Ⅰཨནནྟརཾ ས ཀསྨིཾཤྩིཏ྄ སྠཱནེ པྲཱརྠཡཏ ཏཏྶམཱཔྟཽ སཏྱཱཾ ཏསྱཻཀཿ ཤིཥྱསྟཾ ཛགཱད ཧེ པྲབྷོ ཡོཧན྄ ཡཐཱ སྭཤིཥྱཱན྄ པྲཱརྠཡིཏུམ྄ ཨུཔདིཥྚཝཱན྄ ཏཐཱ བྷཝཱནཔྱསྨཱན྄ ཨུཔདིཤཏུ།

Ⅱཏསྨཱཏ྄ ས ཀཐཡཱམཱས, པྲཱརྠནཀཱལེ ཡཱུཡམ྄ ཨིཏྠཾ ཀཐཡདྷྭཾ, ཧེ ཨསྨཱཀཾ སྭརྒསྠཔིཏསྟཝ ནཱམ པཱུཛྱཾ བྷཝཏུ; ཏཝ རཱཛཏྭཾ བྷཝཏུ; སྭརྒེ ཡཐཱ ཏཐཱ པྲྀཐིཝྱཱམཔི ཏཝེཙྪཡཱ སཪྻྭཾ བྷཝཏུ།

Ⅲཔྲཏྱཧམ྄ ཨསྨཱཀཾ པྲཡོཛནཱིཡཾ བྷོཛྱཾ དེཧི།

Ⅳཡཐཱ ཝཡཾ སཪྻྭཱན྄ ཨཔརཱདྷིནཿ ཀྵམཱམཧེ ཏཐཱ ཏྭམཔི པཱཔཱནྱསྨཱཀཾ ཀྵམསྭ། ཨསྨཱན྄ པརཱིཀྵཱཾ མཱནཡ ཀིནྟུ པཱཔཱཏྨནོ རཀྵ།

Ⅴཔཤྩཱཏ྄ སོཔརམཔི ཀཐིཏཝཱན྄ ཡདི ཡུཥྨཱཀཾ ཀསྱཙིད྄ བནྡྷུསྟིཥྛཏི ནིཤཱིཐེ ཙ ཏསྱ སམཱིཔཾ ས གཏྭཱ ཝདཏི,

Ⅵཧེ བནྡྷོ པཐིཀ ཨེཀོ བནྡྷུ རྨམ ནིཝེཤནམ྄ ཨཱཡཱཏཿ ཀིནྟུ ཏསྱཱཏིཐྱཾ ཀརྟྟུཾ མམཱནྟིཀེ ཀིམཔི ནཱསྟི, ཨཏཨེཝ པཱུཔཏྲཡཾ མཧྱམ྄ ཨྲྀཎཾ དེཧི;

Ⅶཏདཱ ས ཡདི གྲྀཧམདྷྱཱཏ྄ པྲཏིཝདཏི མཱཾ མཱ ཀླིཤཱན, ཨིདཱནཱིཾ དྭཱརཾ རུདྡྷཾ ཤཡནེ མཡཱ སཧ བཱལཀཱཤྩ ཏིཥྛནྟི ཏུབྷྱཾ དཱཏུམ྄ ཨུཏྠཱཏུཾ ན ཤཀྣོམི,

Ⅷཏརྷི ཡུཥྨཱནཧཾ ཝདཱམི, ས ཡདི མིཏྲཏཡཱ ཏསྨཻ ཀིམཔི དཱཏུཾ ནོཏྟིཥྛཏི ཏཐཱཔི ཝཱརཾ ཝཱརཾ པྲཱརྠནཱཏ ཨུཏྠཱཔིཏཿ སན྄ ཡསྨིན྄ ཏསྱ པྲཡོཛནཾ ཏདེཝ དཱསྱཏི།

Ⅸཨཏཿ ཀཱརཎཱཏ྄ ཀཐཡཱམི, ཡཱཙདྷྭཾ ཏཏོ ཡུཥྨབྷྱཾ དཱསྱཏེ, མྲྀགཡདྷྭཾ ཏཏ ཨུདྡེཤཾ པྲཱཔྶྱཐ, དྭཱརམ྄ ཨཱཧཏ ཏཏོ ཡུཥྨབྷྱཾ དྭཱརཾ མོཀྵྱཏེ།

