe i intin won komail er motomot. 23 Komail aja, ri atail Timoteuj jaladokelar; ma a pan madan don ia, i pan ian i kilan komail. 24 Ranamau on omail kaun akan karoj o me jaraui kan karoj. Men Italien kan ar ranamau won komail. 25 Mak en mi re omail karoj!