Ⅰཨཏོ ཝཡཾ ཡད྄ བྷྲམསྲོཏསཱ ནཱཔནཱིཡཱམཧེ ཏདརྠམསྨཱབྷི ཪྻདྱད྄ ཨཤྲཱཝི ཏསྨིན྄ མནཱཾསི ནིདྷཱཏཝྱཱནི།

Ⅱཡཏོ ཧེཏོ དཱུཏཻཿ ཀཐིཏཾ ཝཱཀྱཾ ཡདྱམོགྷམ྄ ཨབྷཝད྄ ཡདི ཙ ཏལླངྒྷནཀཱརིཎེ ཏསྱཱགྲཱཧཀཱཡ ཙ སཪྻྭསྨཻ སམུཙིཏཾ དཎྜམ྄ ཨདཱིཡཏ,

Ⅲཏརྷྱསྨཱབྷིསྟཱདྲྀཤཾ མཧཱཔརིཏྲཱཎམ྄ ཨཝཛྙཱཡ ཀཐཾ རཀྵཱ པྲཱཔྶྱཏེ, ཡཏ྄ པྲཐམཏཿ པྲབྷུནཱ པྲོཀྟཾ ཏཏོ྅སྨཱན྄ ཡཱཝཏ྄ ཏསྱ ཤྲོཏྲྀབྷིཿ སྠིརཱིཀྲྀཏཾ,

Ⅳཨཔརཾ ལཀྵཎཻརདྦྷུཏཀརྨྨབྷི ཪྻིཝིདྷཤཀྟིཔྲཀཱཤེན ནིཛེཙྪཱཏཿ པཝིཏྲསྱཱཏྨནོ ཝིབྷཱགེན ཙ ཡད྄ ཨཱིཤྭརེཎ པྲམཱཎཱིཀྲྀཏམ྄ ཨབྷཱུཏ྄།

Ⅴཝཡཾ ཏུ ཡསྱ བྷཱཝིརཱཛྱསྱ ཀཐཱཾ ཀཐཡཱམཿ, ཏཏ྄ ཏེན྄ དིཝྱདཱུཏཱནཱམ྄ ཨདྷཱིནཱིཀྲྀཏམིཏི ནཧི།

Ⅵཀིནྟུ ཀུཏྲཱཔི ཀཤྩིཏ྄ པྲམཱཎམ྄ ཨཱིདྲྀཤཾ དཏྟཝཱན྄, ཡཐཱ, "ཀིཾ ཝསྟུ མཱནཝོ ཡཏ྄ ས ནིཏྱཾ སཾསྨཪྻྱཏེ ཏྭཡཱ། ཀིཾ ཝཱ མཱནཝསནྟཱནོ ཡཏ྄ ས ཨཱལོཙྱཏེ ཏྭཡཱ།

Ⅶདིཝྱདཏགཎེབྷྱཿ ས ཀིཉྩིན྄ ནྱཱུནཿ ཀྲྀཏསྟྭཡཱ། ཏེཛོགཽརཝརཱུཔེཎ ཀིརཱིཊེན ཝིབྷཱུཥིཏཿ། སྲྀཥྚཾ ཡཏ྄ ཏེ ཀརཱབྷྱཱཾ ས ཏཏྤྲབྷུཏྭེ ནིཡོཛིཏཿ།

Ⅷཙརཎཱདྷཤྩ ཏསྱཻཝ ཏྭཡཱ སཪྻྭཾ ཝཤཱིཀྲྀཏཾ༎ " ཏེན སཪྻྭཾ ཡསྱ ཝཤཱིཀྲྀཏཾ ཏསྱཱཝཤཱིབྷཱུཏཾ ཀིམཔི ནཱཝཤེཥིཏཾ ཀིནྟྭདྷུནཱཔི ཝཡཾ སཪྻྭཱཎི ཏསྱ ཝཤཱིབྷཱུཏཱནི ན པཤྱཱམཿ།