Ⅹཡོ ཡཱཙཏེ ས པྲཱཔྣོཏི, ཡོ མྲྀགཡཏེ ས ཨེཝོདྡེཤཾ པྲཱཔྣོཏི, ཡོ དྭཱརམ྄ ཨཱཧནྟི ཏདརྠཾ དྭཱརཾ མོཙྱཏེ།

Ⅺཔུཏྲེཎ པཱུཔེ ཡཱཙིཏེ ཏསྨཻ པཱཥཱཎཾ དདཱཏི ཝཱ མཏྶྱེ ཡཱཙིཏེ ཏསྨཻ སརྤཾ དདཱཏི

Ⅻཝཱ ཨཎྜེ ཡཱཙིཏེ ཏསྨཻ ཝྲྀཤྩིཀཾ དདཱཏི ཡུཥྨཱཀཾ མདྷྱེ ཀ ཨེཏཱདྲྀཤཿ པིཏཱསྟེ?

ⅩⅢཏསྨཱདེཝ ཡཱུཡམབྷདྲཱ ཨཔི ཡདི སྭསྭབཱལཀེབྷྱ ཨུཏྟམཱནི དྲཝྱཱཎི དཱཏུཾ ཛཱནཱིཐ ཏརྷྱསྨཱཀཾ སྭརྒསྠཿ པིཏཱ ནིཛཡཱཙཀེབྷྱཿ ཀིཾ པཝིཏྲམ྄ ཨཱཏྨཱནཾ ན དཱསྱཏི?

ⅩⅣཨནནྟརཾ ཡཱིཤུནཱ ཀསྨཱཙྩིད྄ ཨེཀསྨིན྄ མཱུཀབྷཱུཏེ ཏྱཱཛིཏེ སཏི ས བྷཱུཏཏྱཀྟོ མཱནུཥོ ཝཱཀྱཾ ཝཀྟུམ྄ ཨཱརེབྷེ; ཏཏོ ལོཀཱཿ སཀལཱ ཨཱཤྩཪྻྱཾ མེནིརེ།

ⅩⅤཀིནྟུ ཏེཥཱཾ ཀེཙིདཱུཙུ རྫནོཡཾ བཱལསིབཱུབཱ ཨརྠཱད྄ བྷཱུཏརཱཛེན བྷཱུཏཱན྄ ཏྱཱཛཡཏི།

ⅩⅥཏཾ པརཱིཀྵིཏུཾ ཀེཙིད྄ ཨཱཀཱཤཱིཡམ྄ ཨེཀཾ ཙིཧྣཾ དརྴཡིཏུཾ ཏཾ པྲཱརྠཡཱཉྩཀྲིརེ།

ⅩⅦཏདཱ ས ཏེཥཱཾ མནཿཀལྤནཱཾ ཛྙཱཏྭཱ ཀཐཡཱམཱས, ཀསྱཙིད྄ རཱཛྱསྱ ལོཀཱ ཡདི པརསྤརཾ ཝིརུནྡྷནྟི ཏརྷི ཏད྄ རཱཛྱམ྄ ནཤྱཏི; ཀེཙིད྄ གྲྀཧསྠཱ ཡདི པརསྤརཾ ཝིརུནྡྷནྟི ཏརྷི ཏེཔི ནཤྱནྟི།

ⅩⅧཏཐཻཝ ཤཻཏཱནཔི སྭལོཀཱན྄ ཡདི ཝིརུཎདྡྷི ཏདཱ ཏསྱ རཱཛྱཾ ཀཐཾ སྠཱསྱཏི? བཱལསིབཱུབཱཧཾ བྷཱུཏཱན྄ ཏྱཱཛཡཱམི ཡཱུཡམིཏི ཝདཐ།

ⅩⅨཡདྱཧཾ བཱལསིབཱུབཱ བྷཱུཏཱན྄ ཏྱཱཛཡཱམི ཏརྷི ཡུཥྨཱཀཾ སནྟཱནཱཿ ཀེན ཏྱཱཛཡནྟི? ཏསྨཱཏ྄ ཏཨེཝ ཀཐཱཡཱ ཨེཏསྱཱ ཝིཙཱརཡིཏཱརོ བྷཝིཥྱནྟི།

