Mɔgɔɲuman ta sɛgɛ
1Ala ta batoso yɛlɛnsira ta dɔnkiri.
Ka ne degunin to, ne kasira ka Matigi Ala wele,
a ka ne jaabi.
2«E, Matigi Ala, ne nin bɔsi faninyafɔbaga da ma,
ne nin bɔsi mɔgɔjanfabaga nɛnkun ma.»
3Aw mɔgɔjanfabagaw, mun le bɛna kɛ aw sara ye?
Aw bɛna mun le sɔrɔ?
4Kɛrɛkɛcɛw ta biɲɛ minw donna tasumakami na k’a da diya,
o le bɛna kɛ aw sara ye.
5Bɔnɔ ka ne sɔrɔ, sabu ne tagara sigi Mesɛki;
bɔnɔ ka ne sɔrɔ, sabu ne tagara to Kedari ta mɔgɔw cɛ ra!
6Ne siginin tora nin mɔgɔw cɛ ra yan ka mɛɛn fɔ ka tɛmɛ;
nin mɔgɔ minw tɛ hɛra fɛ.
7Ne ko hɛra le;
nka ni ne kumana dɔrɔn,
olugu ko kɛrɛ.