Harua Leta
Paul Mo Ulia Isan
Timothy
Leta Nike
Harua leta nike isan Timothy, mo lo reti sohena vara enia taman Timothy, mo lo r̃omr̃omia na nona usiusi (1.2–3) matan mo opoia vara Timothy i mai tamlohi vuro r̃uhu matea non Kr̃isto ale i tatamahu mata lavi na rani r̃ilangi (2.1, 3).
Paul mo verea mara tamlohi rasua hai la jovi na hehe, ale matana, Tiapolo mo lo taurilatira na nona vuna, ale mo retir̃oar̃oahai Timothy vara i rovo na vaihite sei uluvou la lo tia hinira (2.20–26; 3.1–9). Mo verea vara i retivujavujangi na retisohai non God, hina purongo vara tamlohi la opoia teni mo vono (4.2). I pa lo kilau mata tamlohi vujangi haluhalu.
Paul mo levosahia vara i pa sopo tuai i pa mate, mo levosahia vara i pa lavi otori mata mauri sei God i pa silea mata nona turu r̃ilangi (4.6–8), ale mo mele verea vara Timothy i levosahi retivarar̃uhu akerihi:
Harihi enia retivarar̃uhu:
Vara r̃a mate peresia,
r̃a pa mauri peresia;
vara r̃a turu r̃ilangi,
r̃a pa tauri na suiha peresia;
vara r̃a vunvunia,
i pa vunvunir̃a,
vara hina purongo vara r̃a sopo r̃omturu r̃ilangi,
enia mo lo r̃omturu r̃ilangi,
matan enia i sopo er̃i posi na r̃omina. (2.11–13)
Hin Leta Nike
1. Retioloolo (1.1–2)
2. Ha sopo mahanuhanu hin Moli (1.3–18)
3. Mauri tamlohi vuro r̃uhu (2.1–26)
4. Posi tamlohi na pongi hitahu (3.1–9)
5. Ha turu r̃ilangi tarea (3.10–4.8)
6. Retituetueni peresi na isoiso retioloolo (4.9–22)
1
Reti Tiroma
Enau Paul, vahar̃ule non Kr̃isto Iesu usuri na masalon God mo usuri na retitauhi mata mauri sei mo lo toho hin Kr̃isto Iesu.
Na lo uliuli isam Timothy natuku r̃uhur̃uhu; God Tama peresi Kr̃isto Iesu nor̃a Moli la sile na nora r̃omr̃uhu, r̃omopoia peresi na tamata isam tarea.
Paul Mo Vere Meje Isan God
Timothy, na vere meje isan God matam. Enia God sei na lo volitusi isana sohen piku tuai la lo vaia, na vaia, ale r̃omiku mo sopo tuvaiau hin te hinau, ale tarea na lo r̃omr̃omiho na noku usiusi vara na rani teni na vutepongi. Na opoia mo tavera vara a mele hiteho, matan na lo r̃omr̃omi rani atu ko lo tangisiau, ale a pa avulahi tavera hin rani atu vara r̃a mele tapatapair̃a. Na levosahi na nom rasua varar̃uhu, mo lo usuri na rasua non nom pua Lois peresi non nom nana Eunice. Matan haratu, na lo mele vereho hin pa silesilea atu God mo lo silea isam hin rani atu na tau na limaku hiniho* hin rani atu na tau na limaku hiniho: Patu tamlohi mata vao kalesia, la tau na limara hin la haratu la pa lavi te vavahinau non Moli matea. Hite 1 Tim 4.14. na lo verea vara o iriiria vara i lo pepe, matan tanume atu God mo siler̃a hinia mo sopo mata matahu, pani mata suiha, opoia peresi na posposi mata hase taurilatiho. Ale matana, o sopo mahanuhanu na vereulia non nor̃a Moli, teni hiniau, matan na lo toho na ima r̃ilangi, pani o pa tatamahu vara o lavi na rani r̃ilangi mata Retir̃uhu hin suiha atu God mo silea.
Enia mo jurir̃a moiso, mo vir̃onir̃a vara r̃a hahau na mauri tapu tarea. Mo sopo mata nor̃a vavahinau, pani mata masalona peresi na nona r̃omr̃uhu mo silea isar̃a hin Kr̃isto Iesu tiroma moiso, varama mo pa tapulo, 10 pani nake masalon God atu, mo mera na maurin nor̃a Jujuri, Kr̃isto Iesu, enia mo komo na suihan mateia, ale mo vuhesi mauri atu i pa sopo er̃i tihai hin te rani, sohena Retir̃uhu mo verea, 11 God mo vir̃oniau matan vara a mai tamlohi retivujavujangi matea, a vahar̃ule, ale a tamlohi vujangi matan Retir̃uhu atu.
12 Matana, na lo lavi na rani r̃ilangi nike na ima r̃ilangi. Pani enau na sopo mahanuhanu matana, matan na levosahi haratu na lo rasua, ale na levosahi mamahunia vara enia i pa er̃i tau mamahuni na sava mo retitauhi vara a pa lavia, i tikeli rani tavera atu a pa lavia. 13 O usuri mamahuni tovongi r̃uhu atu mata noku vujangi sei ko lo rongora isaku, mo usuri na tovongi mata rasua peresi na opoia hin Kr̃isto Iesu. 14 na suihan Tanume Tapu atu mo lo toho hinir̃a, o matahi mamahuni retivarar̃uhu r̃uhur̃uhu atu God mo silea isam.
15 Timothy ko levosahia moiso vara tamlohi tari nike na province matan Asia la vahar̃i hiniau, ale Phygelus peresi Hermogenes enira tatuara. 16 Na lo usi God vara i pa r̃omopoi na vao iman Onesiphorus, matan tarea mo lo vai na r̃omiku mo avulahi, ale matan mo sopo matahu vara i mai isaku na ima r̃ilangi, 17 ale hin rani atu mo pala Rome mo lo aleau vavano mo pa tapaiau, 18 na lo usi Moli vara i r̃omopoia hin rani tavera atu. Ale ko levosahi mamahuni na nona vavahinau tari sei mo lo vaira mataku sei Ephesus.

*1:6: hin rani atu na tau na limaku hiniho: Patu tamlohi mata vao kalesia, la tau na limara hin la haratu la pa lavi te vavahinau non Moli matea. Hite 1 Tim 4.14.