ⅩⅩཀིནྟུ ཡདྱཧམ྄ ཨཱིཤྭརསྱ པརཱཀྲམེཎ བྷཱུཏཱན྄ ཏྱཱཛཡཱམི ཏརྷི ཡུཥྨཱཀཾ ནིཀཊམ྄ ཨཱིཤྭརསྱ རཱཛྱམཝཤྱམ྄ ཨུཔཏིཥྛཏི།

ⅩⅪབལཝཱན྄ པུམཱན྄ སུསཛྫམཱནོ ཡཏིཀཱལཾ ནིཛཱཊྚཱལིཀཱཾ རཀྵཏི ཏཏིཀཱལཾ ཏསྱ དྲཝྱཾ ནིརུཔདྲཝཾ ཏིཥྛཏི།

ⅩⅫཀིནྟུ ཏསྨཱད྄ ཨདྷིཀབལཿ ཀཤྩིདཱགཏྱ ཡདི ཏཾ ཛཡཏི ཏརྷི ཡེཥུ ཤསྟྲཱསྟྲེཥུ ཏསྱ ཝིཤྭཱས ཨཱསཱིཏ྄ ཏཱནི སཪྻྭཱཎི ཧྲྀཏྭཱ ཏསྱ དྲཝྱཱཎི གྲྀཧླཱཏི།

ⅩⅩⅢཨཏཿ ཀཱརཎཱད྄ ཡོ མམ སཔཀྵོ ན ས ཝིཔཀྵཿ, ཡོ མཡཱ སཧ ན སཾགྲྀཧླཱཏི ས ཝིཀིརཏི།

ⅩⅩⅣཨཔརཉྩ ཨམེདྷྱབྷཱུཏོ མཱནུཥསྱཱནྟརྣིརྒཏྱ ཤུཥྐསྠཱནེ བྷྲཱནྟྭཱ ཝིཤྲཱམཾ མྲྀགཡཏེ ཀིནྟུ ན པྲཱཔྱ ཝདཏི མམ ཡསྨཱད྄ གྲྀཧཱད྄ ཨཱགཏོཧཾ པུནསྟད྄ གྲྀཧཾ པརཱཝྲྀཏྱ ཡཱམི།

ⅩⅩⅤཏཏོ གཏྭཱ ཏད྄ གྲྀཧཾ མཱརྫིཏཾ ཤོབྷིཏཉྩ དྲྀཥྚྭཱ

ⅩⅩⅥཏཏྐྵཎམ྄ ཨཔགཏྱ སྭསྨཱདཔི དུརྨྨཏཱིན྄ ཨཔརཱན྄ སཔྟབྷཱུཏཱན྄ སཧཱནཡཏི ཏེ ཙ ཏདྒྲྀཧཾ པཝིཤྱ ནིཝསནྟི། ཏསྨཱཏ྄ ཏསྱ མནུཥྱསྱ པྲཐམདཤཱཏཿ ཤེཥདཤཱ དུཿཁཏརཱ བྷཝཏི།

ⅩⅩⅦཨསྱཱཿ ཀཐཱཡཱཿ ཀཐནཀཱལེ ཛནཏཱམདྷྱསྠཱ ཀཱཙིནྣཱརཱི ཏམུཙྩཻཿསྭརཾ པྲོཝཱཙ, ཡཱ ཡོཥིཏ྄ ཏྭཱཾ གརྦྦྷེ྅དྷཱརཡཏ྄ སྟནྱམཔཱཡཡཙྩ སཻཝ དྷནྱཱ།

