1Moto munsɔ okoanole oɓokye Yesu ali Klisto

ali ŋwana wa Ŋwaphongo.

Emba moto munsɔ okozingye Ŋwaphongo,

kazingye na ɓana ɓa Ŋwaphongo.

2Na ɓaɓona toeɓe oɓokye tozingye ɓana ɓa Ŋwaphongo,

ɓo tozingye Ŋwaphongo tombe na kyelela miɓeko mɛ.

3Phɔ izinga Ŋwaphongo eli ɓoɓo:

Ikumola miɓeko mɛ.

Emba miɓeko mɛ temili ephesi,

4phɔ ŋwana wa Ŋwaphongo munsɔ ali molongyi wa mokyisi.

Emba elonga eya longa mokyisi, eli ianola sa ɓanga.

5Molongyi wa mokyisi nza,

ɓo teeɓe nde moto owaanola oɓokye Yesu ali Ŋwana wa Ŋwaphongo?

6Eli yo owa ya na nzela ya maa na ya malongo,

Yesu Klisto.

Taika ya nde na maa ɓoɓɛlɛ,

kasi aya na ná maa na ná malongo.

Eli Ɓolɔɓɔ okoimole,

phɔ Ɓolɔɓɔ ali phɛlɛ.

7Ɓaimole ɓali ɓɛ́ɛ ɓaato,

8Ɓɔlɔɓɔ, maa na malongo.

Emba ɓɛ́ɛ ɓasɔ ɓaato ɓawɔ nde munɔkɔ mɔnɔmɔ ɓɛkye:

9Ɓo toanole munɔkɔ ŋwa ɓato,

munɔkɔ ŋwaka Ŋwaphongo molekyi ɓonɛnɛ,

phɔ munɔkɔ ŋwa Ŋwaphongo ŋwango mumu:

Awɔ phɔ ya Ŋwana wɛ.

10Okoanole Ŋwana wa Ŋwaphongo

ali na munɔkɔ mɛ onte yɛ.

Otoanole Ŋwaphongo

kamobuya moto wa ɓɔɔlɛ,

phɔ taanole munɔkɔ ŋwaa wɔ

Ŋwaphongo phɔ ya Ŋwana wɛ.

11Emba kyeka munɔkɔ mɛ:

Ŋwaphongo alophɛ ɓomɔɔ pha ɓoɓɛlɛ,

emba ɓomɔɔ mɛ ɓoli onte ya Ŋwana wɛ.

12Oli na Ŋwana ali na ɓomɔɔ,

otoli na Ŋwana wa Ŋwaphongo, tali na ɓomɔɔ.

13Naekomesi maphɔɔ masɔ mamana

phɔ oeɓe oɓokye oli na ɓomɔɔ pha ɓoɓɛlɛ,

ɓɛ̀ɛ ɓali na ianola o nkombo ya Ŋwana wa Ŋwaphongo.

14Kyekya lowɔ lokyele oɓokye ɓanga salota o ɓoo phɛ:

Ɓo tomoongye ekpele yɔnɔyɔ ɓookozingye yo,

kalookye.

15Emba okoeɓe ɓanga oɓokye kalookye waamoongye ɓanga,

toeɓe oɓokye tozwe imoongye ɓanga.

16Ɓo moto mɔnɔmɔ kawɛnɛ nwɛbi nɛ kakyele isumu,

isumu site sikambe moto mɛ o iwa,

aɓɔndɛlɛ, emba Ŋwaphongo amophɛ moto okokyele isumu mɔna ɓomɔɔ,

ɓo isumu mɛ sikyesi yo tesikambe o iwa phɛlɛ.

Wali isumu sikambe o iwa:

Teli phɔ ya sango ekyewɔ nga oɓokye oɓɔndɛlɛ.

17Ɓoɓe ɓosɔ ɓoli isumu.

Kasi masumu masɔ temaakambe o iwa.

18Toeɓe oɓokye moto munsɔ oli ŋwana wa waphongo takule kyela isumu,

phɔ Ŋwana wa Ŋwaphongo kamoɓanza,

emba Moto moɓe tali na makokyi mi yo.

19Toeɓe oɓokye toli ɓaaka Ŋwaphongo,

kasi mokyisi munsɔ mokyimele o se ya ɓokonzi pha Moto moɓe.

20Toeɓe oɓokye Ŋwana wa Ŋwaphongo aya

amba na lophɛ mayɛlɛ

phɔ ya iyeɓa Owa phɛlɛ.

Emba toli ɓaaka Owa phɛlɛ, onte ya Ŋwana wɛ Yesu Klisto.

Iyo ali Owa phɛlɛ, ali Ŋwaphongo, ali na ɓomɔɔ pha ɓoɓɛlɛ.

21Ɓana ɓa nga,

kyeɓa na bikyeko.