Hay Mikantah nan Punti'idan ad Jerusalem
Hiyah te kantan ingkantan nan Hudyuh din nunti'idandan numbiyahen immuy ad Jerusalem.
1Ditu'un holag Israel ya alyon tu'uy,
“Numpaligligat di buhul tu'un ditu'un nete"ah din paddungnay a'unga tu'u,
2mu agguy ditu'u inabalinan an inabak!
3Ya paddungnay numpangahalom di hugat hi bonog tu'uh inatda an umat hinan na'aladun payaw,
4mu na'ahhamad hi Apo Dios ti pinogpognay nihbutan tu'uh nan nun'appuhiy ugalidan tatagu!
5An amin ni' nan bumobohhol hinan iJerusalem ya ma'abakda ta lumayawda,
6ya an aminda ni' ya umatdah nan holo' an himmangaw hinan atap an ag'aga ya nalyaw,
7ya mi'id ah managgung an mangamung ta uyunona.
8Ya mi'id ni' mala'uh eden babluy nan buhul tu'uy mangali ay diday,
Wagahan da'yun Apo Dios!
unu, Wagahan da'yuh ngadan Apo Dios!”