ⅩⅩⅧཀིནྟུ སོཀཐཡཏ྄ ཡེ པརམེཤྭརསྱ ཀཐཱཾ ཤྲུཏྭཱ ཏདནུརཱུཔམ྄ ཨཱཙརནྟི ཏཨེཝ དྷནྱཱཿ།

ⅩⅩⅨཏཏཿ པརཾ ཏསྱཱནྟིཀེ བཧུལོཀཱནཱཾ སམཱགམེ ཛཱཏེ ས ཝཀྟུམཱརེབྷེ, ཨཱདྷུནིཀཱ དུཥྚལོཀཱཤྩིཧྣཾ དྲཥྚུམིཙྪནྟི ཀིནྟུ ཡཱུནསྦྷཝིཥྱདྭཱདིནཤྩིཧྣཾ ཝིནཱནྱཏ྄ ཀིཉྩིཙྩིཧྣཾ ཏཱན྄ ན དརྴཡིཥྱཏེ།

ⅩⅩⅩཡཱུནས྄ ཏུ ཡཐཱ ནཱིནིཝཱིཡལོཀཱནཱཾ སམཱིཔེ ཙིཧྣརཱུཔོབྷཝཏ྄ ཏཐཱ ཝིདྱམཱནལོཀཱནཱམ྄ ཨེཥཱཾ སམཱིཔེ མནུཥྱཔུཏྲོཔི ཙིཧྣརཱུཔོ བྷཝིཥྱཏི།

ⅩⅩⅪཝིཙཱརསམཡེ ཨིདཱནཱིནྟནལོཀཱནཱཾ པྲཱཏིཀཱུལྱེན དཀྵིཎདེཤཱིཡཱ རཱཛྙཱི པྲོཏྠཱཡ ཏཱན྄ དོཥིཎཿ ཀརིཥྱཏི, ཡཏཿ སཱ རཱཛྙཱི སུལེམཱན ཨུཔདེཤཀཐཱཾ ཤྲོཏུཾ པྲྀཐིཝྱཱཿ སཱིམཱཏ ཨཱགཙྪཏ྄ ཀིནྟུ པཤྱཏ སུལེམཱནོཔི གུརུཏར ཨེཀོ ཛནོ྅སྨིན྄ སྠཱནེ ཝིདྱཏེ།

ⅩⅩⅫཨཔརཉྩ ཝིཙཱརསམཡེ ནཱིནིཝཱིཡལོཀཱ ཨཔི ཝརྟྟམཱནཀཱལིཀཱནཱཾ ལོཀཱནཱཾ ཝཻཔརཱིཏྱེན པྲོཏྠཱཡ ཏཱན྄ དོཥིཎཿ ཀརིཥྱནྟི, ཡཏོ ཧེཏོསྟེ ཡཱུནསོ ཝཱཀྱཱཏ྄ ཙིཏྟཱནི པརིཝརྟྟཡཱམཱསུཿ ཀིནྟུ པཤྱཏ ཡཱུནསོཏིགུརུཏར ཨེཀོ ཛནོ྅སྨིན྄ སྠཱནེ ཝིདྱཏེ།

ⅩⅩⅩⅢཔྲདཱིཔཾ པྲཛྭཱལྱ དྲོཎསྱཱདྷཿ ཀུཏྲཱཔི གུཔྟསྠཱནེ ཝཱ ཀོཔི ན སྠཱཔཡཏི ཀིནྟུ གྲྀཧཔྲཝེཤིབྷྱོ དཱིཔྟིཾ དཱཏཾ དཱིཔཱདྷཱརོཔཪྻྱེཝ སྠཱཔཡཏི།

ⅩⅩⅩⅣདེཧསྱ པྲདཱིཔཤྩཀྵུསྟསྨཱདེཝ ཙཀྵུ ཪྻདི པྲསནྣཾ བྷཝཏི ཏརྷི ཏཝ སཪྻྭཤརཱིརཾ དཱིཔྟིམད྄ བྷཝིཥྱཏི ཀིནྟུ ཙཀྵུ ཪྻདི མལཱིམསཾ ཏིཥྛཏི ཏརྷི སཪྻྭཤརཱིརཾ སཱནྡྷཀཱརཾ སྠཱསྱཏི།

