Waihin Loholohona
Gaimumu 31:10-13,19-20,30-31
10Waihin paisowa mahudoꞌina gonowana ya ginauli
mate ya loholoho wananaha,
habahim gogo haisa doha posalu taumoho ya lobahi.
11Taumoho ni, lahuna ya sunumaꞌen
be ibege somo lisina yai i kuꞌu.
12Waihin fuya ouꞌouli, loholoho moho
ya leyama lahuna lisina
na hige heyaya. Mate ya loholoho.
13Mahina ya abidi,
be ya fapaisowadi kaleko ya lau bodi.
19Nimana yai mahina ya loidi.
20Tau gogo gesagesa yo salumadi sa kuꞌu ya sagusaguhidi.
30Waihin nene sedisedina, hasalana loholohona,
ana bela haba ya waꞌe
na waihin sai Guyau ya faꞌatitiyen mate sa noꞌonoꞌoꞌen.
31Somo ya ginauli mate ena ainauya au felen,
ena paisowa debana yai,
haba sa liba hitihitiniꞌi duhu balabalamumu ai hafohafona.