Job ana tupua marana i parivaiapoapoeni.
1Wiki tagogi au murina Job gamona i laḡi ma ana tupua marana i parivaiapoapoeni. 2I pa,
3Au tupua marana ma boai,
ma waguvaraina i vinolanola da tevera orotona i tupua.
4Nai marana ina waguvarei!
Ma God au aidamo wei marana ina nota-tawanei,
ma au tepana eḡa ina rarana.
5Waguvara ma gimtona potopotona wei marana ina vibadei;
ma lada marana ina purui
ma gimtona lalalaina ina purui.
6Gimtona nai waguvaraina ina viamoai
wei marana eḡa ma iava-melei;
madeḡana bo nawaravina.
7Nai waguvaraina eḡa aiai ina tupua,
ma eḡa nuaiai gararana ina nonori.
8Vijiboḡa amamai,
mepa da ai vijiboḡa boga bariawana ina vidagui;
taui wei marana ina vijiboḡi.
9Maratomtom ubonana ina ḡuvai
ma mara karena ina paina-avei
ma madeḡa vuduna eḡa ina inanai.
10Aubaina taui manawa metaetana eḡa ita gudui
ma vita maḡamaḡaui i vereu.
11Airake, boiboḡi ita gomuiu!
Bo ata i ʼraḡe maranai a tuputupua.
12Aiwai aubaina au arona i vimataveniu
ma ḡuḡunei i viḡuḡuiu?
13Maranaina a tupua, matau ita pota;
ma ata matave ma ata vilauvitau.