தேவன் உண்மையாக வாழ்வதைப்போல, அவர் உண்மையாக என்னோடு அநீதியாய் நடக்கிறார்.

ஆம், சர்வ வல்லமையுள்ள தேவன் என் வாழ்க்கையைக் கசப்பாக்கினார்.

தேவனுடைய உயிர்மூச்சு என் மூக்கில் இருக்கும் மட்டும்

என் நாவு ஒருபோதும் பொய் கூறாது.

நான் மரிக்கும் நாள் மட்டும், நான் களங்கமற்றவன் என்று தொடர்ந்து சொல்வேன்.

நியாயமாக நடப்பதை விட்டுவிடமாட்டேன்.

நான் வாழும்வரை என் மனச்சாட்சி என்னை உறுத்தாது.

தீயோர் தண்டிக்கப்படுவதைப் போல என் பகைவர்கள் தண்டனை பெறுவார்கள் என நம்புகிறேன்.

தேவன் அவன் உயிரை எடுக்கும்போது, அம்மனிதனுக்கு நம்பிக்கை எதுவுமில்லை.

ஆனால் தேவன் அவனுக்குச் செவிசாய்க்கமாட்டார்!

எப்போதும் அம்மனிதன் தேவனிடம் ஜெபம் செய்திருக்க வேண்டும்.

சர்வ வல்லமையுள்ள தேவனுடைய திட்டங்களை நான் உங்களிடம் மறைக்கமாட்டேன்.

எனவே அந்தப் பயனற்ற காரியங்களை நீங்கள் ஏன் சொல்கிறீர்கள்?

சர்வ வல்லமையுள்ள தேவனிடமிருந்து கொடியோர் இதையே பெறுவார்கள்.

தீயவனின் பிள்ளைகளுக்கு உண்பதற்கு போதிய உணவு இராது.

அவனது விதவை அவனுக்காகத் துக்கப்படமாட்டாள்.

களிமண் குவியலைப்போன்று அவனிடம் பல ஆடைகள் இருக்கலாம்.

களங்கமற்ற ஜனங்கள் அவனது வெள்ளியைப் பெறுவார்கள்.

அது ஒரு சிலந்தி வலையைப்போன்றும், காவலாளியின் கூடாரத்தைப்போன்றும் இருக்கும்.

ஆனால் அவனது கண்களை அவன் திறக்கும்போது, எல்லா செல்வங்களும் மறைந்திருக்கும்.

அது வெள்ளப் பெருக்கைப் போன்றும், புயல்வீசி எல்லாவற்றையும் அடித்துச் செல்வதைப்போன்றும் இருக்கும்.

புயல் அவன் வீட்டிலிருந்து அவனை இழுத்துச் செல்லும்.

ஆனால், இரக்கமின்றி புயல் அவனைத் தாக்கும்.

தீயவன் வீட்டைவிட்டு ஓடுகிறபோது, அவர்கள் அவனைப் பார்த்து சீட்டியடிப்பார்கள்.”