1Zaa í lòkoton ma wiki lɛ̀ Dikiria ma pì,

2Dikiri, ǹ ma yã ma,

ǹ sã kpá ma wikilɛnaai ǹ ma wɛ́ gwa.

3Dikiri, tó ndì ó durunnanↄ kɛ̃ ǹ ditɛmɛ,

Dikiri, dí mɛ́ ani boo?

4Mↄkↄ̃n mɛ́ ń durunnakɛ̃mmana zɛ́ vĩ,

abire yãin òdi vĩna kɛnnɛ.

5Ma wɛ́ dìgↄ̃ dↄ Dikirii, matɛni a dã,

a yã náanin má vĩ.

6Lákũ gudãkpãrinↄ wɛ́ dìgↄ̃ dↄ gudↄnaai nà,

ma wɛ́ dìgↄ̃ dↄ Dikirii deńla,

ee, à de gudãkpãrinↄ wɛ́dↄna gudↄnaaila.

7Ákↄ̃nↄ Isarailanↄ, à wɛ́ dↄ Dikirii,

zaakũ Dikiri gbɛ̃kɛ vĩ,

à surabana gbãna vĩ papana.

8Àkũ mɛ́ ani Isarailanↄ bo

ń durunnanↄ gũn pínki.