5
Nəghatiən tatuvən kəm eldə mɨn mɨne nətəm aluə
Kəni rəueiu, iəkolkeikei məmə iəkəghati nəuvetɨn kəm təmah eldə mɨn rəha niməfaki. Iəu eldə kəti iəkəhmen e təmah, kəni iəu əhruahru iəmeruh nahməiən rəha Krɨsto, kəni Uhgɨn otəfa kəm tah rəhan nəuvetɨn nəhagəhagiən asoli rəha nepətiən mɨne nəsanəniən rəhan, iətəm in otol əpu. Rom 8:17-18; 2Kor 1:5-7; Efəs 3:13; Fɨl 1:29 Inu rəhak nəghatiən kəm təmah məmə, otol uək rəha neh viviən nətəmimi rəha Uhgɨn nətəm kəutatɨg e nəhlmɨtəmah, təhmen e iətəmi rəha sipsip iətəm tateh vivi rəhan sipsip mɨn. Kəni otol e nɨkin agiən mətəu-inu nəkotolkeikei məmə nəkotol. Inu nətəlɨgiən iətəm Uhgɨn tolkeikei. Mətəu təsəuvɨriən məmə nəkotol nɨkitəmah təsagiəniən məmə nəkotol. Kəni sotoliən mətəu-inu nɨkitəmah təhti məmə onəkotos pɨk məni lan. Mətəu otol əmə mətəu-inu nɨkitəmah tətagiən məmə onəkotasiru. Jon 21:15-17; Uək 20:28 Kəni təsəuvɨriən məmə itəmah nəkəhuva motəhmen e iətəmi asoli iətəm tatol təskasɨk kəm rəhan noluək mɨn, mətəu itəmah onəkotol noliən iətəm in təhruahru məuvɨr məmə iəfaki mɨn kotəhrun neruhiən kəni motohtəu=pən noliən rəhatəmah. 2Kor 1:24; Fɨl 3:17; Tait 2:7 Iətəmi asoli rəha nətəmi kəutəsal vivi o sipsip mɨn otiet pətɨgəm=pa mɨn, kəni e nian əha, in otəfɨnə nətəouiən təuvɨr rəha nɨsiaiən kəm təmah iətəm ko rəhan nəuvɨriən təsɨkəiən.
Kəni e noliən kətiəh əmə, itəmah nətəm aluə, otɨsiai motol nəuia eldə mɨn rəha niməfaki. Kəni itəmah rəfin agɨn onəkotosiahu rəhatəmah nətəlɨgiən teiuaiu mautɨsiai itəmah mɨn rəfin. Otol lanəha mətəu-inu Nauəuə Rəha Uhgɨn tətəni məmə,
“Uhgɨn təsagiəniən e nətəm kəutəfəri mətahtɨpəsɨg e lah,
mətəu tətəfən rəhan nəuvɨriən kəm nətəm kautosiahu aru ilah.” Prov 3:34; Efəs 5:21; Jem 4:6
Kəni tol lanəha, otosiahu aru itəmah motatɨg ahgəl nəhlmɨ Uhgɨn əsanən, məmə in otəfəri itəmah e nian əhruahru rəhan. Mat 23:12; Luk 14:11; Jem 4:10 Kəni otos rəfin natimnati mɨn nəutətəlɨg lan məhuva motələhu=pən kəm Uhgɨn mətəu-inu, in tolkeikei itəmah mateh vivi itəmah. Mat 6:25-30
Otair mauteh vivi mətəu-inu rəhatəmah tɨkɨmɨr Setən in təhmen=pən e laion kəti iətəm tətaiu oneuən kəni nɨkin tətərkərɨk mətəsal e iətəmimi məmə otun. 1Təs 5:6 Otəhtul əskasɨk e nəhatətəiən rəhatəmah nian Setən tətuva o təmah, Efəs 6:10-18; Jem 4:7 mətəu-inu itəmah nəfaki mɨn nəuvein əpəha ikɨn mɨn rəfin e nəhue nɨftəni, kautos əmə nahməiən əhmen əmə. Efəs 6:11-13; Jem 4:7
10 Mətəu uərisɨg lan nəmotətəu rəkɨs nahməiən e nian əkuəkɨr əmə, kəni Uhgɨn otol nəkotətəu təuvɨr mɨn e rəhatəmah nəmiəgəhiən, kəni mol nəkotəsanən e rəhatəmah nəhatətəiən, motəhtul əskasɨk, kəni nati kəti otəsiuvi rəkɨsiən itəmah. Nəuvɨriən mɨn rəfin tatsɨpən əmə o Uhgɨn, kəni in təmauɨn e təmah nəkəhuva e Krɨsto məmə nəkəhuvən e nəhagəhagiən asoli rəha nəuvɨriən rəhan, mɨne rəhan nəsanəniən iətəm tətatɨg itulɨn. 11 Pəh kotəni pətɨgəm nəsanəniən rəha narmənɨgiən rəhan, tatuvən əmə lanko naunun tɨkə. Əuəh.
Naunun nəghatiən
12 Sailəs* Nəghatiən Kris tətəni nərgɨn u məmə, “Silfanus” iətəm in nərgɨn əkuəkɨr u “Sailəs.” itɨmlau min, təmasiru e nauəuə u, kəni iateh məmə in piak təuvɨr kəti, kəni rəhak nɨpəhriəniən tətatɨg lan. Iətətei nauəuə əkuəkɨr u kəm təmah məmə iəkəfəri rəhatəmah nətəlɨgiən, kəni iatəni pətɨgəm məmə natimnati iətəm iəmətei rəkɨs, kəutəghati e nəuvɨriən pəhriən rəha Uhgɨn. Otəhtul əskasɨk lan. Uək 12:2,25; 13:13; 15:22,30 13 Piatəmah mɨn mɨne nəuvɨnɨtəmah mɨn e niməfaki u ikɨnu Rom kəutəni təuvɨr kəm təmah. Nəghatiən Kris əhruahru tətəni məmə, “Pətan iətəm tətatɨg Papilon,” mətəu nɨpətɨn məmə “niməfaki əpəha Rom.” E nian rəha Oltestɨmɨn, Papilon in taun asoli kəti iətəm nepətiən mɨne nəsanəniən rəfin rəha nəhue nɨftəni tətatɨg lan, kəni nətəmimi ikɨn kautol tɨkɨmɨr kəm nətəmimi mɨn rəha Uhgɨn. Kəni təhmen=pən əmə e nian rəha Pitə, Rom tətarmənɨg e lahuənu mɨn rəfin mətəməki e nətəm kəutəfaki kəm Uhgɨn. Uhgɨn təmɨtəpɨn itəmah min ilah. Kəni nətɨk u Mak, in mɨn tətəni təuvɨr kəm təmah. Uək 12:2; 2Tim 4:11 14 Otəni təuvɨr kəm təmah mɨn təhmen məmə itəmah kətiəh əmə e Krɨsto.
Pəh Uhgɨn otəfɨnə rəhan nəməlinuiən kəm təmah rəfin u nətəmimi rəha Krɨsto.

