1Mwa Yakobo ikwasa ana gogo meuloili ikalaili yo saugana iyawatagili Biyasiba, ipwaoli tamana Aisake ana Yaubada koina. 2Yo Yaubada kenogite koina iwalolau boniyai mena iwaloba, “Yakobo. Yakobo.” Yakobo iwaloba, “Yau elete.” 3Yo iwaloba, “Yau Yaubada, tamam ana Yaubada, tabu kumamatausi lobi Itipita kaiwena. Kaiwenaele kani gwalugwalumwao yayadebalalali. 4Kani yau mekaukava kowa talobi Itipita na kani yakele-yavivilayoimiu. Yo am sauga boita koina natum Yosepa mekamkava iboma nimana mena kani manim ikausili.” 5Biyasiba ilogabaen na Yakobo natunao, tamali sikalai yo natuliyao yo waineliyao sitaulili waga niuniuli kolili kin iyayawasali kolili. 6Tabe besiele ali yakayakan yo tabe gogo meuloina Kenani koina sikalaili yo Yakobo me ana bodao meuloili silobi Itipita. 7Natunao tatao yo tubunao tatao, natunao sinesineo yo tubunao sinesineo ana bodao meuloili ilobi-yegili Itipita.

28Kabo Yakobo Yuda iyawasa-bagunayan ilobi Yosepa koina ineli Gosen kana kamwasa kaiwena. Saugana siyawatagili Gosen bwaimwa Itipita dedei kalona mena, 29Yosepa ana waga niuniuli iwalo sikatububun yo isae tamana igitai Gosen koina. Saugana Yosepa iyawatagili koina, tamana isapwali yo ivalam sauga imamalawe. 30Kabo Yakobo iwalolau Yosepa koina iwaloba, “Kabona kabo yatalamwagau tem yaboita, kaiwena iyaele yaboma mangu mena yagitaiwoko yakato kowa iyaelemo meyawasim.”