Luda yã takada kũ Bisã yão ZABURA 148

Dikiri pↄ́ kũ à kɛ̀nↄ a táakilɛnaa

1Aleluya!

À Dikiri táaki lɛ́, a bedenↄ!

À a táaki lɛ́ zaa musu!

2À a táaki lɛ́, a malaikanↄ á pínki!

À a táaki lɛ́, a ìbanↄ á pínki!

3À a táaki lɛ́, ifãntɛ̃ kũ mↄvuraao!

À a táaki lɛ́, susunɛ ínnanↄ pínki!

4À à táaki lɛ́, sarapura musumusu pↄ́nↄ

kũ í kũ à kú ludambɛlanↄ.

5Ò Dikiri tↄ́ bo,

zaakũ à yã ò, akũ ò kun.

6À ń pɛpɛ ń pɛ́pɛkia

de ògↄ̃ kú gwe gↄrↄ sĩnda pínki,

à doka dìtɛńnɛ, oni fↄ̃ ò vĩalaro.

7À Dikiri táaki lɛ́, pↄ́ kũ ò kú zĩtɛnↄ,

kpↄ̀ gbɛ̃̀ntɛ̃nↄ kũ ísira lↄ̀nↄ

8kũ legũpinaao kũ legũgbɛɛo kũ legũsisinaao

kũ zàga'ĩa kũ àdi mìi natɛ a yãnɛɛo,

9kũ kpinↄ kũ sĩ̀sĩnↄ pínki

kũ lí nɛ́'irinↄ kũ sida línↄ pínki,

10kũ nↄ̀bↄsɛ̃ntɛnↄ kũ pↄ́kãdenↄ pínki

kũ pↄ́ kũ òdi táa o kũ kùaonↄ kũ bãnↄ,

11kũ andunia kínanↄ kũ burinↄ pínki

kũ kínanɛnↄ kũ bùsu gbãnadenↄ ń pínki,

12kũ kɛfɛnnanↄ kũ nↄkparenↄ ń pínki

kũ gbɛ̃ zↄ̃kↄ̃nↄ kũ nɛ́ fítinↄo.

13Ò Dikiri tↄ́ bo,

zaakũ a mɛ̀n do tↄ́ mɛ́ à zↄ̃kↄ̃,

a gakuri de musu kũ zĩtɛola.

14À kína kà a gbɛ̃nↄnɛ,

kũ a yãmarinↄ dì a táaki lɛ́,

Isaraila kũ ò kãni kãaonↄ.

Aleluya!