^
1 CORINTIOS
Trè' ndlu' le' Pab ngue que' ye's loo mèn co' nqueltàa loo cón che'n Diox le'n ciuda Corint.
Trè' ndlu' cón che'n con' ndac co' ndxàc loo mèn por cón che'n Jesucrist.
Mèn co' nqueltàa loo cón che'n Diox ngòc chop ned mèn.
Crist ndxàp ryethe con' roo con' xèn co' nac che'npe' yub Diox la's nii Crist no la's ya' Crist. No ndxác Crist ryethe con' co' ndxác Diox.
Pab ngue go yalbàn cón che'n Crist co' mqueé loo cruz.
Diox mblu' cón nac cón che'n Diox por cón che'n Xpii Natú' che'n Diox.
Pab ngue ta' cuent cón che'n mèn co' ndlyath no Pab loo zin' che'n Diox.
Trè' ndlu' cón che'n zin' co' nxo'f zin' mèn co' nac mèn co' mtel' Crist, mèn co' ndxe' di's che'n Crist.
Pab ngue tub rez cón che'n thìb mbi' co' mque no xna' byan' xa' xal sa'lgotpe' mbi'.
Pab ngue ta' cuent loo mèn cón che'n mèn co' ngyoo di's loo juez co' indxela'ste loo Diox por cón che'n Tad Jesucrist.
Pab ngue ta' cuent cón che'n mèn co' ndxàp lezo' no mèn co', por derech, ngro xà' loo cón che'n xab izlyo'.
Pab ngue co'x loo mèn, que nac mèn mènbi', que nac mèn mèngot, más huen selya' mèn leque que tee thìb mèn par ndxè' par ba'.
Pab ngue ta' cuent loo mèn ihuente nac hua mèn bél' má' co' mbec mèn loo mdo' xal xít mèn no lua' mèn.
Pab ngue bez loo mèn: Ndxàpen derech ña'ben con' loo gu' por nac daa thìb mbi' co' mtel' Crist loo gu'.
Pab ngue co'x loo mèn ilé'de nac cón ndli mèn co'se' ncòo' mèn yéc mèn no nsál' mèn ya' mèn loo chol mdo' no loo chol gunab.
Pab ngue ta' cuent loo mèn ya yende chó costumbr cuee no cà' mèn loo cón che'n Crist co'se' nzole' mèn loo cón che'n Crist. No nque' lezo' mèn ñèe mèn xtàa mèn chele' mèn, lìcque', nzo loo cón che'n Crist.
Pab ngue ta' cuent loo mèn xá mod ndxàal yòo mèngot loo cult o servis.
Pab ngue ta' cuent loo mèn cón che'n co'se' ndxuhua mèn pan no ndxu mèn vin co' nee di's nac “Cena Santa”.
Trè' ndlu' cón che'n di's co' gunii Tad Jesús co'se' nduhua Tad Jesús con myen' xin' mté'th Tad Jesús.
Pab ngue lu' xá mod ndxàal más huen li mèn rsè co' ngòc rsè co'se' nduhua rsè Tad Jesús pan no co'se' ngu Tad Jesús vin con myen' xin' mté'th Jesús.
Pab ngue lu' mèn xal nac thìb thìb zin' co' ndli Xpii Natú' che'n Diox par nxo'f zin' Xpii Natú' zin'a loo mèn par li mèn zin'a.
Pab ngue ta' cuent loo mèn le' ngudloo mèn no nza mèn no ya' mèn no nii mèn nac che'n thidte lad mèn.
Pab ngue lu' loo mèn xá mod ndxàal que' lezo' mèn ñèe mèn xtàa mèn no xá mod ndxàal gàc mèn mèn co' non carida ñèe xtàa mèn.
Pab ngue bez loo mèn cua'n mèn mod par co mèn yalbàn xal ndlyath no Xpii Natú' che'n Diox mèn.
Pab ngue bez loo mèn: Nabe'ste ftoodi's gu' thìb thìb con' xalque' nac co' ndlu' di's co' nac xti's Diox loo mèn par li mèn xal ñibe' di's che'n Diox.
Pab ngue ta' cuent loo mèn xá mod ngro xban Tad Crist.
Pab ngue ta' cuent loo mèn le' mèn co' ngola's loo Crist no loo cón che'n Crist, mèna ryo xban làth mèn co' nguth.
Pab ndyoodi's loo mèn cón che'n xá mod ryo xban mèn co' ngola's loo Crist làth mèn co' nguth.
Pab ngue ta' cuent loo mèn thop mèn centav co' gàc ayud par càa mèn co' ndxela's xal mnibe' Pab loo mèn li mèn.
Pab mda' cuent loo mèn chópe' yèez ya riid Pab.
Trè' ndub lultleque' di's co' gunii Pab Diox loo mèn co' ngòo loo cón che'n Diox, mèn co' ngo ban le'n ciuda Corint.

© 1971 WBT