5:1 Rom 8:17-18; 2Kor 1:5-7; Efəs 3:13; Fɨl 1:29

5:2 Jon 21:15-17; Uək 20:28

5:3 2Kor 1:24; Fɨl 3:17; Tait 2:7

5:5 Prov 3:34; Efəs 5:21; Jem 4:6

5:6 Mat 23:12; Luk 14:11; Jem 4:10

5:7 Mat 6:25-30

5:8 1Təs 5:6

5:9 Efəs 6:10-18; Jem 4:7

5:9 Efəs 6:11-13; Jem 4:7

*5:12 Nəghatiən Kris tətəni nərgɨn u məmə, “Silfanus” iətəm in nərgɨn əkuəkɨr u “Sailəs.”

5:12 Uək 12:2,25; 13:13; 15:22,30

5:13 Nəghatiən Kris əhruahru tətəni məmə, “Pətan iətəm tətatɨg Papilon,” mətəu nɨpətɨn məmə “niməfaki əpəha Rom.” E nian rəha Oltestɨmɨn, Papilon in taun asoli kəti iətəm nepətiən mɨne nəsanəniən rəfin rəha nəhue nɨftəni tətatɨg lan, kəni nətəmimi ikɨn kautol tɨkɨmɨr kəm nətəmimi mɨn rəha Uhgɨn. Kəni təhmen=pən əmə e nian rəha Pitə, Rom tətarmənɨg e lahuənu mɨn rəfin mətəməki e nətəm kəutəfaki kəm Uhgɨn.

5:13 Uək 12:2; 2Tim 4:11