1-2ናንጊና ናንጋ ጎዳ ታኣም ጊብፄፓ ዓርቃዖ ሜሌ ዓጮ ካኣቶ ዛሎዋ ቢያ ኬኤዜኔ፤ ዒዮዓቄሜ ዪሁዳይዳ ካኣታዼንቴ ዖይዳሳ ሌዖና ዔፕራፂሴ ዎሮ ኮይላ ዓኣ ቤዞ ካርካሚሼይዳ፥ ኔኮ ጌይንታ ጊብፄ ዓጮ ካኣቲስኬይ ዖሎሮ ዔኪ ኬሴ ዓሶ ባብሎኔ ካኣቲ ናብካዳናፆኦሬ ዖሊ ባሼሢ ዛሎ ናንጊና ናንጋ ጎዳ ሂዚ ጌይ ኬኤዜኔ፦ *

13ባብሎኔ ካኣቲ፥ ናብካዳናፆኦሬ ጊብፄ ዓጮ ዖላኒ ሙካንዳሢ ዛሎ ናንጊና ናንጋ ጎዳ ሂዚ ጌይ ታኣም ኬኤዜኔ፦ *

25ዒስራዔኤሌ ፆኦሲ ማዔ ቢያ ባኮ ዎይሣ ጎዳሢ ሂዚ ጋዓኔ፦ «ጊብፄ ዓጮንታ ዒኢካ ካኣሽኪንታ ፆኦዞንታ ካኣቶንታ፤ ቴቤሴ ጌይንታ ካታሞኮ ካኣሽኮ ፆኦዛሢንታ ጊብፄ ካኣቲንታ ዒዛ ጉሙርቃ ዓሶ ቢያሢንታይዳ ሜቶ ታኣኒ ዓጋንዳኔ። 26ሃሣ ጊንሣ ዔያቶ ዎዻኒ ኮዓ፥ ባብሎኔ ካኣቲ፥ ናብካዳናፆኦሬና ዒዛኮ ዖሎ ዓሶ ኩጮናይዳ ዓኣሢ ታኣኒ ዔያቶ ዒንጋንዳኔ፤ ዬካፓ ዻካ ጋዓዖ ዬያኮ ቤርታ ዓኣ ጎይፆ ዓሲ ጊንሣ ጊብፄይዳ ናንጋያ ማዓንዳኔ፤ ዬያ ጌዔሢ ታና፥ ናንጊና ናንጋ ጎዳኬ።»