Sonoga
Tau Guguya 7:15-20
15Egu mwahuli kufakufana yai te, ginauli luwaga E itadi:
doga dudulaina ena miya hige i lofa, in moho ya peꞌi,
na doga heyaheyayana ya miya lofalofa ena heyaya yai.
16Tabu dudulai u diꞌoi be u dudulai wanawananaha,
yo sibasiba u diꞌoi be u sibasiba wanawananaha.
Doꞌata wa faheyaya fuyoim.
17Tabu hinaga heyaya u diꞌoi, be u heyaya wanawananaha,
yo tabu u yauyaule.
Hola hige em peꞌi fuyana na sidohana wa gado peꞌi feula?
18Ya loholoho ibe fanuwatagu libadi te ami nuwa nuwatuhuidi;
sai Guyau ya faꞌatitiyen
haba laulau heyaheyayadi luwaga te, ya gebaedi.
19Tau sibasiba esega mate ya adidili wananaha,
habahim babaꞌisa safuhudohudoꞌi ma adiꞌadidilidi, taon yai.
20Tanoꞌubu yai te hige sai i dudulai.
Doga laulau loholohodi ya ginaginaulidi,
in moho heyaya ya ginauli hinaga.