ⅩⅩⅩⅤཨསྨཱཏ྄ ཀཱརཎཱཏ྄ ཏཝཱནྟཿསྠཾ ཛྱོཏི ཪྻཐཱནྡྷཀཱརམཡཾ ན བྷཝཏི ཏདརྠེ སཱཝདྷཱནོ བྷཝ།

ⅩⅩⅩⅥཡཏཿ ཤརཱིརསྱ ཀུཏྲཱཔྱཾཤེ སཱནྡྷཀཱརེ ན ཛཱཏེ སཪྻྭཾ ཡདི དཱིཔྟིམཏ྄ ཏིཥྛཏི ཏརྷི ཏུབྷྱཾ དཱིཔྟིདཱཡིཔྲོཛྫྭལན྄ པྲདཱིཔ ཨིཝ ཏཝ སཝཪྻཤརཱིརཾ དཱིཔྟིམད྄ བྷཝིཥྱཏི།

ⅩⅩⅩⅦཨེཏཏྐཐཱཡཱཿ ཀཐནཀཱལེ ཕིརུཤྱེཀོ བྷེཛནཱཡ ཏཾ ནིམནྟྲཡཱམཱས, ཏཏཿ ས གཏྭཱ བྷོཀྟུམ྄ ཨུཔཝིཝེཤ།

ⅩⅩⅩⅧཀིནྟུ བྷོཛནཱཏ྄ པཱུཪྻྭཾ ནཱམཱངྐྵཱིཏ྄ ཨེཏད྄ དྲྀཥྚྭཱ ས ཕིརུཤྱཱཤྩཪྻྱཾ མེནེ།

ⅩⅩⅩⅨཏདཱ པྲབྷུསྟཾ པྲོཝཱཙ ཡཱུཡཾ ཕིརཱུཤིལོཀཱཿ པཱནཔཱཏྲཱཎཱཾ བྷོཛནཔཱཏྲཱཎཱཉྩ བཧིཿ པརིཥྐུརུཐ ཀིནྟུ ཡུཥྨཱཀམནྟ རྡཽརཱཏྨྱཻ རྡུཥྐྲིཡཱབྷིཤྩ པརིཔཱུརྞཾ ཏིཥྛཏི།

ⅩⅬཧེ སཪྻྭེ ནིརྦོདྷཱ ཡོ བཧིཿ སསརྫ ས ཨེཝ ཀིམནྟ རྣ སསརྫ?

ⅩⅬⅠཏཏ ཨེཝ ཡུཥྨཱབྷིརནྟཿཀརཎཾ (ཨཱིཤྭརཱཡ) ནིཝེདྱཏཱཾ ཏསྨིན྄ ཀྲྀཏེ ཡུཥྨཱཀཾ སཪྻྭཱཎི ཤུཙིཏཱཾ ཡཱསྱནྟི།

ⅩⅬⅡཀིནྟུ ཧནྟ ཕིརཱུཤིགཎཱ ཡཱུཡཾ ནྱཱཡམ྄ ཨཱིཤྭརེ པྲེམ ཙ པརིཏྱཛྱ པོདིནཱཡཱ ཨརུདཱདཱིནཱཾ སཪྻྭེཥཱཾ ཤཱཀཱནཱཉྩ དཤམཱཾཤཱན྄ དཏྠ ཀིནྟུ པྲཐམཾ པཱལཡིཏྭཱ ཤེཥསྱཱལངྒྷནཾ ཡུཥྨཱཀམ྄ ཨུཙིཏམཱསཱིཏ྄།

ⅩⅬⅢཧཱ ཧཱ ཕིརཱུཤིནོ ཡཱུཡཾ བྷཛནགེཧེ པྲོཙྩཱསནེ ཨཱཔཎེཥུ ཙ ནམསྐཱརེཥུ པྲཱིཡདྷྭེ།

ⅩⅬⅣཝཏ ཀཔཊིནོ྅དྷྱཱཔཀཱཿ ཕིརཱུཤིནཤྩ ལོཀཱཡཏ྄ ཤྨཤཱནམ྄ ཨནུཔལབྷྱ ཏདུཔརི གཙྪནྟི ཡཱུཡམ྄ ཏཱདྲྀགཔྲཀཱཤིཏཤྨཤཱནཝཱད྄ བྷཝཐ།

ⅩⅬⅤཏདཱནཱིཾ ཝྱཝསྠཱཔཀཱནཱམ྄ ཨེཀཱ ཡཱིཤུམཝདཏ྄, ཧེ ཨུཔདེཤཀ ཝཱཀྱེནེདྲྀཤེནཱསྨཱསྭཔི དོཥམ྄ ཨཱརོཔཡསི།

