«ታናንታ ታኣኮ ፂሉሞዋ ኮዓዞንሢ ዋይዙዋቴ፤

ዒንሢ ሾዔ ዒንዴሎ ሳኣራኣ ዛጉዋቴ፤

ዓብራሃሜ ታኣኒ ዔኤላኣና ናይ ዒዛኮ ባኣሴ፤

ጋዓንቴ ታኣኒ ዒዛ ዓንጄኔ፤

ዜርፆዋ ታ ዒዛም ሚርጊሼኔ።»

ዒዞኮ ዓሳ ናንጉዋ ዳውሎ ታኣኒ ዔዴኔ

ዳውሎ ሳዖዋ ፆኦሲ ዱማ ዱማ ሚፆ ቱኬ ቤዞ ታ ማሃንዳኔ፤

ዒኢካ ኮሹሞና ዎዛና ዓኣያ ማዓንዳኔ፤

ጋላታ ዓይኑሞዋ ዓይናዺንታንዳኔ።»

ታኣኒ ዒንሢም ጋዓሢ ዒና ዔኩዋቴ፤

ታኣኮ ዎጊፃ ታ ዴሮም ቢያ ፖዒ ማዓንዳኔ።

ዓኣፒ ጊኢጳማና ታኣኒ ባሻንዳ ዎዴ ሙካንዳኔ፤

ታኣኮ ዎልቆና ዴሮ ቢያ ታኣኒ ዎይሣንዳኔ፤

ዋኣፆ ሳዛ ዓኣ ዓጮይዳ ናንጋ ዴራ

ታና ሃጋኣ ዎዛ ማሂ ካፓኔ፤

ዔያታ ታኣኮ ዎልቆዋ ጉሙርቃኔ።

ጫሪንጫ ጩቢጉዲ ላኣሊንቲ ባይቃንዳኔ፤

ሳዓ ዓዳ ማኣዖጉዲ ጪንቃንዳኔ፤

ዒዞይዳ ናንጋዞንሢያ ቢያ ዉፃሌጉዲ ሃይቃንዳኔ፤

ታኣኮ ዓውሲፃ ጋዓንቴ ናንጊና ናንጋያኬ፤

ታ ፂሉሞኮዋ ጋፒንሢ ባኣሴ።»

ታኣኮ ዎጋ ዒንሢኮ ዒኖይዳ ዓኣ ዓሳኣ ዋይዙዋቴ፤

ዓሲኮ ቦሂፆ ዒጊጪፖቴ፤ ዔያቶኮ ጫዦና ዲቃቲፖቴ።

ዛኣሌ ሙዔ ሱኡፔ ዓፒላጉዲያ ማዓንዳኔ፤

ታኣኮ ዓውሲፃ ጋዓንቴ ናንጊና ናንጋያኬ፤

ታ ፂሉማ ሾይንቲፓ ሾይንቲ ሄላያኬ።»

ሚና ቤርታኣ ዎዶና ዓኣ ሾይንቶ ባኣካ ዓዳ ኔ ማዼ ጎይፆ ዔቄ፤

ሬዓቤ ጌይንታ ባዞ ቦዓሢ ጪርኬሢ

ዼኤፖ ቃራሢያ ጫርጌሢ ኔናኬ።

ዼኤፖ ዋኣፆ ሚጪሲ

ዬያይዴና ጎይሢ ኬሴሢ ኔናኬ።

ዎዛና ዓይናዺ፥ ዒላሺያ ዒላሺ ፂዮኔ ማዓንዳኔ፤

ዒኢካ ዔያታ ናንጊና ናንጋ ዎዛ ቶኦካ ዓጊ ቦንቺንታንዳኔ፤

ኮሹሞንታ ባይቁዋ ዎዛንታ ዔያታ ዴንቃንዳኔ፤

ዖዪሢንታ ዬኤፒንታ ዔያቶፓ ባይቃንዳኔ።

ዓካሪ ማኣቲጉዲ ሹላያና ሃሃይቃ ዓሲ ዒንሢ ዒጊጫሢ ዓይጎሮዳይ?

ዒንሢ ማዤ ናንጊና ናንጋ ጎዳ ዒንሢ ዋሌኔ፤

ዒንሢ ባይዛኒ ጊኢጌ፥ ሄርቂ ዎይሣ ዓሶኮ ጎሪንቶሮ

ቢያ ዎዴ ዒንሢ ዒጊቹሞና ናንጋኔ፤

ሃሢ ዔያቶኮ ጎሪንታ ዬይ ዓንካዳይ?

ዔያታ ቱኡቲ ዓኣ ዔቶይዳ ሃይቂንዱዋሴ፤

ዔያታ ሙዓንዳ ካሣኣ ባይቃዓኬ።»

ታኣኒ ናንጊና ናንጋ ጎዳ ማዔ ዒንሢኮ ፆኦዛሢኬ፤

ሱንፃ ታኣኮ ቢያ ባኮ ዎይሣ ጎዳኬ።

ኔና ታኣኮ ኩጮ ሺቦና ታ ሺባንዳኔ፤

ጫሪንጮ ዳሬሢ፥ ሳዖዋ ቦኦኮልቄሢ ታናኬ፤

ፂዮኔም፦ ‹ኔኤኒ ታ ዴሬኬ› ታ ጋዓንዳኔ።»

ማሢ ጋኣዲሳ ጎሪንቶ ዑዦ ዼኤፖ ዓንጎና

ጋፒሲ ዑሽኬ ዬሩሳላሜ!

ጴጬ፤ ላዓ ጌዒ ዔቄ! *

ኩጮ ኔኤኮ ዓርቂ ዔኪ ዓኣዻንዳያ ጴዺባኣሴ።

ዓካሪ ዖ ኔና ዶዲሻንዳይ?

ዬያሮ ታ ኔና ዎዲ ዶዲሻንዳይ?

ጎይፆኮ ዓሳ ቡካ ጶኦካ ላቢንቲ ሎኦሜኔ፤

ዔያቶ ዑፃ ናንጊና ናንጋ ጎዳኮ ዻጋ ሾኦቴኔ፤

ኔ ፆኦዛሢኮዋ ጎሪንታ ኬዴኔ።

ሜታሢና ቡኡዲንቴ ዓሳ ሃያ ዋይዙዋቴ።

ፔ ዴሮ ዛሎ ሞኦታ ዒንሢ ፆኦዛሢ ሂዚ ጋዓኔ፦

ሜታሢ ዑዦ ዓንጎ ታ ዒንሢ ኩጫፓ ዔኬኔ፤

ሃካፓ ሴካ ዬያ ዑዦ ዓንጋፓ ዒንሢ ዑሽካዓኬ።

ዔያታ፦ ‹ኑ ኔ ጊዴና ሄርቂ ሃንታንዳጉዲ ላሄ› ጌዔኔ፤

ኔኤኒያ ዔያታ ሃንታንዳጉዲ ዙሎ ኔኤኮ ዔያቶም ሃሼኔ።»