Iyakobo ena Faloholoho Nanatuna Lisidi yai
Aba Fatubu 49:8-12, 33
Diuda
8Diuda, haidam haba sa noꞌonoꞌoꞌem,
paꞌana am waiyunu ai gadodi haba wa abi.
Haidam haba sa dulu matam yai.
9Um doha laiyon gubugubufwauna.
Am mwaiha wa wunui, na wa fuyoma.
Wa eno na taum wa lolondi,
doha laiyon laꞌilaꞌi adiꞌadidilina,
haba sai gonowana ya fanohim?
10Tuꞌe nimam yai, ibege i beꞌu,
e baꞌisa ena tuꞌe, ahena solasoladi yai,
ibege hinaga i beꞌu, ana sigana ee–,
ya laoma tanuwagana lebena
yo nuꞌu sa awa abi, mate in ena.
11Haba em donki gubugubu fwauna wa auꞌauꞌaui,
ai wain mahinana loholohona yai.
Em leli haba wain yai wa kaisudi,
wain nenena doha ꞌwasina balebalelemna.
12Matam sa kwasina wain nomnomna yai,
na susu nomnomdi yai be moꞌam sa kafu.
33Fuyanna Iyakobo nanatuna ya faliba maꞌudaidi ahena ya toledi ena aba eno yai na ya umesi afulen.
Iyakobo Idipi Nuꞌuna yai ya miya bolima 17, na ena bolima laꞌina mate 147.