ⅩⅬⅥཏཏཿ ས ཨུཝཱཙ, ཧཱ ཧཱ ཝྱཝསྠཱཔཀཱ ཡཱུཡམ྄ མཱནུཥཱཎཱམ྄ ཨུཔརི དུཿསཧྱཱན྄ བྷཱརཱན྄ ནྱསྱཐ ཀིནྟུ སྭཡམ྄ ཨེཀཱངྒུुལྱཱཔི ཏཱན྄ བྷཱརཱན྄ ན སྤྲྀཤཐ།

ⅩⅬⅦཧནྟ ཡུཥྨཱཀཾ པཱུཪྻྭཔུརུཥཱ ཡཱན྄ བྷཝིཥྱདྭཱདིནོ྅ཝདྷིཥུསྟེཥཱཾ ཤྨཤཱནཱནི ཡཱུཡཾ ནིརྨྨཱཐ།

ⅩⅬⅧཏེནཻཝ ཡཱུཡཾ སྭཔཱུཪྻྭཔུརུཥཱཎཱཾ ཀརྨྨཱཎི སཾམནྱདྷྭེ ཏདེཝ སཔྲམཱཎཾ ཀུརུཐ ཙ, ཡཏསྟེ ཏཱནཝདྷིཥུཿ ཡཱུཡཾ ཏེཥཱཾ ཤྨཤཱནཱནི ནིརྨྨཱཐ།

ⅩⅬⅨཨཏཨེཝ ཨཱིཤྭརསྱ ཤཱསྟྲེ པྲོཀྟམསྟི ཏེཥཱམནྟིཀེ བྷཝིཥྱདྭཱདིནཿ པྲེརིཏཱཾཤྩ པྲེཥཡིཥྱཱམི ཏཏསྟེ ཏེཥཱཾ ཀཱཾཤྩན ཧནིཥྱནྟི ཀཱཾཤྩན ཏཱཌཤྵྱིནྟི།

Ⅼཨེཏསྨཱཏ྄ ཀཱརཎཱཏ྄ ཧཱབིལཿ ཤོཎིཏཔཱཏམཱརབྷྱ མནྡིརཡཛྙཝེདྱོ རྨདྷྱེ ཧཏསྱ སིཁརིཡསྱ རཀྟཔཱཏཔཪྻྱནྟཾ

ⅬⅠཛགཏཿ སྲྀཥྚིམཱརབྷྱ པྲྀཐིཝྱཱཾ བྷཝིཥྱདྭཱདིནཱཾ ཡཏིརཀྟཔཱཏཱ ཛཱཏཱསྟཏཱིནཱམ྄ ཨཔརཱདྷདཎྜཱ ཨེཥཱཾ ཝརྟྟམཱནལོཀཱནཱཾ བྷཝིཥྱནྟི, ཡུཥྨཱནཧཾ ནིཤྩིཏཾ ཝདཱམི སཪྻྭེ དཎྜཱ ཝཾཤསྱཱསྱ བྷཝིཥྱནྟི།

ⅬⅡཧཱ ཧཱ ཝྱཝསྠཔཀཱ ཡཱུཡཾ ཛྙཱནསྱ ཀུཉྩིཀཱཾ ཧྲྀཏྭཱ སྭཡཾ ན པྲཝིཥྚཱ ཡེ པྲཝེཥྚུཉྩ པྲཡཱསིནསྟཱནཔི པྲཝེཥྚུཾ ཝཱརིཏཝནྟཿ།

ⅬⅢཨིཏྠཾ ཀཐཱཀཐནཱད྄ ཨདྷྱཱཔཀཱཿ ཕིརཱུཤིནཤྩ སཏརྐཱཿ

ⅬⅣསནྟསྟམཔཝདིཏུཾ ཏསྱ ཀཐཱཡཱ དོཥཾ དྷརྟྟམིཙྪནྟོ ནཱནཱཁྱཱནཀཐནཱཡ ཏཾ པྲཝརྟྟཡིཏུཾ ཀོཔཡིཏུཉྩ པྲཱརེབྷིརེ།