Maajabu ga Mwenyezi Mlungu wakati ariphola Misiri
1 Wakati Aiziraeli ariphotuluka Misiri,
atu a chivyazi cha Jakobo ariphotuluka kula yo tsi ya luga njeni,
2Juda yakala makalo matakatifu ga Mlungu
na Iziraeli ichikala utawalawe.
3 Bahari yalola nayo ichichimbira
muho Joridani nao uchiricha kujera!
4Myango yatina-tina dza maturume,
na vidzango vichitina-tina dza ana ngʼondzi.
5Haya we bahari, yakaladze hata uchichimbira?
Nawe muho Joridani mbona waricha kujera?
6Mwi myango, mbona mwatina-tina dza maturume?
Namwi vidzango mwatinadze dza vidzana turume?
7Kakama mbere za Mwenyezi Mlungu, uwe dunia,
kakama mbere za Mlungu wa Jakobo,
8 anayeguta mwamba ukakala mtsara wa madzi
na mwamba ukakala pula za madzi.