Ⅸཏཐཱཔི དིཝྱདཱུཏགཎེབྷྱོ ཡཿ ཀིཉྩིན྄ ནྱཱུནཱིཀྲྀཏོ྅བྷཝཏ྄ ཏཾ ཡཱིཤུཾ མྲྀཏྱུབྷོགཧེཏོསྟེཛོགཽརཝརཱུཔེཎ ཀིརཱིཊེན ཝིབྷཱུཥིཏཾ པཤྱཱམཿ, ཡཏ ཨཱིཤྭརསྱཱནུགྲཧཱཏ྄ ས སཪྻྭེཥཱཾ ཀྲྀཏེ མྲྀཏྱུམ྄ ཨསྭདཏ།

Ⅹཨཔརཉྩ ཡསྨཻ ཡེན ཙ ཀྲྀཏྶྣཾ ཝསྟུ སྲྀཥྚཾ ཝིདྱཏེ བཧུསནྟཱནཱནཱཾ ཝིབྷཝཱཡཱནཡནཀཱལེ ཏེཥཱཾ པརིཏྲཱཎཱགྲསརསྱ དུཿཁབྷོགེན སིདྡྷཱིཀརཎམཔི ཏསྱོཔཡུཀྟམ྄ ཨབྷཝཏ྄།

Ⅺཡཏཿ པཱཝཀཿ པཱུཡམཱནཱཤྩ སཪྻྭེ ཨེཀསྨཱདེཝོཏྤནྣཱ བྷཝནྟི, ཨིཏི ཧེཏོཿ ས ཏཱན྄ བྷྲཱཏྲྀན྄ ཝདིཏུཾ ན ལཛྫཏེ།

Ⅻཏེན ས ཨུཀྟཝཱན྄, ཡཐཱ, "དྱོཏཡིཥྱཱམི ཏེ ནཱམ བྷྲཱཏྲྀཎཱཾ མདྷྱཏོ མམ། པརནྟུ སམིཏེ རྨདྷྱེ ཀརིཥྱེ ཏེ པྲཤཾསནཾ༎ "

ⅩⅢཔུནརཔི, ཡཐཱ, "ཏསྨིན྄ ཝིཤྭསྱ སྠཱཏཱཧཾ། " པུནརཔི, ཡཐཱ, "པཤྱཱཧམ྄ ཨཔཏྱཱནི ཙ དཏྟཱནི མཧྱམ྄ ཨཱིཤྭརཱཏ྄། "

ⅩⅣཏེཥཱམ྄ ཨཔཏྱཱནཱཾ རུདྷིརཔལལཝིཤིཥྚཏྭཱཏ྄ སོ྅པི ཏདྭཏ྄ ཏདྭིཤིཥྚོ྅བྷཱུཏ྄ ཏསྱཱབྷིཔྲཱཡོ྅ཡཾ ཡཏ྄ ས མྲྀཏྱུབལཱདྷིཀཱརིཎཾ ཤཡཏཱནཾ མྲྀཏྱུནཱ བལཧཱིནཾ ཀུཪྻྱཱཏ྄

ⅩⅤཡེ ཙ མྲྀཏྱུབྷཡཱད྄ ཡཱཝཛྫཱིཝནཾ དཱསཏྭསྱ ནིགྷྣཱ ཨཱསན྄ ཏཱན྄ ཨུདྡྷཱརཡེཏ྄།

ⅩⅥས དཱུཏཱནཱམ྄ ཨུཔཀཱརཱི ན བྷཝཏི ཀིནྟྭིབྲཱཧཱིམོ ཝཾཤསྱཻཝོཔཀཱརཱི བྷཝཏཱི།

ⅩⅦཨཏོ ཧེཏོཿ ས ཡཐཱ ཀྲྀཔཱཝཱན྄ པྲཛཱནཱཾ པཱཔཤོདྷནཱརྠམ྄ ཨཱིཤྭརོདྡེཤྱཝིཥཡེ ཝིཤྭཱསྱོ མཧཱཡཱཛཀོ བྷཝེཏ྄ ཏདརྠཾ སཪྻྭཝིཥཡེ སྭབྷྲཱཏྲྀཎཱཾ སདྲྀཤཱིབྷཝནཾ ཏསྱོཙིཏམ྄ ཨཱསཱིཏ྄།

ⅩⅧཡཏཿ ས སྭཡཾ པརཱིཀྵཱཾ གཏྭཱ ཡཾ དུཿཁབྷོགམ྄ ཨཝགཏསྟེན པརཱིཀྵཱཀྲཱནྟཱན྄ ཨུཔཀརྟྟུཾ ཤཀྣོཏི།