Tai Dam ꞌHệp‑ꞌlơ 8

Chảu ꞌGiê‑ꞌsu pên mo luông dú cá ꞌmướng ꞌphạ

1ꞌPứng ꞌquám ꞌvạu ꞌmá ꞌnặn ꞌva ꞌsướng ꞌnị: ꞌSúm ꞌháu ꞌmí mo luông nháư ꞌnăng ꞌhiếng sảng ꞌphượng khoa ꞌtến Chảu Pua ꞌPhạ phủ ꞌmí phép nháư ꞌquiến luông dú cá ꞌmướng#ꞌphạ. 2Chảu ꞌGiê‑ꞌsu ꞌdệt mo vảy ꞌháu Chảu Pua ꞌPhạ dú bón khết#dăm, pên ꞌhướn vảy ꞌsớ#ꞌtẹ, Chảu Pua ꞌPhạ hák đảy#tẳng, báu#ꞌmen phủ ꞌcốn#tẳng. 3ꞌChu mo luông lỏ pên phủ téng au ꞌchương ꞌsớ vảy ꞌháu Chảu Pua#ꞌPhạ. ꞌSướng ꞌnặn mo luông ꞌsúm ꞌháu ꞌcọ ꞌchọ ꞌmí săng vảy ꞌháu pék#căn. 4ꞌVa ꞌTan chảu dú nẳng ꞌmướng#ꞌlum, ꞌcọ ꞌchí báu#đảy ꞌdệt#mo, ꞌpưa#ꞌva hák ꞌmí ꞌpứng mo téng au ꞌchương vảy ꞌsớ ꞌtoi ꞌluột ꞌláng Chảu Pua#ꞌPhạ. 5Bón ꞌpứng mo vảy ꞌháu Chảu Pua ꞌPhạ ꞌnặn lỏ#pên hún ꞌngáu ꞌnéo dú cá ꞌmướng#ꞌphạ. ꞌPưa ꞌsướng#ꞌnặn, ꞌmưa ꞌchớ pú ꞌMô‑ꞌsê ꞌchí cáng túp phả khửn ꞌdệt ꞌhướn vảy ꞌsớ Chảu Pua#ꞌPhạ, ꞌTan chảu chắng bók pú#ꞌva, “Bớng hảư đi ꞌchu ꞌnéo báu hảư#phít, ꞌdệt ꞌtoi ꞌngươn ꞌhói ꞌsướng ꞌháu hảư chảu hên cá ꞌtếng ꞌpú#ꞌnặn.” 6Hák ꞌkhạy ꞌnị Chảu ꞌGiê‑ꞌsu nhẳn au ꞌviạk nháư ꞌsứa ꞌpứng mo#cáu, ꞌsướng ꞌTan chảu pên ꞌcốn song cang ꞌtoi ꞌquám nhẳn pao đi#cón, ꞌmá nẳng ꞌquám chao ꞌhẹn đi#ꞌsứa. 7ꞌVa ꞌquám nhẳn pao cáu ꞌnặn đảy đi ꞌpó ꞌlẹo ꞌcọ báu#ꞌcợn ꞌquám nhẳn pao#máư. 8Hák#ꞌva Chảu Pua ꞌPhạ hên dên ꞌpay báu#sú ꞌquám nhẳn#pao, chắng ꞌvạu#ꞌva:

ꞌChớ ꞌchí ꞌmá ꞌhọt

ꞌHáu ꞌchí tẳng ꞌquám nhẳn pao ꞌnéo máư

cắp ꞌchựa sai ꞌI‑ꞌsa‑ên kéng Du‑đa.

9ꞌChí báu pék ꞌquám nhẳn pao cắp pảu pú sau

ꞌSướng ꞌmưa pang ꞌhá chung khen sau ók khói ꞌmướng#Ê‑díp

Sau báu cứ ꞌquám nhẳn pao ꞌháu

ꞌHáu chắng ꞌváng sau sia ꞌná.

10ꞌTan chảu cáo ꞌquám máư ꞌva:

ꞌNị lỏ ꞌquám nhẳn pao khuôn ꞌhá

ꞌchí tẳng cắp ꞌchựa sai ꞌI‑ꞌsa‑ên

Lăng pang ꞌnặn ꞌlẹo

ꞌHáu ꞌchí hảư sau ꞌhụ chẻng ꞌquám ꞌluột

ꞌChí khiên ꞌvạy cuông chaư sau

ꞌHáu ꞌchí pên Chảu Chom sau

Sau ꞌchí pên dên ꞌpay ꞌháu ꞌná.

11Té ꞌnị pay nả ꞌchí báu thả ꞌmí phaư bók

ꞌpi ꞌnọng bản ꞌmướng#chảu

ꞌhứ ꞌva ꞌpi ꞌnọng ꞌmo ꞌkính

hảư ꞌhụ chắc ꞌháu pên Chảu Chom

ꞌPưa ꞌva ꞌchu ꞌcốn hák ꞌchí ꞌhụ chắc ꞌháu

Phủ ꞌtọi tắm ꞌtếng#cá phủ ꞌmí chức nháư.

12ꞌHáu ín đu dáng ꞌdóm ꞌviạk ác ꞌhại hảư sau

ꞌCọ ꞌchí báu ngắm ꞌhọt ꞌviạk báp ꞌsội sau.

13ꞌQuám nhẳn pao ꞌvạu ꞌmá ꞌnị Chảu Pua ꞌPhạ khék#ꞌva ꞌnéo#máư. ꞌQuám nhẳn pao cón ꞌhiạk ꞌva cáu#ꞌlẹo. Ăn đaư cáu ké ꞌcọ ꞌchí sút suổi#pay.